Lukas 16:15 - NTSHOB NSI

¹⁵ A tshob bo ndù: Bin b'a ben tse bo num ndo' wut tshob mba ben netsin num miag benntùn nà, là Nsi lèn ntù tsine! Ju z'a b'a ze ndùb mbwe benntùn nà, a num mb'a ṅu' mbwe Nsi.

Lukas 16:15 Iomraidhean Croise

1 Kronika 29:17

Nsi àm, me lèn o num ntswe' ntun num ntù, mbèn nke nkô nu ndaṅndaṅ; ndùlala me fà tshen tshu bwôntù li tse me kô là wù à ntù nenùne, ntùm ntù ndaṅndaṅ; ndonni ntù àm tsiaṅte neyen mba yu nzwit mèn be nsen ni nefà tse tshu bwôntù wù mb'a kô là.

2 Kronika 6:30

mb'a bwô ndù o tsin mfe kamànyam ntùm dù'ntswe o ndagte mbèn njwimte. Ghù mba we lo mb'a bètte là, mba nzin mi be yi là; tu wul o lèn mba we lo, o bèn ndèn ntù njoṅ benntùn fa.

Yobkwi 10:3

Nummbe tshùagkèt mèn num nyàmte wul i num ju z'a num nge'te là. Nke ntshob ndù: Nsi ke bwe, tshù mi nkwate là.

Yobkwi 49:13

Là, mènntùn z'a be ntùm fu' là ke' lèn ndù a fut'a nyàm tse bo tshwèt ngwat yub là.

Yobkwi 49:18

Nummb'a be mbe kwù ke lo' sàm ju nèn yi. Tshunkàb tse ke' be tam njam i.

Yobkwi 7:9

Wù Tshùaben ngatsho'te ntsha ngôngô. Tshùaben! Tshùa njam yàm nunetsin mba yàm nebe mbu'u ntsho'te ntsha àm.

Tànkùt 16:5

Mba we lo z'a ghù ntù ka'te là num mbag Tshùaben, kua' nenùn bo nsi so ntsha tu i kà ke tag.

Tànkùt 20:6

Benntùn yàm be ndo' ka'te nsoṅ bwôntù yub yi: là we z'a ghù nefon kua' mèn nenùn à?

Tànkùt 21:2

Njoṅ tse manze mènntùn fa b'a nelàn num miag mi, là Tshùaben bèn mfi' ba ntù.

Yérémia 17:10

Me Tshùaben, me be ntswe' ntun ntù mèn, ndèn bam se, ngù mba we lo à mba nzin mi lo' mbe yi là, ndaṅndaṅ mba mfa' mi lo' mbe yi là.

Malashi 3:15

Ndonni ghaka'te b'a ghafen; ṅ ghatshùagntù tshwèt nèn mbwe; tshù, bo be ndaṅte Nsi, netum ntshu i!

Matio 23:5

Bo num mfa' njoṅ mfa' mub fa à ndù benntùn yen yube. Bo num nke ngù nkin tshob ghu', mbèn ngù ntôg nzwe mub sag.

Matio 6:16

Ngelaṅ bin tshwèt ntswe nziku' là, kà bin nyamte se zin mba ghamfùm nà; bo num ṅu'te se tshobe, ndù benntùn lèn ndù bo tshwèt ntswe nziku'u. Kua' nenùne, me tshob bin ndù bo à kwé mub ntsho'fa'.

Matio 6:2

Ngelaṅ z'o tshwèt mfà ju neywimte ghayennge' là, kà bu' ke' mbwe o kà mfà, mba ghamfùm be ngù ntùm ba sinagogue mba num manze ndù benntùn ghamte yub là; kua' nenùne, me tshob bin ndù bo à kwé mub ntsho'fa'.

Matio 6:5

Ngelaṅ bin tshwèt nde'te Nsi là, kà bin be mba ghamfùm nà, nummbe bo num nkô netsin tù ntùm sinagogue mba mfagte manze kà nde'te Nsi, ndù benntùn yen yub là. Kua' nenùne, me tshob bin ndù bo à kwé mub ntsho'fa'.

Lukas 10:29

A diag nebe mèn netsine, ntshob Yésu ndù: Mèn z'a ghebte mbaṅ àm nà b'a we?

