Lukas 18:12 - NTSHOB NSI

¹² Me num nzi nziku' yoṅ bàa ntùm ta' ngabnjù; me num nga ngabte tshu tshàm fa nze gham, mfà bag i ntshù' num lén so.

Lukas 18:12 Iomraidhean Croise

2 Fenfen 10:16

a tshob ndù: Se' be nène, o nsi yen njoṅ nkôni ze me ghù num Tshùaben nà. A kel i ntùm kalig se bo yi nèn.

Esaya 1:15

A num mbe ndùse bin shù mbu min me là, me kaṅ se àm. Bin le't'àm a yàm be ndùke lo mba me ke nsi ju'u. Lem gha' mbu ntùm mbu mine.

Malashi 3:8

Be mènntùn fùte Nsi ké? Nummbe bin be mfùt'àm, nke ntshob ndù: Bag fùt'o à num zit nu à? Mum bag tshu ntshù' num bag tse gham mba mum ba nda'.

Nesiaṅe 18:24

Ze ju nzwit Lévi ze bon ba Israél ghù ndo' num tshu mfà bo là b'a ju nze ntshù' num nze gham, num mba ke lo ze mèn ghù là. A b'a ju z'a ghù kà me ntshob ndù: Bo ke nsi ghù ju ntsi' netèt bon ba Israél là.

Nesiaṅe 23:4

Nsi se' mbwe Balaam, a tshob yi ndù: Me ghù bo nabte tômbwôge sammbàa, nton ta' ndu mfô mba ta' kekomnjù mba num sit tômbwôg lo.

Matio 5:20

Nummbe me tshob bin ndù: A be ze zin nunetsin ke' tshùa ze ghalèn ṅwa'ni Nsi mba ba Férésia là, mba bin ke nsi tsho ntùm nufen kamànyam.

Matio 6:1

Bin bam nà neghù nunetsin num miag benntùn ndù bo yen zine; a be ndùlala mba bin ke ghù ntsho'fa' mbaṅ Tà zin z'a be mfe kamànyam nà.

Matio 6:16

Ngelaṅ bin tshwèt ntswe nziku' là, kà bin nyamte se zin mba ghamfùm nà; bo num ṅu'te se tshobe, ndù benntùn lèn ndù bo tshwèt ntswe nziku'u. Kua' nenùne, me tshob bin ndù bo à kwé mub ntsho'fa'.

Matio 6:5

Ngelaṅ bin tshwèt nde'te Nsi là, kà bin be mba ghamfùm nà, nummbe bo num nkô netsin tù ntùm sinagogue mba mfagte manze kà nde'te Nsi, ndù benntùn yen yub là. Kua' nenùne, me tshob bin ndù bo à kwé mub ntsho'fa'.

Matio 9:14

Ghazi'te nu Yohané se' mbaṅ Yésu, ntshob ndù: Numke bag mba ba Férésia nke ntswe nziku'u, là ghazi'te nu o ke be tswe yub à?

Lukas 11:42

Là nge' num bin ba Férésia, nummbe bin be ndo' netshime, ntàmndoṅe, ywitngon, ngabt'é nze gham, mfà ta' bag i ghale'te Nsi, là njôg ngwag nunetsine, mba nkôni Nsi. A lo bwô neke nze yen ni, ke bèn nengwag yen nà.

Lukas 17:10

Mba bin zin, ngelaṅ bin ghù ju ze bo tshob ndù bin ghù là, bin tshob ndù: Bag b'a ghafa' tse bo ke' ywimte là; bag ghù nda' ju z'a bwô ndù bag ghù là.

Roma 3:27

Ndùlala nu nta'nsoṅ b'a yà? Bo sô i. Mit ntshù' a? Ntshù' mfa' ké? Nga, là ntshù' bamntù bèn nsô i!

1 Korintô 1:29

ndùlala ndù kà sàm ju Nsi nabte là ta' nsoṅ mbwe Nsi.

Galatia 1:14

me lo nèn mbwe ntùm nu ba Yuda ntshùa ghuan tshàm yàm ntùm nzwit yag, nke nkô nu ba tà tshàm na' ntshob là ntshùate.

Efésô 2:9

a ke b'a num mfa', ndùlala ndù kà sàm mèn ta' nsoṅe,

1 Timôtio 4:8

nummbe nefà wut num sa ywimt'a metsili, là neghamte Nsi ywimte num njoṅ i fa, ngù nka'ni num yôg, se ndonni mba s'a nsi se' là.

1 Samuél 15:13

Samuél nèn mbaṅ Saulo, Saulo tshob yi ndù: Samuél, a bwô Tshùaben tam ntse wù! Me lo ze kàn se.