Lukas 15:4 - NTSHOB NSI

⁴ A zit mèn netèt bin z'a ghù njùmbwe nkù, ta' i ze ntshù' bi, mb'a ke faṅ tse ntshob bwe'e ṅam bwe'e num kônga, nèn ndiag z'a bi là tà nkum ngelaṅ z'a fon i l'à?

Lukas 15:4 Iomraidhean Croise

Yobkwi 119:176

Me b'a tshakendà mba njùmbwe z'a bi là, diag ngafa' o. Nummbe me ke' be lagte ntshù' mu.

Esaya 53:6

Be na' mb'a tshakendà mba njùmbwe là. Mba we lo na' nke mbwe à ze manze. Tshùaben lo ghù mfànnu njoṅ be fa tsho tu i.

Yérémia 33:13

Tshùaben tshob ndù: Ba mbwe nsi bèn tshùa ntùm ntusô mbale, ntùm ntusô bu'to'o, ntùm mi à ntèn nà, ntùm ngô Benjamin boa dù' ts'a ghebte Yérusalém nà, mba ntùm ntusô Yuda. Bo nsi be tshùa b'a ntùm mbu ngasiaṅte yube.

Yérémia 50:6

Yàm nzwit mèn na' mb'a bwoṅ mbwe ts'a bi là; ghabéb yub lo ghua' yube, ngù bo nke ntsha num ba mbale; tshen mbwe là lo ke nèn num ba mbale, num nkônga, nke ndag sob kin.

Ezékia 34:16

Me nsi diag mbwe z'a bi là, lo' z'a tum lam nà bèn yi njam. Me nsi kut mfaṅ num z'a ket mfaṅ nà, soṅte ze neta ke' bèn mbe yi là, me nsi lôte tse bo tshote, ngù neta là. Me nsi lo' à nunetsin tshagte yub yi.

Ezékia 34:31

Bin tse bin be mbwe tshàm nà, bin b'a ben tse me be ntshagte là. Tu wul àm, me be Nsi zin. Tshùaben Nsi bèn ntshob ndùlala.

Ezékia 34:4

Bin lo ke soṅte mbwe tse bo bot là, ke tswinte tse bo tshwèt ngon nà, ke kut mfaṅ num tse nku mub be'te là, ke ghom tse bo tum lam nà, ke diag tse bo bi là. Là, bin lo lo' neyab nge' bo ntanta ntô yub yi.

Ezékia 34:8

Tshùaben Nsi tshob ndù: Me tshob nsaṅlaṅ bwe ntshob ndù: Mba mbwe tshàm tù' ju nsa'nsa', ntù' jujù ba nyàm tshwèt mba ngabéb yub ke' bèn mbe tse là, mba tshàm ghabéb mbwe ke' bèn nelab tshob wut num mbwe, ntù' ke nkém a tu wut tshobe, ntù' ke nsot'a be jujù ntshu tu wut tshob là,

Matio 12:11

A tshob bo ndù: We z'a netèt bin z'a ghù mbwe i a vù tàm lé' Sabbat, mb'a ke tshùb i, nsô i à?

Lukas 13:15

Là Tshùaben bùnte yi ndù: Ghamfùm, mba we lo netèt bin ke' be kiag mfô i ke kekwèn i lo ntùm ndà nyàm, nèn yi a nu ntse lé'njù Sabbat ké?

Lukas 15:3

A tshob yen tànkùt li bo ntshob ndù:

Lukas 19:10

Nummbe Mén mèn se' à nediage, bèn yôg z'a na' mbi là.

Roma 2:1

Ndùlala nu latnta ke bwe, wù mènntùn, k'o b'a be we lo, z'o tshwèt ntsho'te mo' mèn nà. Nummbe o tshwèt mbe tsho't'é, nke ntsho'te mba tu wul o, ngwù ntsha, nummbe wù z'o tshwèt ntsho'te là, o be ngù be ndaṅndaṅ.

1 Pétro 2:25

Nummbe bin lo be mba njùmbwe tse bo fàn manze là, là ndonni bin bèn njam mbaṅ ngabéb mbwe mba ngalôte ntù tsine.