Lukas 16:25 - NTSHOB NSI

²⁵ Abraham bùnte yi ndù: Mén àm, kwimte ndù o lo kwé yu bag i, ntswe mebwô ngelaṅ o na' nke' ntùn nà, Lazaro nke njen nge'; ndonni bo tshwèt mfite ntù i, là tu wul o, o nke njen yu nge'.

Lukas 16:25 Iomraidhean Croise

ṄWA'NI YOB 22:18

Mba tà ndùlala, Nsi lo so fu' ntùm ndà tshob k'a dun. A bwô ntag ghatshùagntù nèn ngùanesà mbaṅ àm.

Yobkwi 17:14

Tshùaben lo' bu o nzwite yub yi. Sô sob bag yôg. So ju z'o yab bo là bam bo, a dune, bon tshobe jù njwèle, njab tshé'é z'a sag yub là bon bon tshobe.

Yobkwi 49:11

Tshù, bo tshwèt njen ghazenu nke nkwù, nke njen kagni mba bo nke mfaṅ tshu tshob tsemo' ben.

Yobkwi 73:7

Nukebwô be ntum ntùm ntù tshobe. Nkwatenu ntù tshob tum njù.

Nsindàvù 1:7

Yérusalém lo kwimte njoṅ fu' fa mi a be mo' ngelaṅ nà num tshen lé'njù kebwô bo nge' là. Ndonni ze ze nzwit mèn vù mum nkù ngakeban, mèn ke tum njwimt'é là, ghakeban tse tshwèt ndôt'é, nke nzwi mb'a vù là.

Daniel 5:30

Bo zwi Baltazar, mfen Kaldéa be yen tèttswe' là.

Matio 27:63

ntshob yi ndù: Tshùaben, bag kwimte ndù yen ngatatte là lo tshob ngelaṅ z'a ke' ntùn nà ndù: A nsi be tshùa lé'njù tat, a lo num vù.

Marko 9:45

A be be ze ku o ghù ndù o vù ntùm ywi' là, o keb i: A bwô wù netsho ntùm yôg ku ntshù' ntshùa mb'a be o ghù nku mbàa, bo ma' o ntùm mbwôge là. [

Lukas 16:20

Mo' mbwoṅ lén se Lazaro, nke nô nzendà i ndù nkeko' ṅab i.

Lukas 16:23

A tswe ntùm ngô fe ben dù' z'a ke njen nge' là, mbù' miag mi mfe tù, njen Abraham ngùanesà mba Lazaro num ndàntù i.

Lukas 16:26

Mbèn mbe, nsam ndùb num netèt be, num netshèt ben tse bo kô nelo nsen ni nse' yoṅ la' bin nà, mba tse bo fe la' bin nse' nsen ni là.

Lukas 6:24

Là nge' num bin ghankàb, nummbe bin à ghù zin fite ntù.

Yohané 16:33

Me lo tshob tshen tshu là bin, ndùlala ndù bin ghù fite num àm. Bin à yen nge' ntùm njù, là bin fèn ntù, nummbe m'a tshùa njù.

Mfa' Ghantum 14:22

nke mfite ntù benkristô, ntagte yub ndù bo ghô ntùm bamntù, mbèn nke ntshob ndù: Be nsi tshùa à ntùm nge' yàm kà tsho ntùm nufen Nsi.

Roma 8:7

nummbe ze nekô mbàb wut b'a ngakeban Nsi, a ke' be fà wut nsi mbwe ntshù' Nsi, nummbe a ke' ku'ni.

Nebwôgte 28:17

Tshùaben nsi so ndon num ngefel o mba num jujù z'o nsi lo' nabte yi là.

Filipi 3:19

yub miagt'é b'a nebi, yub Nsi b'a bam sobe, ghamte yub be ntùm ju tuswe yube, bo ke nkwat'a tshu nsitsha'a.

1 Tésalônikà 3:3

ndùlala ndù kà sàm mèn nyi'te num tshen nge' là, nummbe mba bin lèn ndù bo lo yab be à num bwe.

Héber 11:25

nkô ndù bo ghùtni i bo nzwit Nsi ntshùa netsiaṅte ntùm nukebwô, tsiaṅte z'a nsi tôg là,

1 Yohané 2:15

Kà bin kô njù, ke kô tshu ts'a be ntùm njù là. A be ze mèn kô njù là, mba nkôni Tà ke' be num i.

Apokalipse 7:14

Me tshob yi ndù: Tshùaben àm, o lène. A tshob me ndù: Tshen ben ni fe à ntùm nge' ndùb, bo sôg nkum mube, ngù a fôg ntùm lem mén njùmbwe.