Lukas 15:5 - NTSHOB NSI

⁵ Ngelaṅ a fon i là, a kel i ntùm tsiaṅte, njab num nkembe' i;

Lukas 15:5 Iomraidhean Croise

Esaya 62:12

Bo nsi tsiaṅ yub nzwit mèn z'a làn nà, ben tse Tshùaben tshu' yub là. Bo nsi tsiaṅ o ngô ze bo tshwèt ndiag i là, tuswe ze bo ke' ghua' i là.

Esaya 62:5

Ndaṅndaṅ mba ménnshum be ntamte bo ménngon nà, be ndaṅndaṅ nshumnshum tsho nsi tamte num o. Ndaṅndaṅ mba nzwingùn be ngù ntù ndu i nke ntsiaṅte là, be ndaṅndaṅ o nsi ghù ntù Nsi o tsiaṅte.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

Ezékia 18:23

Me ke ndiag a ndù mèn kebwô kwù a nekwù ké, ke me ke ndiag a ndù a bate ngùninu mi njôg à? Tshùaben Nsi bèn mbètte ndùlala.

Ezékia 33:11

Tshob bo ndù me Tshùaben Nsi tshob nsaṅlaṅ bwe ntshob ndù me ke' kù ntù à ndù ngatshùagntù kwù, là ndù a bate ngùninu mi, njôge. Tunndà Israél, bin bèn njam, bin bèn njam, ngua' ngùninu min mi kebwô. Numke bin nke nkwùt'a?

Mika 5:4

A yi nsi bèn lo' fite se' yi! Ndùse Asiria nsi tsho ntùm ze be ngô, ndùs'a nsi nyiaṅte tse be tsha' nku là, yen ngelaṅ nà bag nsi ghù ghatshagte sammbàa lo nsi num i, mba kamkam benntùn fome.

Mika 7:18

Zit Nsi z'a fut'o à? Zit Nsi z'a be ndagte mfànnu, ke ke nte lag num nukebwô tshé' ntsi' mu à? A ke' be lé' yantù i matmat, nummb'a be ṅwate num kondèn.

Sofoni 3:17

Tshùaben Nsi o b'a netèl o, a b'a mba ngayob ngu' là, sa'nde' z'a be njôg be. A nsi lo' o ghù ze mà tsiaṅte ndùb yi; a nsi tswe ntshu mi' ntùm nkôni; a nsi ghù ṅwate yàm num tu o.

Lukas 15:32

Là, a bwô neṅwate, mbèn ntsiaṅte, nummbe yen mfèl o li lo kwù, a bèn njôge, a lo bi, a bèn mbèn njam.

Lukas 15:4

A zit mèn netèt bin z'a ghù njùmbwe nkù, ta' i ze ntshù' bi, mb'a ke faṅ tse ntshob bwe'e ṅam bwe'e num kônga, nèn ndiag z'a bi là tà nkum ngelaṅ z'a fon i l'à?

Lukas 15:6

mbèn njam la' i, ntsiaṅ shun tse mba ba ndùla', ntshob bo ndù: Bag à bin tsiaṅte me, nummbe me bèn mfon njùmbwe àm z'a na' mbi là.

Lukas 19:9

Yésu tshob yi ndù: Sènni yôg tsho ntùm yen ndà li, nummbe mba yen mèn ni be z'a mo' mén Abraham.

Lukas 23:43

Yésu tshob yi ndù: Kua' nenùne, me tshob wù ndù: Sènni bag wù nsi be Paradis.

Yohané 15:11

me lo tshob tshen tshu li bin, ndùlala ndù yàm tsiaṅte be num bin, mba ndù zin tsiaṅte dune.

Efésô 2:10

nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

Efésô 3:7

ze me tù' ngafa' bwe njam ju ze kondèn Nsi na' mfà me ntùm fa' neta i là.

1 Tésalônikà 1:5

nummbe nkùn mebwô yag lo ke se' netèt bin à nda' ntùm ntshobe, là ntùm neta mba ntùm Ywèt nelàn ts'a dun ntshùate là, nummbe bin lèn ndù bag na' mbe netèt bin à ndùlala num bin.

2 Timôtio 2:26

ntum ntùm ywi' Satan z'a tshùb yub là, ndù bo tsho ntùm nekô yen mèn din.

Héber 12:2

nte miag num Yésu z'a be neto'te mba nemiagte bamntù là, yi z'a na' nga tsiaṅte ze be la'te yi, njen nge' fanta'tù, ngwag tuswe, ntswe nsi num bag ko'fen Nsi ze zwim nà.

1 Pétro 1:5

bin tse neta Nsi lem zin njam bamntù num yôg s'a nsi la't'é ngelaṅ mànjam nà.