Lukas 11:39

Là Tshùaben tshob yi ndù: Bin ba Férésia, bin num nsôg njam mvèn ntu' mba nka, là ntù tsin be ndù a dun tshu tshô mba nukebwô.

Lukas 18:11

Mén Férésia tsin tù, nde'te Nsi num tu wul i, ntshob ndù: Nsi àm, me labt'o mba me ke' be tshàm à mba tsemo' benntùn, tse bo b'a ba fimntshu, ben nu tshob ke' tsin nà, ghaghù màndà, ke bèn mbe tshàm à mba yen ngakwéfé li là.

Lukas 18:14

Me tshob bin ndù: Yen mèn ni lo be bèn njam ndà i ndù nu i tsin, ze mo' ke tsin. Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Lukas 18:21

Yen mèn nà bùnte ndù: Me lo à ze men ntshù' Nsi là fe ngelaṅ me be mônke' là.

Lukas 18:9

A tshob mba mo' tànkùt mfà num ben tse bo num nke ndo' wut tshob mba ben netsine, nke ngwag tsemo' benntùn nà.

Lukas 20:20

Bo to' netom Yésu, mbèn ntum ba ntom yi. Tshen ben ni nke ngù mba bo b'a ben netsin nà, nke ndiag netshùa num ta' ntshob Yésu kà ntshùb i, mfà ghatô ngô, mba bu ngomna.

Lukas 20:47

Bo num nke nkwé jujù fôg bènnzwi, mbe tatte benntùn, nke nde'te Nsi a sag. Bo a' se' ngwù ntsha z'a tshùate là.

Yohané 2:25

A lo ke kô ndù mèn kwé nta mènntùn, nummbe tu wul i lo lèn ju z'a be ntùm ntù mènntùn nà.

Yohané 21:17

A tshob yi mbatte yoṅ tat ndù: Simon mén Yohané, o num nkô àm ké? Pétro nywin mb'a tshob yi num mbatte yoṅ tat ndù: O num nkô àm ké là, ntshob yi ndù: Tshùaben, o lèn njoṅ tshu fa, o lèn ndù me num nkô o. Yésu tshob yi ndù: Béb njùmbwe tshàm.

Mfa' Ghantum 1:18

Yen mèn ni, ngelaṅ a na' ndo' nkàb nukebwô i, njun nà yi là, a vù nsi mbwembwe, mbèle, nkebe, tshubam tse tum, nsate.

Mfa' Ghantum 1:24

Bo le'te Nsi ntshob ndù: Tshùaben, wù z'o lèn ntù njoṅ benntùn fa là, la'te mèn z'o tsho' i netèt tshen ben bàa li,

Mfa' Ghantum 15:8

Nsi z'a lèn ntù benntùn nà lo kwé nta mube, mfà Ywèt Nelàn bo ndaṅndaṅ mba be là.

Roma 3:20

Nummbe sàm mèn ke nsi be mèn netsin mbwe i ntshùa njam mfa' ntshù', nummbe a num ntshùa njam ntshù' mèn lèn nukebwô tse.

Roma 8:27

Mèn z'a num njen tun ntù mèn nà, lèn ze nekô Ywèle, nummbe a num mbu' mbu num tu ben nelàn mba Nsi kô là.

1 Korintô 4:5

A ndùlala, kà bin tsho'te ke ngelaṅ yoṅ nku'u, bin béb ngelaṅ Tshùaben nsi se' là; a nsi ké'te tshu ts'a lem ntùm njam nà, a nsi la'te nkwatenu mi a be ntùm ntù là; Nsi nsi nyàmte mba we lo.

1 Pétro 3:4

là zin nenabte wut b'a z'a lem ntùm ntù z'a ke' be bagte là: Ywèt fite mba ts'a tswe ndù kam nà; yen nà b'a ju z'a tanjoṅ mbwe Nsi là.

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.

1 Samuél 16:7

Tshùaben tshob Samuél ndù: Kà lôt'a ntshù mi bo mb'a sag là, nummbe me ke' lo' i. Tshùaben ke' be yen à mba mènntùn num njen ze là; mènntùn ke njen à z'a bwô num miag là, là Tshùaben nke ndôt'a ntù mèn.