Lukas 14:13 - NTSHOB NSI

¹³ Là ngelaṅ z'o num ntsiaṅ benntùn nà, tsiaṅ à bwoṅbwoṅ, ba kam nku, ba nke'kèt boa ba mfùmiag.

Lukas 14:13 Iomraidhean Croise

2 Samuél 6:19

Yen nà be tôg a ghabte tshu ngô, njoṅ bwoṅ ba Israél fa, bandum boa bènnzwi, mfà tu' bàn, tu' mbàb bo ke' makela' nkun mba zit mèn no. Ngô bèn njam, mba we lo ntùm ze ndà.

2 Kronika 30:24

nummbe Ezékia, mfen Yuda, lo fà mfot mfô ntsha' sammbàa mbumte, fenfen fà mfot mfô ntsha' mbùm boa mbwe ntsha' gham mbumte; ghafà tshule'te yàm lo lànte wut tshobe.

Néhémi 8:10

Néhémi tshob bo ndù: Bin nèn mfèt mbàb nzile, nu neta ndu' mi à botte là. Bin tum mo' bag i ben tse bo ke' na sàm ju là, nummbe bo fà sen lé'njù li Tshùaben be. Kà bin neghùtni wut tsine, nummbe tsiaṅte Tshùaben nsi bèn mbe zin neta.

Néhémi 8:12

Ngô fa nèn njù mbèn nu, ntum tsemo' bag tse, mfà wut tshob num tsiaṅte ndùbndùb. Nummbe bo lo ju' ntshob mi bo na' ntote bo là.

ṄWA'NI YOB 29:13

Mbotni ngavùkob na' nke nse' à num àm; me nke ngù ntù mfôg mènnzwi dun tsiaṅte.

Tànkùt 14:31

Nefétte mbwoṅ b'a netute mèn z'a nabt'é là, là, o ko ndèn njennge' mb'o so nku'ni yi.

Tànkùt 22:9

Bo nsi tam ntse mèn z'a ghù ntshù neṅwate là nummb'a be mfà ze bàn mbwoṅ num bàn i.

Esaya 58:10

A be z'o be mfà yu jujù neyôg yi mèn nziku' ya i là. A be z'o be nkém bwoṅbwoṅ nà, mba nelàn o nsi tum mum njame, yu njam tswe à mba nka' mbwôgtshù là.

Esaya 58:7

A b'a ndù mèn ghabte ze jujù bo mèn nziku' ya i là, njab njennge' z'a ke' ghù dù' nezi là ndà, ma' nzwe num mèn z'a be tunntôg là, ke lo' mvèn o ntam mfèl o yi.

Matio 15:30

Bwoṅ benntùn yàm se' mbaṅ i ndù bo lo' ba kekat, ba mfùmiag, ba ketshob mba tsemo' ghangokèt yàme, njab mbaṅ nku mi.

Matio 22:10

Tshen tshe'mfen nà tum nèn num ba manze, ntse'te njoṅ benntùn fa tse bo fon nà, ben kebwô mba ben mebwô kà ndà nandà dun.

Lukas 11:41

Bin bwôgmbwe mfà tshu ts'a be ntùm bwe là num ywimte, mba bin nsi tù' kua' ben nelàne.

Lukas 14:12

Yésu tshob mba mèn z'a tsiaṅ i là ndù: Ngelaṅ z'o tshwèt ntsiaṅ benntùn ndù bo jù jujù ndà o, ke nkebnjù, ke mbwôgtshù lo là, kà tsiaṅ shun tsho ke fèt tsho, ke tàan bo màan, ke ba ndùla' o tse bo be ghankàb là, mbwôg ndù kà bo bèn njagte ju z'o ghù là be ndaṅndaṅ.

Lukas 14:14

O nsi b'a mènfen, nummbe bo ke' ku'ni neyagte wù. Bo nsi yagte wù ngelaṅ ze ben netsin nsi bam num vù là.

Lukas 14:21

Yen ngafa' li bèn njam, nsoṅ tàab njoṅ mbùnte ntshob fa. Tàndà ya ntù, ntshob tshe' i ndù: Nèn ndende num manze mba num mfagte manze ngô, ndo' bwoṅbwoṅ, ba kam nku, ba mfùmiag, ba nke'kèt, nse' yi nsen ni.

Mfa' Ghantum 9:39

Pétro lo nsi nèn bo à bo. Ngelaṅ bo zin nkum bwe là, bo lo' i nèn yi to'ndà tù. Njoṅ fôg bènnzwi fa se' mbwe i, nke nkua'a mbèn nke nda'te ba nzwe mba nkummbaṅ mi Dôrkas ke ntam bo, ngelaṅ bo à bo na' mbe là.

Nebwôgte 14:29

Yen ngelaṅ nà mèn Lévi z'a ke' ghù tsha' ts'a be mi ntsi' mba wù là, ngùn, ménntse bo mfôg mènnzwi nsi se' la' o, jù kà ywèle, a tshùa ndùlala Tshùaben Nsi o tam ntse wù num mba ke lo z'a be mbu mu fa' là.

Nebwôgte 16:11

O nsi tsiaṅte ntùm dù' ze Tshùaben Nsi o tsho' nete lén se bwe là, mbwe tu wul i, wù bin nshum o, ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

Nebwôgte 16:14

A bwô ndù o tsiaṅte num sen jùa li, wù bin nshum o mba ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

1 Timôtio 3:2

Ndùlala a bwô ndù ngalôte be ke lo, ndu ta' mènnzwi ntshù', zete mèn, nzenu mèn, nshun ghùn, nku'ni netswite,

1 Timôtio 5:10

a bwô a ghù kwénta ntùm mfa' mebwô, netshagte bon, nelo' ghùn, nesôg nku ben nelàne, neywimte ghayennge', neze njoṅ nzenze mfa' mebwô fa.

Titô 1:8

là, a bwô ndù a be nshun ghùn, ngakô numebwô, nzenu, mèn netsine, mèn nelàne, ngatshùb wul i,

Filémon 1:7

Me ghù tsiaṅte mba fitentù yàm num nu nkôni o, nummbe mfèl àm, o lo ghù ntù ben nelàn tswe'te.

Héber 13:2

Kà bin lagte nelo' ghùn, nummbe tsemo' ben lo tshùa njam nelo' ghùn, ndo' ba Angél ke lèn.