Lukas 19:13 - NTSHOB NSI

¹³ A ghù bo tsiaṅ tshe' tse gham, a fà minà bo gham, ntshob bo ndù: Bin nèn nta, njù bin tà nkum ngelaṅ me nsi bèn njam nà.

Lukas 19:13 Iomraidhean Croise

Matio 25:16

Be ndùse, mèn z'a kwé talaṅto tàn nà nèn, nta, njù tsemo' tse tàn.

Matio 25:20

Mèn z'a kwé talaṅto tàn nà se' mbaṅ i, mfà tsemo' talaṅto tàn yi, ntshob yi ndù: Tà, o lo fà talaṅto me tàn; tshù, me ta njù tsemo' talaṅto tàn.

Matio 25:22

Mba mèn z'a kwé talaṅto bàa là se' ze, ntshob ndù: Tà, o lo fà talaṅto me bàa, tshù, me ta njù tsemo' talaṅto bàa.

Matio 25:24

Mèn z'a kwé talaṅto ntshù' là se' ze, ntshob ndù: Tà, me lo lèn ndù o b'a ngakubte z'a be ntsho' tshu dù' z'a be ke ywit là, z'a be ntse'te tshu dù' z'a be ke yag là.

Lukas 19:12

A tshob ndù: Mo' mèn ndùb lo ke nèn ntùm mo' ngô z'a sag là, ndù bo yo' i fen k'a bèn njam.

Lukas 19:14

Là ba la' lo ke mbàn i; ngelaṅ a nèn nà, bo tum bo nèn ntshob ndù: Bag ke' kô ndù yen mèn nà tô yage.

Yohané 12:26

A be ze mèn tshwèt mfa' me là, a tam njam àm; dù' ze me be bwe là, mba ngafa' àm nsi be ze bwe. A be ze mèn tshwèt mfa' me là, mba Tà nsi nyàmt'é.

Galatia 1:10

Ndonni me b'a num nu benntùn ké, ke num nu Nsi à? Me ke ndiag à nebwô benntùn ké? Me lo nke nke' mbwô benntùn, mba me ke' be nkuan Kristô.

Yakobo 1:1

Me Yakobo, ngafa' Nsi mba Yésu Kristô, kite yen ṅwa'ni li à tunndà ntshob bàa gham tse bo sate là, me tsha'te zine.

2 Pétro 1:1

Me Simon Pétro, nkuan mba ngantum Yésu Kristô. Me kite yen ṅwa'ni li à ben tse bo kwé bamntù tanjoṅ ndaṅndaṅ mba bag là, njam nunetsin Nsi be mba ngayôg be Yésu Kristô là.