Lukas 17:2 - NTSHOB NSI

² A lo mbwô ndù bo kut loṅ bàn tô i ma' i ntùm dibantse, ntshùa mb'a be a ghù mo' metsit mén netèt tshen ni vù ntùm ywi' là.

Lukas 17:2 Iomraidhean Croise

Esaya 40:11

A nsi tshagte bwoṅ nyàm i mba ngabéb mbwe là; a nsi ket njùmbwe num ndaṅ bu i, kab yub ndàntù i. A nsi tshagte mbwe tse bo tshwèt nyô bon nà.

Sakaria 13:7

Ṅwi, lo nsi num yàm ngabéb mbwe, bo mèn z'a be nshunku àm nà. Tshùaben tàndà ntsho bèn ntshobe. Lab ngabéb mbwe, ndù njùmbwe sate! Yen ngelaṅ nà me nsi bù' bu àm nsi num tse nke'nke'e.

Matio 17:27

Là nebe ke ghù ndù bo fa'te num be, nèn mbaṅ dibantse, ma' lube; mbwe ngontse z'o nsi ghom nà, tshùb i, nga' ntshu i, o nsi yen ta' statère bwe ntshù'; lo'o, mfà bo num yàm tu mba yu.

Matio 18:10

Bin bam nà newag mo' metsit mén netèt tshen ni. Nummbe me tshob bin ndù ba Angél tshob mfe kamànyam num ndôte se Tàa mfe kamànyam njoṅ ngelaṅ fa. [

Matio 18:14

Be ndaṅndaṅ, Tà zin mfe kamànyam ke' kô ndù mo' metsit mén netèt tshen ni bi.

Matio 26:24

Mbe se' mba Mén mèn nà, a nèn à ndaṅndaṅ mba bo na' nkite num i là, là nge' tu mèn yen nà ze bo nsi tshùa njam i kà swèn Mén mèn nà. A lo bwô yen mèn nà ndù kà bo bwe i mba nebwe.

Marko 9:42

Mèn z'a nsi ghù mo' metsit mèn netèt tshen ni tse bo num mbam àm nà vù ntùm ywi' là, mb'a bwô ndù bo kut loṅ bàn tô i, ma' i ntùm dibantse.

Yohané 21:15

Ndùlala ngelaṅ bo jù jujù là, Yésu tshob Simon Pétro ndù: Simon mén Yohané, o num nkô àm ntshùa tshen ben ni ké? A tshob yi ndù: Ṅ, me Tshùaben, o lèn ndù me num nkô o. A tshob yi ndù: Béb bon njùmbwe tshàm.

1 Korintô 9:15

Là tu wul àm, me lo ke bètte sàm ju num njoṅ i fa. Me ke' kite yen ṅwa'ni li à nebètte yi, nummbe me kô nekwù ntshùa mb'a be mèn sô yàm ju nta'nsoṅ nà.

1 Korintô 9:22

Netèt ben nebole, me lo tù' mèn nebole, ndùlala ndù me yôg ben nebole. Netèt njoṅ benntùn fa, me lo tù' njoṅ i fa, ndùlala ndù me yôg tsemo'o.