Lukas 18:13 - NTSHOB NSI

¹³ Là ngakwéfé' tsin ze tà ngùanesà, ke ku'ni nebù' miag mi ndôte mfe kamànyam. A tù' lab be ntù i ntshob ndù: Nsi àm, ko ndèn màm ze me be mèn kebwô là.

Lukas 18:13 Iomraidhean Croise

2 Samuél 12:13

David tshob Natan ndù: Me ghù nukebwô num Tshùaben! Natan tshob David ndù: Tshùaben lagte nukebwô o, o ke nsi kwù.

2 Kronika 33:19

Le'te z'a le'te bo mat Nsi bam le't'é là, nukebwô tse boa tse tatu, dù' ts'a kut ba mbwe' bwe boa ba neto mba tshu nekom ts'a ghù kà njôg mfà wul i nsi là, bo kite ntùm ṅwa'ni Hozai.

2 Kronika 33:23

A ke fà wut nsi mbwe Tshùaben, mba tàab Manasé na' mfà là, nummbe Ammon lo ke mfàn tse nu nèn yi à be mbwe.

Esdra 9:6

ntshob ndù: Nsi àm, me b'a ntùm tuswe, tuswe nke nko àm me Nsi àm, nebù' se àm nsi ndôt'o. Nummbe mfànnu mag kabte yage, nukebwô yag ko' tà nkum mfe kamànyam.

ṄWA'NI YOB 42:6

A ndùlala, tuswe ko àm, me kaṅ ntù àm, nô ntùm mbab bo bwembwôge.

Yobkwi 106:6

Bag lo ghù nukebwô mba tà tshag là, bag lo fàn nu, bag lo ghù nu z'a ke' bwô là.

Yobkwi 119:41

Tshùaben, a bwô ndù kondèn o se' num àm, mba yôg s'a fe wù là, mb'a be num nka'ni o là.

Yobkwi 130:7

A bwô ndù Israél nywinte num Tshùaben, nummbe kondèn num mbaṅ Tshùaben, netshu' be mbèn njàm mbaṅ i.

Yobkwi 25:11

O! Tshùaben, o tshùa num lén so, kà ndagte mfànnu màm, nummb'a ghu' neshu.

Yobkwi 25:7

Kà te lag num tshàm nukebwô lé'njù nshum, ke màm mfànnu lo. O Tshùaben, kwimt'àm nda' num kondèn o, mba num bwôntù o.

Yobkwi 40:12

Wù Tshùaben! O ke nsi gha kondèn o me. Kondèn o mba yu nenùn nsi ke béb àm njoṅ ndù fa.

Yobkwi 41:4

Tshùaben be ntomt'é num kunndà nge', o bèn nke ngo' se sebàn ngokét.

Netume 33:10

Ngô nke njen mba bwoṅ ndot tsin ntshu ntàb là, mba zit mèn no lo ntsin tù, nte nkekwi' mi nsi mbwe ko' ze ntàb.

Esaya 1:18

Tshùaben tshob ndù: Bin se' bag bin tsho'te l'à? A be ze nukebwô tsin sèn mba kekimbwôg là, mb'a nsi fôg mba mbem nà, a be z'a ba mba bù là, mb'a nsi fôg mba ndeb là.

Esaya 6:5

Ndùlala me tshob ndù: Njennge' mba me là, m'a kwù. Tshù, me b'a mèn ze nkub ntshu mi ke' làn nà; me ke ntswe à netèt ben tse nkub ntshu mub ke' làn nà. Tshù là, miag màm yen mfen Tshùaben tàndà ntsho.

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

Ezékia 16:63

ndùlala ndù o kwimte ju z'a tôg là tuswe ko o, mba ndù k'o bèn nga' ntshu o, tuswe ko o, ndùse me nsi lagte njoṅ mba ke lo z'o ghù là. Tshùaben Nsi bèn ntshobe.

Daniel 9:5

bag lo ghù nukebwô, bag lo fàn nu, bag lo be ghatshùagntù, mbe ghatatu, nkag ntshù' mu bo ntag mu nsi.

Matio 10:3

Filibo mba Bartélémi. Tomas mba Matio ngakwéfé', Yakobo mén Alféo mba Tadéo;

Matio 6:5

Ngelaṅ bin tshwèt nde'te Nsi là, kà bin be mba ghamfùm nà, nummbe bo num nkô netsin tù ntùm sinagogue mba mfagte manze kà nde'te Nsi, ndù benntùn yen yub là. Kua' nenùne, me tshob bin ndù bo à kwé mub ntsho'fa'.

Matio 9:13

Bin nèn nzi'te tun men ntshob li ndù: Me kô à kondèn ke b'a ju nele'te Nsi. Nummbe me ke na' nse' netsiaṅ à ben netsine, là ben kebwô.

Marko 11:25

Ngelaṅ bin tsin tù nele'te Nsi là, bin lagte nu tse benntùn ghù bin nà, ndùlala ndù Tà zin z'a be kamànyam nà lagte ze min mfànnu. [

Lukas 17:12

A be kum ntshu mo' ngô, tsemo' ghankin gham nke nse' bo à bo bumte, ndù bo tsin ngùanesà.

Lukas 22:41

Tu wul i kù'te mbaṅ bo, nèn nguan ma' loṅ, nkwim ntunkekwi' mi nsi, nde'te Nsi,

Lukas 23:48

Njoṅ bwoṅ benntùn fa tse bo na' nse' neyen nu z'a tshùa là, be bèn njam nke ndab ntù tshobe.

Lukas 5:8

Simon Pétro be yen ndùlala, ngwù num nku Yésu, ntshob ndù: Tshùaben, lo mbaṅ àm, nummbe me b'a mèn kebwô.

Mfa' Ghantum 2:37

Bo be ju' men ntshob li a kwag yub tà ntùm ntù tshobe; bo tshob Pétro mba tsemo' ghantum ndù: Fèt tshag, bag nsi ghù à ndùke?

Roma 5:8

là Nsi num nda'te kua' nkôni i be: Ngelaṅ ze be na' nke' à ben kebwô là, Kristô lo kwù num be.

2 Korintô 7:11

Tshù lèn fa' mebwô se ngùtni z'a b'a num ze nekô Nsi là, yam num bin nà njene, nekwénta wut tsine, netshàme, nebwôge, nekù ntù, nenànte, nevù ntsha, num njoṅ i fa, bin lo kwé nta wut tsine, nda'te ndù bin b'a nelàn num yen ntsha là.

1 Timôtio 1:15

Men ntshob li b'a nenùne, nku'ni ndù mèn bam i njoṅ ntù i fa ndù Kristô Yésu se' ntùm njù neyôg à ben kebwô, tse tu wul àm be mbwe mèn netèt bo là.

Héber 4:16

Ndùlala, bag à bin fèn ntù nèn mbaṅ ko'fen kondèn, ndùlala ndù bag à bin kwé nkôni, njen kondèn z'a nsi ywimte be ngelaṅ z'a ku' là.

Héber 8:12

nummbe me nsi ko ndèn mfànnu mube, me ke nsi bèn kwimte nukebwô tshobe.