Lukas 16:22 - NTSHOB NSI

²² Tshù, mbwoṅ nà kwù, ba Angél kel i njab ndàntù Abraham. Mba ngankàb bèn nkwù ze. Bo tshoṅ i.

Lukas 16:22 Iomraidhean Croise

ṄWA'NI YOB 21:13

Bo ke njù ntswe'njù mub à ntùm fu', nèn tshob ngô fe ben à ntùm mbotni.

Tànkùt 14:32

Tshùagntù ngatshùagntù be ma' i nsi, là mèn netsin be mfon ndàlem mba ndùs'a kwù là.

Nzenu 8:10

Ndùlala, me yen tshùagkèt benntùn ntùm fi; bo nke ndo dù' nele'te Nsi nke nko' nswe'e, bo lagte mba bo na' ngù tusô là. Mba yen nà bèn mb'a banban.

Esaya 14:18

Njoṅ fenfen ngôngô fa, mba zit lo netèt bo lo' à ghamte kà nke mfite yi ntùm se fi.

Esaya 22:16

Ke z'o ghù nsen ni, we z'o ghù nsen ni kà nke ntswe' fi nsen ni à? A tshwèt ntswe' fi se mfe num dù' mbù' mbù'ù, a tshwèt ntshu dù'ntswe ntùm gholoṅ.

Matio 18:10

Bin bam nà newag mo' metsit mén netèt tshen ni. Nummbe me tshob bin ndù ba Angél tshob mfe kamànyam num ndôte se Tàa mfe kamànyam njoṅ ngelaṅ fa. [

Matio 24:31

A nsi tum ba Angél tse boa tshu'te nta ndùb, bo nsi tse'te ben ts'a tsho' yub là, num bag njù kuà, fe num mo' tôg kamànyam nèn nkum mo' tôg i.

Matio 8:11

Là me tshob bin ndù; benntùn yàm nsi fe bag ntumnyam mba bag mbinyam, tswe téblé boa Abraham, Isak mba Yakob ntùm nufen kamànyam.

Marko 8:36

Nummbe a be ze mèn ghù njoṅ ngô njù li fa, yôg se bi là, mb'a' ywimt'é ke?

Lukas 12:20

Là Nsi tshob yi ndù: Nkagni, be num yen tèttswe' li, bo nsi bètt'o ntù o; we z'a nsi ghù tshu ts'o nabte l'à?

Lukas 16:21

A lo ke nkô neke njù mbe'te jujù mi a be ntum téblé ngankàb ngwù nsi là. Là ba mbù nke nse' ndatte ntshu nkeko' mi.

Yohané 1:18

Sàm mèn ke' yoṅ nto' yen Nsi; a b'a nkwi Mén Nsi ntshù' z'a be num ndàntù Tà là, a b'a yi bèn nto't'é.

Yohané 13:23

Mo' mèn netèt ghazi'te nu i, yen nà ze Yésu ke nkô i là lo be téblé mbaṅ Yésu.

Yohané 21:20

Pétro kaṅ wul i njam, njen ngazi'te nu Yésu, yen nà z'a ke nkô i là, ndù a tam njam bo. A b'a yen nà z'a na' mben wul i num ndàntù Yésu, ngelaṅ bo be téblé, ntshob yi ndù: Tshùaben, ngaswèn o b'a we?

Héber 1:14

Njoṅ yub fa ke b'a ywèt tse bo num mfa'a, tse bo tum yub num fa' ben tse bo nsi kwé yôg mba ntsi' là ké?

Héber 2:14

Ndùlala, mba njoṅ bon fa b'a tse lem mba mbàb là, tu wul i lo tù' ze be ndaṅndaṅ, ndùlala ndù a tshùa njam vù se mbiagte tà vù, yen nà b'a ndù: Satan,

Yakobo 1:11

Lagnyam lo tume, nyam tà neta, njum nenà, nsàm mi vù nsi, nebwô i bi; ngankàb nsi jum be ndaṅndaṅ ntùm nzin mi.

1 Pétro 2:24

yi z'a ket nukebwô ntùm wul i num fanta'tù ndù a fagte be num nukebwô, ngù be yôg num nunetsine, yi ze ntshu mfaṅ tse ghù bin yate là.

Apokalipse 14:13

Me ju' mo' nze tshob mfe kamànyam ndù: Kite! Ghafen b'a fe ben tse bo kwù num Tshùaben fe ndonni là. Ywèt tshob ndù: Ṅ, bo nsi fite mum mfa' mube; nummbe mfa' mub tam njam bo.