Lukas 17:34 - NTSHOB NSI

³⁴ Me tshob bin ndù: Be num yen tèttswe' là, benntùn bàa nsi nô num kunndà ntshù', bo lo' mo', mfaṅ mo'.

Lukas 17:34 Iomraidhean Croise

Yobkwi 26:9

Kà lo' zwiag sàm boa se ben kebwô, ke lo' yôg sàm boa se ben tse bo be mfètte lem nà.

Yobkwi 28:3

Kà lo' àm bag à ben kebwô mba ghatshùagntù, tse bo be ntshob nu fite mèn a ghebte mbaṅ i, là nukebwô be ntù i là.

Esaya 42:9

Tshù mbwe tshu là ts'a bumte là; me tù' soṅ zin à tse nswe. Me te bu num bin k'a se'e.

Yérémia 45:5

Mba wù là, b'o bèn ndiag màmà tshu ké? A ke' bwô ndù o diage. Nummbe m'a' ghù nge' tsho num njoṅ benntùn fa; me nsi fà yôg so wù a be yu ntsha' ntsho njoṅ dù' fa ts'o nsi nèn bwe là. Tshùaben bèn ntshob ndùlala.

Matio 24:25

Tshù, me bwôgmbwe nsoṅ zin yen nu là.

Marko 13:23

Là bin bam nà, me bwôgmbwe nsoṅ zin njoṅ nu fa.

Marko 14:29

Là Pétro tshob yi ndù: A be ze njoṅ yub fa vù ntùm ywi' là, mb'a ke me.

Lukas 13:24

Là, a tshob bo ndù: Bin kagtùn num netsho à nzendà z'a fét là; nummbe me tshob bin ndù benntùn yàm nsi diag netsho bwe ke ku'ni.

Lukas 13:3

Me tshob bin ndù nga; là, a be ze bin ke' kaṅ ntù tsin nà, mba mba bin nsi bi be ndaṅndaṅ.

Lukas 13:5

Me tshob bin ndù nga; là, a be ze bin ke' kaṅ ntù tsin nà, mba mba bin nsi bi be ndaṅndaṅ.

Lukas 17:33

Mèn z'a diag nelem yôg se là, mb'a neghua' i, mèn z'a ghua' yôg là, mb'a neyôg yôg i.

Lukas 17:35

Bènnzwi bàa nsi ke gho' bàn, bo lo' mo', mfaṅ mo'. [

2 Pétro 2:9

Ndùlala Tshùaben lèn nekwé ghaghamt'é ntùm laṅte, là ndèn nelé' ben ketsin mum lé'njù netsho'te ntsha z'a nsi naṅ ntsha tu bo là,