Lukas 18:1 - NTSHOB NSI

¹ Yésu tshob bo tànkùt, ndo' nda'te mb'a bwô ndù mèn ke nde'te Nsi ke bot njoṅ ngelaṅ fa là.

Lukas 18:1 Iomraidhean Croise

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 27:13

o, a lo mbe be ndù me ke' yà lèn ndù me nsi yen bwôntù Tshùaben, num tsha' ben bo be ntùn nà!

Yobkwi 65:2

O Nsi, ghamte b'a yu mà Sion. Bo ke ngù nka'ni mbumt'a num lén so.

Yobkwi 86:3

Tshùaben ko ndèn màm. Nummbe me be nkua' wù njoṅ lé'njù fa.

Esaya 40:31

Là, ben tse bo yab ntù num Tshùaben nà tshwèt njen neta yub nkwi'te. Bo tshwèt mfùt mba ghammàtat là; bo be nkù nde ke bot, nke nzine, neta ke bwoṅ bo.

Esaya 62:7

Kà bin bam a tswe fite ke be ndù a bèn mbù'te Yérusalém, num nelo' i ngù ghamte yi num nsitsha'a.

Yérémia 29:12

Bin nsi tsiaṅ lén sàm, bin nsi se' le't'àm, me bam le'te zin;

Yona 2:7

Me lo swe' tà nèn nkum mà bam tun mbale, njoṅ tshub tsha' fa fùn àm bwe matmat. Là, o lo ghù me ko' mà mum tô belaṅ ntùntùn, me Tshùaben Nsi àm.

Lukas 11:10

Nummbe mèn z'a lon nà, mb'a' kwé; mèn z'a diag là, mb'a' fon; mèn z'a ke'te là, bo a' tsho' yi.

Lukas 21:36

Bin zi tshùalo, nde'te Nsi njoṅ ngelaṅ fa, ndù bin ku'ni nekù tshen tshu là ts'a nsi se' là, mbèn nse' njôg mbwe Mén mèn.

Roma 12:12

Bin tsiaṅte ntùm nenywinte, mfènte ntùm nge', nkagtùn ntùm nele'te Nsi.

2 Korintô 4:1

A ndùlala, mba bo na' nko ndèn mag mfà sen fa' li bag là, bag ke' be bot,

Galatia 6:9

Kà bag à bin bot neghù numebwô; nummbe bag à bin nsi tsho' num ngelaṅ z'a ku'ni là, a be ze be ke' bwoṅ neta là.

Efésô 6:18

Bin fà wut tsin ntùm nzenze le'te Nsi mba nele'te, nke nde'te Nsi njoṅ ngelaṅ fa ntùm Ywèle; bin zi tshùalo num bwe ntùm njoṅ nekagtùn fa, nke nde'te Nsi num njoṅ ben nelàn fa,

Filipi 4:6

Kà bin nywin num sàm ju, là njoṅ ngelaṅ fa, bin tshùa njam le'te Nsi, le'te boa neghamte ntshob tshu ts'a bwoṅ bin nà Nsi.

Kolosé 4:12

Epafra ze la' bin tsha'te zine; a b'a nkuan Kristô Yésu; a num nde' ntsho ntùm le'te Nsi njoṅ ngelaṅ fa, ndù bin tsin mba ben tse bo bwô miagte, ngô ntùm njoṅ ze nekô Nsi fa là.

Kolosé 4:2

Bin kagtùn ntùm le'te Nsi, nzi tshùalo ntùm bwe num neghamte Nsi.

1 Tésalônikà 5:17

nke nde'te Nsi ke tsin.

1 Samuél 1:12

Mb'a tswe num le'te ngelaṅ yàm mbwe Tshùaben nà, Eli ze ntshu i.