Lukas 17:25 - NTSHOB NSI

²⁵ Là, a bwô ndù a bwôgmbwe njen nge' yàme, yen zwiaṅ benntùn ni bèn ngua' i.

Lukas 17:25 Iomraidhean Croise

Esaya 53:3

Benntùn lo wag, ngua' i, a be mèn ntobni, ndù nge' à lat num i. A na' mb'a mba mèn ze mèn ke' be tam lag num i là. Be lo tshèl i, ke lo' i mba sàm ju là.

Matio 16:21

Fe num yen ngelaṅ nà, Yésu Kristô to' netswite ghazi'te nu i ndù a bwô ndù a nèn Yérusalém, njen nge' yàme, ghakwé mbwe, ghale'te Nsi tse ndùbndùb mba ghalèn ṅwa'ni Nsi zwi i, a be mbatte lé'njù tat a lo num vù.

Matio 21:42

Yésu tshob bo ndù: Bin ke' siaṅ ju ze bo na' nkite là ndù: Loṅ se ghabom ndà na' ngua' là, kaṅ ntù' loṅ tôgndà. A b'a fa' Tshùaben, mbèn mbe ju netshàm num miag mage.

Marko 10:33

Tshù, bag bin tshwèt nko' nèn Yérusalém; bo nsi fà Mén mèn mbu ghale'te Nsi tse ndùbndùb mba ghalèn ṅwa'ni Nsi; bo nsi keb ntsha ndù bo zwi i, mfà i mbu ghakelèn Nsi;

Marko 12:10

Bin ke' siaṅ nu bo na' nkite ndù: Loṅ se ghabomndà na' ngua' là kaṅ ntù' loṅ ntôgndà;

Marko 8:31

A to' netswite bo ndù: A bwô ndù Mén mèn yen nge' yàme, ghakwé mbwe, ghale'te Nsi tse ndùbndùb mba ghalèn ṅwa'ni Nsi nsi ghua' i, zwi i, a be tshùa lé'njù tat, a lo num vù.

Marko 9:31

Nummbe a lo ke ntswite ghazi'te nu i, mbèn ntshob bo ndù: Bo fà Mén mèn mum mbu benntùn, bo nsi zwi i; ngelaṅ bo nsi zwi i là, a be tshùa lé'njù tat, a lo num vù.

Lukas 18:31

Yésu lo' tse ntshob bàa gham tù' bo, ntshob bo ndù: Tshù, bag bin tshwèt nko' nèn Yérusalém, njoṅ nu fa tse ghatshob ntshob Nsi na' nkite mfà num Mén mèn nà nsi bumte.

Lukas 18:33

ndab i nshua'a, nzwi i; a be be mbatte lé'njù tat a bam num vù.

Lukas 24:46

ntshob bo ndù: Ndùlala bo lo kite ndù Kristô a' yen nge', mbam num vù mbatte lé'njù tat;

Lukas 9:22

Ntshob ndù: A bwô ndù Mén mèn yen nge' yàme, ghakwé mbwe, ghale'te Nsi tse ndùbndùb mba ghalèn ṅwa'ni Nsi ghua' i, nzwi i; a be mbatte lé'njù tat, a lo num vù.

Yohané 1:11

A lo se' la' i, tse ben ke lèn i.

Yohané 12:38

Ndùlala ndù ntshob ngatshob ntshob Nsi Esaya mi a na' ntshob là bumte ndù: Tshùaben, we z'a bam ntshob mag à? Bu Tshùaben ke ntswite wul i à we?

1 Samuél 10:19

Sènni bin ghua' àm, me Nsi zin ze me na' ntshu' zin ntùm nge' tsin fa boa ntobni tsin fa là, nke ntshob ndù: Ghom mfen netèt bag. Ndonni a bwô bin se' mbwe àm, me Tshùaben, ndaṅndaṅ mba nzwit tsin be là boa mba bin be ntsha'ntsha' là.

1 Samuél 8:7

Tshùaben tshob ndù: Bam mba ke lo num ju ze ngô a' bètt'o yi là. Bo ke' ghua' a wù, a b'a me ze bo ke tshwèt mbèn nkô ndù me tô yub là.