Lukas 18:9 - NTSHOB NSI

⁹ A tshob mba mo' tànkùt mfà num ben tse bo num nke ndo' wut tshob mba ben netsine, nke ngwag tsemo' benntùn nà.

Lukas 18:9 Iomraidhean Croise

Tànkùt 30:12

Mo' nzwit mèn num bwe nke njen mba bo làn tshob là ke be ndù bo sôg yub num sagte!

Esaya 65:5

Bo nke ntshob ndù: Kù'te mbaṅ bag ntsin tà nsen din! Kà kwag àm, me nsi lànt'o. Njoṅ i fa lo' nzembwôg nen mfaṅ ntselag màm yi. A b'a mbwôg z'a tshwèt nkù, mbe ndù a nsi ke kù là.

Esaya 66:5

Bin ju' ntshob Tshùaben, njoṅ zin fa tse bin be mbwôg ntshob mi là. Tshù ju ze fèt tsin tse bo num mbàn zine, nke ma' zin njam num lén sàm be ntshob li: A bwô ndù Tshùaben la'te nkuni mi, bag yen zin tsiaṅte. Nda' ndù tuswe nsi ko yube.

Lévitiko 13:32

A bwô ndù a tsha' ngangokèt num mbatte lé'njù sammbàa. A be z'a yen ndù mbàn ke tshwèt njù ng'é, sàm nyiaṅ meba ke be dù' i, mfaṅ ke be ndù a tsho nèn ntùm bwe là,

Lukas 10:29

A diag nebe mèn netsine, ntshob Yésu ndù: Mèn z'a ghebte mbaṅ àm nà b'a we?

Lukas 15:2

Ba Férésia mba ghalèn ṅwa'ni Nsi nke ntshobte tun tô ntshob ndù: A num ndo' ben kebwô nke njù jujù bo à bo.

Lukas 16:15

A tshob bo ndù: Bin b'a ben tse bo num ndo' wut tshob mba ben netsin num miag benntùn nà, là Nsi lèn ntù tsine! Ju z'a b'a ze ndùb mbwe benntùn nà, a num mb'a ṅu' mbwe Nsi.

Lukas 18:11

Mén Férésia tsin tù, nde'te Nsi num tu wul i, ntshob ndù: Nsi àm, me labt'o mba me ke' be tshàm à mba tsemo' benntùn, tse bo b'a ba fimntshu, ben nu tshob ke' tsin nà, ghaghù màndà, ke bèn mbe tshàm à mba yen ngakwéfé li là.

Lukas 19:7

Njoṅ yub fa be yen yen nu là, ntshobte tun tô, ntshob ndù: A nèn ntsho ndà ngaghù nukebwô nzi bwe.

Lukas 7:39

Là mén Férésia z'a na' ntsiaṅ Yésu là yen ndùlala, ntshob ntùm ntù i ndù: Yen mèn ni lo mb'a ngatshob ntshob Nsi, mb'a lèn lén mèn ze mènnzwi z'a tshwèt nkwag i be yi là, mb'a lèn ndù a b'a mènnzwi kebwô.

Yohané 8:48

Ba Yuda bùnte ntshob yi ndù: Bag ke tshob à nenùne, a be ze bag tshob ndù o b'a ze Samaria mba ndù o ghù ywètkebwô là ké?

Yohané 9:28

Bo so ndon tu i, ntshob ndù: O bèn mbe ngazi'te nu yen mèn nà, là bag b'a ghazi'te nu Mosé.

Yohané 9:34

Bo bùnte ntshob yi ndù: Njoṅ wul o fa bo bwe i à ntùm nukebwô, o tshwèt ntswite yag ké? Bo ma' i njù.

Mfa' Ghantum 22:21

A tshob me ndù: Tam manze, nummbe m'a' tum o ngùanesà ju ghakelèn Nsi.

Roma 10:3

Nummbe bo lo ke lèn nunetsin Nsi.

Roma 14:10

Là wù, numk'o nke ntsho'te mfèl o à? Nummbe njoṅ be fa nsi tsin mbwe diaṅ ntsha Nsi,

Roma 14:3

Kà mèn z'a num njù là wag mèn z'a ke' be jù là; kà mèn z'a ke' be jù là tsho'te mèn z'a num njù là. Nummbe Nsi lo' i.

Roma 7:9

Me lo ke njôg tà ngelaṅ mbwe, ngelaṅ ze ntshù' be ke be là, là, ngelaṅ ntshù' se' là, nukebwô bèn ngù yôg, tu wul àm me kwù.