Lukas 15:15 - NTSHOB NSI

¹⁵ A nèn njèn wul i la' mo' mèn ntùm ngô. Yen mèn nà tum i mà tshwèt ndù a ke mbéb ngùnyàm tse.

Lukas 15:15 Iomraidhean Croise

2 Kronika 28:22

Ndùse mfen Akaz ke' ntùm sobni là, a nke nke' ngù nukebwô num Tshùaben.

Netume 10:3

Mosé bo Aron tsho ndà Faraon ntshob yi ndù: Tshù mba Tshùaben Nsi ba Héber tshob li: O nsi ke gha nefà wul o nsi mbwe àm tà nèn kum à ndùke? Faṅ yàm nzwit mèn a nèn mfa' me.

Esaya 1:5

Be bo bèn ndab zin a num ke, ndùse bin tshwèt nke nta be tu nèn mbwe à? Tu tsin fa tshwèt ngone, ntù tsin fa nke njen nge'.

Esaya 57:17

Me lo tshùa njam nukebwô yàm nzwit mèn nja ntù mo' mén ngelaṅ. Me lo lab i, mféme, ntsho' lag num i. Me lo ya ntù: Ndùlala ngatatu nke nta tu nèn be mbwe num ze manze.

Yérémia 5:3

Tshùaben, miag mu ke' ke njen à nenùn ké? O num ndab yube, bo ke ju' sàm ju. O num mem yube, bo ke kô nezi'te yu netswite. Se yub be nta ntshùa gholoṅ. Bo num nga nekaṅ ntù yube.

Ezékia 16:52

Wù z'o ke naṅ ntsha tu ngon mà tsho là, fènte tuswe z'a tsho tu o là. O tshùa num tshen nukebwô là, mbag ntshùa yube, ngù bo tù' ben netsin ntshùa o. A bwô ndù tuswe ko o, o bèn mfènte yen tuswe là, nummb'o la'te mbe bo ke' fàn tshob nu.

Ezékia 16:63

ndùlala ndù o kwimte ju z'a tôg là tuswe ko o, mba ndù k'o bèn nga' ntshu o, tuswe ko o, ndùse me nsi lagte njoṅ mba ke lo z'o ghù là. Tshùaben Nsi bèn ntshobe.

Nahum 3:6

Me nsi tam ṅu' mvèn o, ghù bo wag o, o tù' ju komzwi.

Malashi 2:9

Tu wul àm, me nsi ghù bo wag zine, bin tù' ju banban num miag njoṅ benntùn fa, nummbe bin lo ke zin num tshàm manze, mbèn nke ndôte mèn kà ngù nu yi ndùse bin tshwèt mfa' fa' ntshù' là.

Matio 7:6

Kà bin fà ju nelàn ba mbù, ke bèn ma' ntôgntse min mbwe ngùnyàm, mbwôg ndù kà bo tse' nku mube, mbèn nkaṅ wut yub, mfèt zine.

Lukas 15:13

Tsemo' bon lé'njù be tshùa, ntù'njam tse'te njoṅ tse tshu fa, ndo nèn ntùm mo' ngô ba tum tà ngùanesà, ntsho bwe, nke njôg yôg kebwô, mbagte tshu tse.

Lukas 15:14

Ngelaṅ z'a bagte njoṅ i fa là, mo' nziku' ndùb vù ntùm ngô là, a to' neke mbwoṅe.

Lukas 15:16

A nke ndiag nejù mba jujù ze ngùnyàm num njù là, là sàm mèn ke fà yi.

Roma 6:22

Là, ndonni ze bin tum kuan bu nukebwô, ntù' kuan Nsi là, bin tshwèt nkàb ntàm num nu nelàn ze miagt'é b'a yô matmat là.

Titô 3:3

Nummbe mba be na' mb'a kagni mo' ngelaṅ, ghakeju' ntshu, ben tse bo fùte yub là, kuan ghe'te mba ngùa nzenze, nke njôg ntùm nukebwô mba ghe'te, ben newage, nke mbàn wut be, be be.