Lukas 18:16 - NTSHOB NSI

¹⁶ Là Yésu tsiaṅ yub mbaṅ i, ntshob ndù: Bin faṅ bontsit bônke' bo se' ntèl àm, kà bin tshèt yube, nummbe nufen Nsi b'a ze ben tse bo be ndaṅndaṅ mba bo là.

Lukas 18:16 Iomraidhean Croise

Neto'te 21:4

Abraham si ket nshum i ndùs'a kum lé'njù fome, ndaṅndaṅ mba Nsi na' ntshob yi là.

2 Kronika 20:13

Ba Yuda fa lo tsinte mbwe Tshùaben boa bontsit bon tshobe, zwi tshob boa nshumnshum tshobe.

Yérémia 32:39

Me nsi fà ntù ntshù' bo nze ntshù' bo. A nsi tshùa ndùlala bo ke mbwôg àm njoṅ ndù fa, num sob fu' mba se bon tshobe.

Matio 19:14

Là Yésu tshob ndù: Bin faṅ bontsit bônke' là, kà bin tshèt yub nese' ntèl àm; nummbe nufen kamànyam b'a ze ben tse bo be ndaṅndaṅ mba bo là.

Lukas 18:15

Bo lo' mba bonfi nse' yi ndù Yésu kwag yube. Ghazi'te nu Yésu be yen ndùlala, ntshobte yube.

Lukas 18:17

Kua' nenùne, me tshob bin ndù: Mèn z'a ke nsi kwé nufen Nsi à mba metsit mén nà, ke nsi tsho bwe.

Mfa' Ghantum 2:39

Nummbe nka'ni b'a mine, mi bon tsine, mba mi ben tse bo be ngùanesà, ben yàm tse Tshùaben Nsi be nsi tsiaṅ yub là.

1 Korintô 14:20

Fèt tshàm, kà bin be bônke' ntùm nkwate. A bwô bin b'a bonfi num nukebwô; là ntùm nkwate bin be kum benntùn tse bo ku' là.

1 Korintô 7:14

Nummbe mandum ngakelèn Nsi tù' mèn nelàn num nzwi i; mènnzwi ngakelèn Nsi tù' mèn nelàn num ndu i mènkristô, ntag ndùlala mba bon tsin ke' làn; njôg mbe ndù bo b'a nelàn ndonni.

Nebwôgte 29:11

Sènni o tsho ntùm kàn Tshùaben Nsi o, kàn se bin yi wat sen lé'njù li là. A wat sen kàn nà mbam nu bwe.

Nebwôgte 31:12

Tsiaṅ ngô fa, bandum, bènnzwi, bon, ngùn z'a be ntùm ntusô mu là, ndù mba we lo ju'u, ntshùa bwe nzi'te neke mbwôg Tshùaben Nsi o, nke mbèn nke nze ntshob yen ntshù' li.

1 Pétro 2:2

Bin kù ntù num ko' mbùn ntshobe, mba bonfi là, ndù a ghù bin ku'u, nkwé yôg,