Lukas 18:43 - NTSHOB NSI

⁴³ Be num yen ngelaṅ nà, a yen nze, ntam njam Yésu nke ngamte Nsi. Njoṅ benntùn fa be yen yen nu là, mfà ghamte Nsi.

Lukas 18:43 Iomraidhean Croise

Yobkwi 107:15

A bwô ndù bo ghamte Tshùaben num kondèn i mba mum mfa' mi mi nekuni num bon mèn nyiaṅtu!

Yobkwi 107:8

A bwô ndù bo ghamte Tshùaben num kondèn i mba num mfa' mi mi nekuni num bon mèn nyiaṅtu.

Yobkwi 146:8

Tshùaben be ngù mfùmiag yente, Tshùaben be ntsiagte ben tse bo ṅam nà, Tshùaben be nkô ben netsine,

Yobkwi 30:2

O! Tshùaben, me nyàmt'o, nummb'o lo bù't'àm. O ke' bam ndù ghakeban tshàm tsiaṅte num àm.

Esaya 35:5

Yen ngelaṅ nà miag ba mfùmiag nsi gha'a, ntoṅ ba mbu'ntoṅ tsho'o;

Esaya 42:16

Me nsi ghù ba mfùmiag zin num manze ze bo ke' lèn nà. M'a' lo' yub ntshùa yi num ntshagnze tse bo ke' lèn nà. M'a' lo' njam ts'a mbwe bo là nkaṅ nelàn yi. M'a' kaṅ dù' ts'a ṅatte l'a tù' tômbo'o. Tshù ju ze me nsi ghù là. Me ke nsi ghua' yube.

Esaya 43:21

Nzwit ze me na' nabte là nsi soṅ nkuni màm.

Matio 11:5

Ba mfùmiag tshwèt njene, ba kekat nke nzine, wut ghankin nke ndàne; ba mbu'ntoṅ nke nju'u, fe ben nke ndo num vù; bo tshwèt nke ntshob nkùn mebwô bwoṅbwoṅ.

Matio 21:14

Tsemo' mfùmiag mba tsemo' kekat se' mbaṅ i ntùm ndà Nsi, a yate yube.

Matio 9:8

Bwoṅ benntùn be yen yen nu là, mbwôge, bo ghamte Nsi z'a fà lèn yen ngù' là benntùn nà.

Lukas 13:17

Ngelaṅ a tshob yen nu li là, tuswe ko ghakeban tse, njoṅ bwoṅ benntùn fa nke ntsiaṅte num njoṅ tshu nekuni fa tse Yésu ke ngù là.

Lukas 19:37

Mb'a ke ngebte mbaṅ Yérusalém dù' swe'swe' num mbat nten nà, njoṅ bwoṅ ghazi'te nu i fa dun tsiaṅte, nto' neke nyàmte Nsi kua' neta num njoṅ nsà tse bo na' njen nà.

Lukas 4:39

Yésu ben wul i num i, ntshobte saṅtewut là, a tum num i. A be lo nsi be ngelaṅ mbile, nto' nefa' bo.

Lukas 5:26

Njoṅ benntùn fa tshàm neshu, nke ngamte Nsi, bwôg bèn ntshùb yub bo tshob ndù: Bag yen nu ke to' yen sènni.

Lukas 9:43

Njoṅ benntùn fa tshàm, mfà num ze neghu' Nsi. Mba njoṅ benntùn fa ke nyàmte njoṅ tshu fa Yésu ke ngù là, a tshob ghazi'te nu i ndù:

Mfa' Ghantum 11:18

Ngelaṅ bo ju' men ntshob li là, ntù tshob fite, bo ghamte Nsi, ntshob ndù: A kua' nenùn ndù Nsi bam nu nekaṅ ntù, nse' njôg mba ghakelèn Nsi.

Mfa' Ghantum 26:18

negha' miag mub ndù bo kaṅ ntù tshob ntum ntùm njam nse' ntùm nelàne, ntum ntùm neta Satan, ntam njam Nsi, mbam àm, nkwé nelagte nukebwô tshob mbèn nkwé ntsi' netèt ben tse Nsi lànte yub là.

Mfa' Ghantum 4:21

Bo bèn ntshobte yube, ke fon mat ze bo so ntsha yi tu bo là, nummbe bo lo ke mbwôg benntùn tse bo ke ngamte Nsi num nu z'a tôg là.

Galatia 1:24

bo lo ke ngamte Nsi num àm.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.