Lukas 17:1 - NTSHOB NSI

¹ Yésu tshob ghazi'te nu i ndù: A be nu nefa'te ke tag ke be, là nge' tu mèn z'a nsi tshùa njam i là.

Lukas 17:1 Iomraidhean Croise

Matio 16:23

Là, a kaṅ wul i, ntshob Pétro ndù: Lo njam àm me Satan, o b'a ywi' mbwe àm, nummbe nkwatenu mu ke' b'a mi Nsi, là mi benntùn.

Matio 18:7

Nge' num tu njù num nu nefa'te. Ṅ, a yôg mbwô ndù nu nefa'te se'e, là nge' tu mèn ze nu nefa'te tshùa num i kà se' là.

Lukas 16:31

Abraham tshob yi ndù: A be ze bo ke' ju' Mosé mba ghatshob ntshob Nsi là, mb'a be bo ke bam mba mèn z'a lo num vù là.

Roma 14:13

Ndùlala, kà bag à bin bèn netsho'te wut be, be be, là bin zete ndù kà bin yab nu fa'te ke ywi' lo mbwe mo' mfèle.

Roma 16:17

Fèt tshàm, me le'te zine, bin zete num ben tse bo ke ma' fagte mba ywi' num netswite ze bin na' nzi'te là, bin kù yube.

1 Korintô 10:32

Kà bin be ju fa'te ba Yuda, ba Grikia mba ntse'te ben Nsi,

1 Korintô 11:19

Nummbe a bwô ndù nkwate nzenze be netèt bin, ndùlala ndù ben tse bo bwô Nsi là la'te wut tshobe, netèt bin.

1 Korintô 8:13

A ndùlala, a be ze mo' jujù nsi fa'te mfèl àm nà, mba me ke nsi bèn fèt mbàb, mbwôg ndù kà mfèl àm fa'te num àm ngwù nsi.

1 Timôtio 4:1

Ywèt tshob ndende ndù: A nsi be ngelaṅ mànjam, tsemo' ben gha bamntù, ndat num ba ywèt fùte mba num netswite ywètkebwô,

Apokalipse 2:14

Là me ghù yantù num o num tsemo' nu, o ghù ben tse bo tshùb netswite Balaam z'a na' ntswite Balak nebùn bon Israél ywi', ndù bo fèt mbàb jule'te nsi neto, mbèn nkat là, netèt bin.

Apokalipse 2:20

Là yantù ze me ghù num o là b'a ndù o num mfaṅ Jézabèl, yen mènnzwi là z'a num ntsiaṅ wul i ngatshob ntshob Nsi netèt bin, a nke ntswite, nke ntatte ghafa' tshàm ndù bo kale, mbèn mfèt mbàb jule'te nsi neto.