Lukas 18:14 - NTSHOB NSI

¹⁴ Me tshob bin ndù: Yen mèn ni lo be bèn njam ndà i ndù nu i tsin, ze mo' ke tsin. Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Lukas 18:14 Iomraidhean Croise

ṄWA'NI YOB 22:29

Ndùs'o vù nsi là, mb'o a' le'te Nsi ndù a bù' o. Nsi ke njwimt'a mèn ze ntshù mi tshùaṅ nà.

ṄWA'NI YOB 25:4

Be mènntùn tum mèn netsin num Nsi à ndùke? Be mèn ze mènnzwi bèn mbwe i là tum mèn nelàn mbwe i ké?

ṄWA'NI YOB 9:20

Me tum be mèn netsin mba ntshu àm nsi so àm kame. Me tum be mbu' mba ntshu àm nsi yab àm njo.

Yobkwi 138:6

Tshùaben b'a tà mfe tù, a be njen ghafà wut nsi. A be ntsin ngùanesà ndèn ghako'tewut.

Yobkwi 143:2

A ke' bwô ndù o tsho'te ntsha ngafa' o, nummbe sàm mènntùn ke' be netsin mbwe o.

Netume 18:11

Ndonni me lèn ndù Tshùaben lo b'a mèn ndùb ntshùa tsemo' nsi fa, nummbe Nsi la'te ndùlala ndùse bo ke ngùtni zin nà.

Tànkùt 15:33

Nebwôg Tshùaben be ntswite zenu; mbétni bèn nke mbe mbwe ghamte, nefà wut nsi.

Tànkùt 18:12

Ntù mèn ke nka'te neshu o lèn mbe ze nevù ghebte; mbétni bèn nke mbe mbwe ghamte.

Tànkùt 25:7

Nummbe mebwô be mèn a ndùse bo tshob yi ndù: Ko' nse' nsen ni là, ntshùa nekôg o mbwe nkam. z'a bam ndù o se' mbwe i là,

Tànkùt 29:23

Ko'tewut mènntùn be kôge, là mèn z'a num mbétni là ghù ywèt yàme.

Tànkùt 3:34

A be ntshabte ghatshabte, Là, nke nko ndèn ghafà wut nsi.

Nzenu 9:7

Nène, njù bàn o ntùm tsiaṅte mbèn ndo' ntù mebwô nu ndu' mu yi, nummbe Nsi yà bam mfa' mu.

Esaya 45:25

A nsi tshùa njam Tshùaben njoṅ nzwit Israél fa tù' ben netsine, bo bèn ngamte yube.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Habakuk 2:4

Tshù, zwiag s'a be nko'te wut là ke' b'a num manze ndaṅndaṅ; là mèn netsin nsi yôg à njam bamntù i.

Matio 23:12

Mèn z'a nsi lo' wul i nèn yi tù là, bo nsi tèn i fà nsi; mèn z'a nsi lo' wul i nèn yi nsi là, bo nsi bù' i fà tù.

Matio 5:3

Ghafen b'a ben bo bwoṅ ywèt là, nummbe nufen kamànyam b'a yube.

Lukas 1:52

ntèn fenfen num ndiaṅ mub ma'te nsi, mbù' ghafà wut nsi tù,

Lukas 10:29

A diag nebe mèn netsine, ntshob Yésu ndù: Mèn z'a ghebte mbaṅ àm nà b'a we?

Lukas 14:11

Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Lukas 16:15

A tshob bo ndù: Bin b'a ben tse bo num ndo' wut tshob mba ben netsin num miag benntùn nà, là Nsi lèn ntù tsine! Ju z'a b'a ze ndùb mbwe benntùn nà, a num mb'a ṅu' mbwe Nsi.

Roma 3:20

Nummbe sàm mèn ke nsi be mèn netsin mbwe i ntshùa njam mfa' ntshù', nummbe a num ntshùa njam ntshù' mèn lèn nukebwô tse.

Roma 4:5

Mèn z'a ke' fa' fa', là mbam mèn z'a be ngù nga wag Nsi tù' mèn netsin nà,

Roma 5:1

Ndùlala, mba be na' ntù' ben netsin à njam bamntù là, be ghù fite bag à bin Nsi ntshùa njam Tshùaben be Yésu Kristô.

Roma 8:33

We z'a nsi bote ben Nsi ts'a tsho' yub l'à? Nsi bèn ngù mèn netsine.

Galatia 2:16

Là bag à bin lèn ndù mènntùn ke' tù' mèn netsin à num mfa' ntshù', là nda' njam bamntù num Yésu Kristô, mba be ze be lo bam Kristô Yésu, ndùlala ndù be tù' ben netsin njam bamntù num Kristô, ke b'a num mfa' ntshù', nummbe sàm mèn ke nsi tù' mèn netsin num mfa' ntshù'.

Yakobo 4:10

Bin fà wut tsin nsi mbwe Tshùaben, a nsi bù'te zine.

Yakobo 4:6

A num mfà kondèn z'a be ze ndùb ntshùate là; a ndùlala a tshob ndù: Nsi be ntshètte ghako'tewut, là, a num mfà kondèn ghafà wut nsi.

1 Samuél 1:18

Ana tshob ndù: A bwô ngafa' o ze mènnzwi tum mènfen num miag mo. Mènnzwi là tshob ndùlala nène. A jù ju, se i ke bèn mb'a mbe mi.