Lukas 16:17 - NTSHOB NSI

¹⁷ A fùag kamànyam mba tsha' netôge, ntshùa mb'a be ta' tsho' lag ṅwa'ni Nsi ntùm ntshù' vù nsi là.

Lukas 16:17 Iomraidhean Croise

Esaya 40:8

Nenà be njume, nsàm mi vù nsi; là, ntshob Nsi be tswe ts'a matmat.

Esaya 51:6

Bin bù' miag min mfe kamànyam, bin lôte num nsitsha'a. Nummbe kamànyam nsi sate mba nzembwôg là. Tsha' nsi vù mfémfé mba nzwe là; ba la' tse nsi vùt'a mba nzenze là. Là, yôg sàm nsi tswe matmat, yàm nunetsin be ke ghù ndù i.

Matio 5:18

Nummbe me tshob bin kua' nenùn ndù: Ntùm ntshù' Nsi, ta' i ke tsho' i lo ke nsi bi, njoṅ i fa nsi bumte kà kamànyam mba tsha' tôge.

Lukas 21:33

Kamànyam mba tsha' nsi tôge, là ntshob màm ke nsi tôge.

Roma 3:31

Ndùlala bag num ndo' bamntù mbiagte ntshù' yi ké? Nga, a ke b'a ndùlala, là bag ke neghù ndù a tsin tù.

1 Pétro 1:25

là ntshob Tshùaben tswe yoṅ ntshù'. Men ntshob nkùn mebwô ze bo na' ntshob bin nà.

2 Pétro 3:10

Là lé'njù Tshùaben nsi se' à mba ntshô là; ntùm sen lé'njù là, kamànyam nsi tôg ntùm fet neta, tshu njù ts'a tshwèt nkù là sate, tsha mba tshu tse bo fa' ntùm bwe là kù ntùm mbwôge.

Apokalipse 20:11

Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.

Apokalipse 21:1

Me yen mo' kamànyam nswe mba mo' tsha' nswe. Nummbe mbwe kamànyam mba mbwe tsha' lo tôge, dibantse ke bèn mbe.

Apokalipse 21:4

A nsi tshwétte njoṅ ntsenyà fa miag bo; vù ke nsi bèn be, ntsenyà ke nekua' ke ya lo ke nsi bèn be, nummbe ba mbwe tshu tôg.