Lukas 14:21 - NTSHOB NSI

²¹ Yen ngafa' li bèn njam, nsoṅ tàab njoṅ mbùnte ntshob fa. Tàndà ya ntù, ntshob tshe' i ndù: Nèn ndende num manze mba num mfagte manze ngô, ndo' bwoṅbwoṅ, ba kam nku, ba mfùmiag, ba nke'kèt, nse' yi nsen ni.

Lukas 14:21 Iomraidhean Croise

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 38:7

Me ṅam, mbot tà nèn miagte. Me ke mba be ntùm nge' njoṅ ndù fa.

Esaya 33:23

Bo kiagte nkù nsitima; b'a ke bèn mbe num saṅ se, ke bèn ntaṅ kam nzwe tù. Ndùlala bo nsi ghabte ntsha' z'a tsho nyàm nà, mba ba nke'kèt nsi tsho lam ghalag ntsha'.

Esaya 35:6

yen ngelaṅ nà ba nke'kèt nsi ywètte mba njuanyàm nà, lém ba ketshob ké'te, mbèt zwi tsiaṅte. Nummbe ntse nsi bèt num kônkwa, bon netsha' ntse tum dù' z'a be fam nà.

Yérémia 5:1

Tshùaben tshob ndù: Bin zinte num nta'ntse mi a Yérusalém nà, ndôte. Bin bètte, ndiag ntùm njoṅ dù' fa, a be ze bin fon mènntùn bwe, a be ze bin fon ta' mènntùn bwe, a nke ngù nunetsine, nke ndiag nenùn nà, mba me nsi ko ndèn Yérusalém.

Sakaria 11:11

Me lo be' kôg sen lé'njù là, ghatantàn mbwe tse bo ke ndôt'àm nà lèn ndù men ntshob là b'a mi Tshùaben.

Sakaria 11:7

Ndùlala me to' nebéb mbwe tse bo watte yub wambàb là, mbwe tse bo ke njen nge' neshu netèt bwoṅ mbwe là. Me lo' nkôg mbàa: Ntsiaṅ mo' ndù kondèn, ntsiaṅ semo' ndù Ntse'te. Me ghù mbwe nke mfèt nenà.

Matio 11:28

Bin se' me njoṅ zin fa tse bin bole, mbèn nket lèt là, tu wul àm m'a' fà fite bin.

Matio 11:5

Ba mfùmiag tshwèt njene, ba kekat nke nzine, wut ghankin nke ndàne; ba mbu'ntoṅ nke nju'u, fe ben nke ndo num vù; bo tshwèt nke ntshob nkùn mebwô bwoṅbwoṅ.

Matio 15:12

Ghazi'te nu i se' mbaṅ i, ntshob yi ndù: O lèn ndù ba Férésia lo mbe ju' men ntshob là, mfa'te bwe à?

Matio 18:31

Tsemo' tshe'mfen be yen nu z'a tôg là, nywin kua' neshu, nèn ntshob njoṅ nu fa ts'a tôg là tshùaben yub.

Matio 20:7

Bo tshob yi ndù: Nummbe sàm mèn ke' lo' yag fa'. A tshob bo ndù: Mba bin zin, bin nèn ntùm nà àm.

Lukas 14:13

Là ngelaṅ z'o num ntsiaṅ benntùn nà, tsiaṅ à bwoṅbwoṅ, ba kam nku, ba nke'kèt boa ba mfùmiag.

Lukas 14:20

Mo' bèn ntshob ze ndù: Me yôg nelo na ndà, ndùlala me ke' ku'ni nenène.

Lukas 14:22

Tshe' i tshob yi ndù: M'a ghù ju z'o tshob là, nda' ndù dù' banban ke'e.

Lukas 14:24

Nummbe me tshob bin ndù: Netèt ben tse me na' ntsiaṅ yub là, mba ze ntshù' ke nsi zwi'te yàm jujù.

Lukas 24:47

bo nsi tshob nu nekaṅ ntù num lén se, ndù Nsi lagte nukebwô benntùn, ntùm ngô fa, nto' à Yérusalém.

Lukas 9:10

Ngelaṅ ghantum bèn njam nà, bo soṅ Yésu njoṅ tshu fa tse bo ghù là. A lo' yub bo à bo tum nèn nze mbaṅ ngô ze lén se be Bètsaida là.

Yohané 9:39

Yésu tshob ndù: Me se' ntùm yen njù li à num netsho'te ntsha, ndù ben tse bo ke tshwèt njen nà yene; ben tse bo tshwèt njen nà tù' mfùmiag.

Héber 13:17

Bin ju' ntshu ghatshagte zin ntùm nefà wut nsi. Nummbe bo num nzi tshùalo num ntù tsine, nummbe bo nsi bètte zin bo; a bwô bin ghù ndùlala, ndù bo fa' ntùm tsiaṅte, ke ke mféme: Nummbe mba yen nà ke nsi ywimte zine.

Héber 2:3

mba bag bin nsi kù, a be ze be wag lèn sen yôg li l'à ndùke? Sen yôg li, Tshùaben lo bwôgmbwe ntshob i, ben tse bo na' nju' i là te i mbwe bag ndaṅndaṅ,

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

Apokalipse 19:15

Mo' ṅwi' netshùag tum ntshu i, ṅwi z'a nsi lab ghakelèn Nsi yi là; tu wul i nsi lo' kôg tùn tshagte yub yi; tu wul i nsi nyu' tshaṅ ntàm ndu' zwentù yantù Nsi, ngatô njù.

Apokalipse 22:17

Ywèt mba ngon tshob ndù: Se'e! A bwô ndù mèn z'a tshwèt nju' là tshob ndù: se'; a bwô ndù mèn ze ntù i kù là se'e; a bwô ndù mèn z'a kô là kwé ntse banban.

1 Samuél 2:8

A num nsô mbwoṅ ntùm mbabe, nsô njennge' ntùm bwembwôge, ngù boa ben ndùbndùb tswe nsi; a fà ta' diaṅkwa ghamte bo; nummbe ntom tsha' b'a mbu Tshùaben,

1 Samuél 25:12

Ben David bèn njam, ndùse bo kum nà, bo yoṅ nsoṅ David njoṅ nu fa.