Lukas 16:16 - NTSHOB NSI

¹⁶ Ntshù' mba ghatshob ntshob Nsi lo tswe tà nkum num Yohané. Fe num yen ngelaṅ nà, bo tshwèt ntshob nkùn mebwô nufen Nsi, mba we lo nke nkagtùn netsho bwe ntùm neta.

Lukas 16:16 Iomraidhean Croise

Matio 10:7

Bin be zin num manze nke ntshob ndù nufen kamànyam à ghebte.

Matio 15:11

A ke b'a ju z'a num ntsho ntshu mèn nà ke nsagt'é, là ju z'a num ntum ntshu mèn nà, a yen nà bèn nke nsagt'é.

Matio 21:32

Nummbe Yohané lo se' bin manze nunetsine, là bin ke bam i. Là bin, bin lo yen yen nu là, a ghubte bin ke kaṅ ntù tsine, num nebam i.

Matio 3:2

ntshob ndù: Bin kaṅ ntù tsine, nummbe nufen kamànyam à ghebte.

Matio 4:17

Fe yen ngelaṅ nà, Yésu to' netshob ntshob Nsi, ntshob ndù: Bin kaṅ ntù tsine, nummbe nufen kamànyam à ghebte!

Matio 4:23

Yésu nke nzin ntùm ngô Galiléa fa, nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa, mba njoṅ lo' nzenze fa netèt benntùn.

Marko 1:14

Ngelaṅ bo na' ma' Yohané ndàtsha là, Yésu nèn mà Galiléa, nke ntshob nkùn mebwô Nsi bwe,

Marko 1:45

Là, a nèn nto' nesoṅ mbèn nsa nu Yésu ntùm njoṅ dù' fa, kà Yésu ke bèn nku' netsho ntùm mo' ngô mba ntshù' ndaṅndaṅ, là, a tswe njamnjam dù' banban; mba ndùlala benntùn nke mfe bag bag, nse' ntèl i.

Lukas 10:11

Bag bé'te mba mbab mi a ṅab num nku mag ntùm ngô zin nà, mfaṅ bin. Bin yôg nendèn ndù nufen Nsi à ghebte.

Lukas 10:9

bin yate ghangokèt tse bo nsi be bwe là, ntshob bo ndù nufen Nsi à ghebte mbaṅ bin.

Lukas 16:29

Abraham bùnte yi ndù: Bo ghù Mosé mba ghatshob ntshob Nsi, a bwô ndù bo ju' yube.

Lukas 16:31

Abraham tshob yi ndù: A be ze bo ke' ju' Mosé mba ghatshob ntshob Nsi là, mb'a be bo ke bam mba mèn z'a lo num vù là.

Lukas 9:2

ntum yub ndù bo nèn ntshob nufen Nsi, mbèn nke njate ngokèt.

Yohané 1:45

Filibo fon Natanaél, ntshob yi ndù: Bag fon mèn ze Mosé kite nu num i ntùm ntshù', ghatshob ntshob Nsi bèn ntshob là, Yésu mén Yosèf, Yésu ze Nazarèt.

Yohané 11:48

A be ze be faṅ i ndùlala là, mba njoṅ benntùn fa nsi bam i, mba ba Roma nsi se' bagte mba dù' be, mba ngô be.

Yohané 12:19

Ndùlala ba Férésia tshob bo bo ndù: Bin yen ndù bin ke tshwèt njù bin; tshù, njoṅ njù fa à nèn mbaṅ i.

Yohané 5:4

Nummbe Angél Tshùaben lo ke nswe' ntùm yen dù' ntse là tsemo' ngelaṅ, nyi't'é. Mbwe mèn z'a swe' nèn ngelaṅ a nyi'te ntse là mb'a yate num nge' i, a be z'a b'a mba zit ngokèt lo là.]

Mfa' Ghantum 3:18

Là Nsi lo tshùa num yen mat là ngù nu z'a na' mbwôgmbwe ntshob num ntshu njoṅ ghatshob ntshob Nsi fa ndù Kristô i nsi yen nge' là, bumte.