Lukas 18:11 - NTSHOB NSI

¹¹ Mén Férésia tsin tù, nde'te Nsi num tu wul i, ntshob ndù: Nsi àm, me labt'o mba me ke' be tshàm à mba tsemo' benntùn, tse bo b'a ba fimntshu, ben nu tshob ke' tsin nà, ghaghù màndà, ke bèn mbe tshàm à mba yen ngakwéfé li là.

Lukas 18:11 Iomraidhean Croise

Yobkwi 134:1

Yobkwi ko'ko'. Be nène! Bin ghamte Tshùaben, njoṅ zin fa tse bin be ghafa' Tshùaben nà, bin tse bin be ntsinte ntùm ndà Tshùaben, ntùm bam ntshundà ts'a be tse Ndà Nsi be là.

Yobkwi 135:2

Bin tse bin tsinte ntùm ndà Tshùaben ntùm bam ntshundà ts'a be tse Ndà Nsi be là.

Tànkùt 20:6

Benntùn yàm be ndo' ka'te nsoṅ bwôntù yub yi: là we z'a ghù nefon kua' mèn nenùn à?

Tànkùt 30:12

Mo' nzwit mèn num bwe nke njen mba bo làn tshob là ke be ndù bo sôg yub num sagte!

Esaya 1:15

A num mbe ndùse bin shù mbu min me là, me kaṅ se àm. Bin le't'àm a yàm be ndùke lo mba me ke nsi ju'u. Lem gha' mbu ntùm mbu mine.

Esaya 58:2

Bo be ndiag àm njoṅ lé'njù fa, nke nkô nelèn tshàm manze; nke ngù à mba ngô z'a ghù nunetsine, ke ghua' tse ntshù' Nsi i là. Bo tshwèt mbètt'àm mb'a bwô neghù kà nunetsin be là, nke nkô neghebte num Nsi.

Esaya 65:5

Bo nke ntshob ndù: Kù'te mbaṅ bag ntsin tà nsen din! Kà kwag àm, me nsi lànt'o. Njoṅ i fa lo' nzembwôg nen mfaṅ ntselag màm yi. A b'a mbwôg z'a tshwèt nkù, mbe ndù a nsi ke kù là.

Yérémia 2:28

Ba Yuda, nsi tsin tse bin nabte là yà? Bo lo nsi, a be ze be bo yôg zin ngelaṅ nge' là. Nummbe ba nsi yàm bin à kua' mba ntusô yàm bin nà. Tshùaben bèn ntshobe.

Yérémia 2:35

Mba ndùlala, o nke ntshob ndù: Kua' nenùn me be tshàm à mbu'u. Mo' ndù yantù Tshùaben ke' bèn mbe num àm tshàm. Là, me Tshùaben tshob wù ndù bag wù nsi te tantshu nsi, nummb'o tshwèt ntshob ndù o ke' ghù tsho nukebwô.

Ezékia 33:31

Bo be ntshob ndùlala, nkù nde nse' mbaṅ o, ntswete nsi mbwe o, nju' ju z'o tshob là, là ke yôg nke nze. Tatte num ntshu bo, bo ke ndiag a nda' yub bin.

Mika 3:11

Tse fenfen ke ntsho't'a num nu ntse, tse ghale'te ke ntswit'a num ntsho'fa'. Tse ghatshob ntshob Nsi ke ntshob nu ndamnjù a num nu nkàb; nke mfa'te njé'te num Tshùaben ntshob ndù: Tshùaben ke b'a netèt bag ké? Nge' ke nsi yab mbu num bag.

Matio 10:3

Filibo mba Bartélémi. Tomas mba Matio ngakwéfé', Yakobo mén Alféo mba Tadéo;

Matio 5:20

Nummbe me tshob bin ndù: A be ze zin nunetsin ke' tshùa ze ghalèn ṅwa'ni Nsi mba ba Férésia là, mba bin ke nsi tsho ntùm nufen kamànyam.

Matio 6:5

Ngelaṅ bin tshwèt nde'te Nsi là, kà bin be mba ghamfùm nà, nummbe bo num nkô netsin tù ntùm sinagogue mba mfagte manze kà nde'te Nsi, ndù benntùn yen yub là. Kua' nenùne, me tshob bin ndù bo à kwé mub ntsho'fa'.

Marko 11:25

Ngelaṅ bin tsin tù nele'te Nsi là, bin lagte nu tse benntùn ghù bin nà, ndùlala ndù Tà zin z'a be kamànyam nà lagte ze min mfànnu. [

Lukas 20:47

Bo num nke nkwé jujù fôg bènnzwi, mbe tatte benntùn, nke nde'te Nsi a sag. Bo a' se' ngwù ntsha z'a tshùate là.

Lukas 22:41

Tu wul i kù'te mbaṅ bo, nèn nguan ma' loṅ, nkwim ntunkekwi' mi nsi, nde'te Nsi,

Galatia 3:10

Là ben tse yub nenywinte b'a num mfa' ntshù' là, b'a tun ndon, nummbe bo kite ndù: Ndon tu mèn z'a ke' be ghô ntùm njoṅ tshu fa tse bo kite ntùm ṅwa'ni ntshù', ndù a ze yub là.

Filipi 3:6

mbe ngatsho' nku ntse'te benkristô kebàn num nkôni ntshù', mbe ke lo' num nunetsin z'a ntùm ntshù' là.

Apokalipse 3:17

Nummbe o num ntshob ndù: Me b'a ngafu', me ghù ntshùate, ke bwoṅ sàm ju, là, o ke' lèn ndù o b'a njennge', ngalon kondèn, mbwôṅ, mfùmiag, ngazin tunntôg;