Lukas 15:13 - NTSHOB NSI

¹³ Tsemo' bon lé'njù be tshùa, ntù'njam tse'te njoṅ tse tshu fa, ndo nèn ntùm mo' ngô ba tum tà ngùanesà, ntsho bwe, nke njôg yôg kebwô, mbagte tshu tse.

Lukas 15:13 Iomraidhean Croise

Yobkwi 73:27

Ṅ, ben tse bo be nèn ngùanesà mbaṅ o là nsi bi. O be mbiagte ben tse bo lo njam o là.

Tànkùt 18:9

Mèn z'a be ndô tshwèt fa' là b'a mfèt mèn z'a tshwèt nsate nesate là.

Tànkùt 21:17

Mèn ke nkô tsiaṅte neshu mb'a nsi tù' mbwoṅ, mèn z'a be nkô ndu' bo mfèt là ke' be ghù nkàb.

Tànkùt 21:20

Tshu tanjoṅ bo mfèt be mbe ntùm ndà zenu, là nkagni nke njù fa ke faṅ ju.

Tànkùt 27:8

Mèn z'a tù' tshakendà, ntsin ngùanesà mbaṅ ze ngô là fut'a saṅ s'a be tshakendà, mbe ngùanesà mbaṅ nkàn i là.

Tànkùt 28:7

Mèn z'a num nze ntshù' là b'a mèn z'a num nsiaṅte là, là mèn z'a be njôg shun boa ben bo ghù yôg kebwô là be nkag tuswe tu tàab.

Tànkùt 29:3

Mèn z'a num nkô zenu là be ngù tàab tsiaṅte; là mèn z'a num njôg boa kattù bènnzwi là num mbagte tshu tse.

Tànkùt 6:26

Nummbe b'o lo' metu' bàn ngom kattù mènnzwi yi, là, mènnzwi nandà z'a be ngù màndà là be mbagte ta' yôg s'a tanjoṅ nà.

Esaya 1:4

Nge' tu ngô z'a be ngù nukebwô là, nge' tu nzwit mèn z'a be mfètte lem nà, nge' tu nzwit ghatshùagntù là, nge' tu bon tse bo sagte wut tshob là. Bo ghua' Tshùaben, ngwag i, yi z'a b'a Nsi Israél z'a be Mèn Nelàn nà. Bo lo' mvèn yub ntam i yi.

Esaya 22:13

Tshù ṅwate bo tsiaṅte li! Bo watte ba nyàmna', nzwite mbwe. Bo tshwèt mfèt mbàb, nke nu ndu': Bag bin jù mbèn nu, nummbe bag à bin nsi kwù ndamnjù.

Esaya 30:11

Bin lo manze, bin tsho' wut tsin num ntshagnze, bin yi wut tsin num miag Mèn Nelàn Israél!

Esaya 56:12

Bin se'e, m'a' nèn diag ndu'. Be nsi nu neta ndu'! Be nsi ghù à be ndaṅndaṅ mba ndamnjù, bèn ghù tshùate.

Yérémia 2:13

Nummbe yàm nzwit mèn ghù nukebwô nze tse bàa: Bo ghua' àm, me ze me b'a tôntse yôg là, nke ntswe' ntôntse, ntôntse mi a bagte là, ntôntse mi ntse ke' be la' bwe là.

Yérémia 2:31

Bin ju' ntshob Tshùaben, me benntùn ntùm yen ngelaṅ njù li! Me na' mb'a kônkwa bin ké ba Israél, ke ngô ze njam lam i mbum n'à? Numke yàm nzwit mèn nke ntshob ndù: Bag b'a yag tu, bag ke' kô nebèn njam ntèl o à?

Yérémia 2:5

Tshùaben tshob ndù: A zit nukebwô ze tà tsin yen num àm, kà nke ntsin mbaṅ àm ka' ku, nke ntam njam ba nsi, mbèn ntù' ben banban yub tu à?

Mika 6:3

Tshùaben bètte ndù: Nzwil àm, ke ze me na' ngù wù à? Me na' ngùtni o à num zit nu à? Bùnte me!

Lukas 15:12

Ntù'njam tshob yi ndù: Tà, fà yàm bag tshu ts'a nsi ghù be yàm nà. A ghabte tshu tse bo.

Lukas 15:14

Ngelaṅ z'a bagte njoṅ i fa là, mo' nziku' ndùb vù ntùm ngô là, a to' neke mbwoṅe.

Lukas 15:30

Là ngelaṅ ze yen mén o li z'a bagte tshu tsho boa kattù bènnzwi se' là, o zwi mén mfô z'a ghù nzit là yi.

Lukas 16:1

Yésu bèn ntshob ghazi'te nu i ndù: Mo' ngankàb lo ghù ngalé' tshu tse; bo se' ngù ndàm num i ndù a num nke nséb tshu tse.

Lukas 16:19

Mo' ngankàb lo be bwe, nke ma' nzwe mebwô, nabte wul i njoṅ ngelaṅ fa, mbèn nke njôg ntùm tsiaṅte njoṅ lé'njù fa.

Efésô 2:13

Là ndonni num Kristô Yésu, bin tse bin na' mbe ngùanesà mbwe là, lem Kristô lo ghù bin ghebte,

Efésô 2:17

A lo se' ntshob fite be, bin tse bin na' mbe ngùanesà là mba ben tse bo na' ngebte là,

2 Pétro 2:13

Bo kwé nuketsin mba ntsho'fa' là ntùm nuketsin yub, yôg sob b'a neke ntsiaṅte neghù nukebwô njoṅ lé'njù fa, bo b'a ghaṅu'u, ghaghù lo', bo num ntsiaṅte netatte zine, ngelaṅ bin à bo tshwèt njù mbèn nke nu là;