Lukas 18:19 - NTSHOB NSI

¹⁹ Là Yésu tshob yi ndù: Numk'o ntsiaṅ àm mèn mebwô à? Sàm mèn ke mèn mebwô k'a ke nda' Nsi tù' i.

Lukas 18:19 Iomraidhean Croise

ṄWA'NI YOB 14:4

We z'a ghù nesô ju nelàn ntùm ze kelàn à? Sàm mènntùn ke bwe.

ṄWA'NI YOB 25:4

Be mènntùn tum mèn netsin num Nsi à ndùke? Be mèn ze mènnzwi bèn mbwe i là tum mèn nelàn mbwe i ké?

Lukas 1:35

Angél bùnte, ntshob yi ndù: Ywèt Nelàn nsi se' num o, neta mfe tù kabt'o netshaṅ i. A nsi tshùa ndùlala, kà bo tsiaṅ mén nelàn nà z'o nsi bwe là ndù Mén Nsi.

Lukas 11:13

A be ze ben kebwô mba bin num ndèn nefà tshu mebwô bon tsin nà, mba Tà zin mfe kamànyam nsi fà ze Ywèt Nelàn ben tse bo lon yi là ntshùa ndùlala!

Lukas 18:18

Mo' nkam bètte Yésu ndù: Ngatswite ze mebwô, m'a' ghù à ke kà ngù yàm bag i ntùm yôg matmat là?

Lukas 18:20

O lèn ntshù' Nsi: Kà ghù màndà, kà zwi mèn, kà yi tshô, kà kwé nta tatte, ke nku'ni tàan mba màan.

1 Timôtio 3:16

Kua' nenùne, tsham neghamte Nsi b'a se ndùb: A lo tswite wul i ntùm mbàb wut, ntù' mèn netsin njam Ywèle, a lo la'te wul i ba Angél, bo lo tshob i netèt ghakelèn Nsi, bo lo bam i ntùm ntù, bo lo bù' i tù ntùm nkuni.

Héber 7:26

Yen ni b'a lèn ngale'te Nsi ze ndùb ze be ke nkô là, mèn nelàne, ke lèn nukebwô, kelo'; mèn ze bo fagt'é num ghaghù nukebwô, a nèn tù ntshùa kamànyam nà;

Yakobo 1:17

Njoṅ nda' mebwô fa mba njoṅ ju kondèn fa z'a bwô miagte là ke mfe à mfe tù, ntum à num Tà ba nka', ze sàm nebate mba netshaṅ nebate ke' be num i là.