Lukas 14:11 - NTSHOB NSI

¹¹ Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Lukas 14:11 Iomraidhean Croise

2 Samuél 22:28

O num njôg nzwit ngafà wut nsi, nke ndo' miag mu nkôg ghako'tewut yi.

Esta 6:10

Ndùlala mfen tshob Haman ndù: lo' nzwe tshàm bo nyàmdiaṅ àm ndende mb'o tshob là, ngù be ndaṅndaṅ num Mardokai ze Yuda z'a tswe nzendà mfen nà. Kà wag ke bèn mfaṅ sàm ju num tshu ts'o tùnte là.

ṄWA'NI YOB 22:29

Ndùs'o vù nsi là, mb'o a' le'te Nsi ndù a bù' o. Nsi ke njwimt'a mèn ze ntshù mi tshùaṅ nà.

Yobkwi 138:6

Tshùaben b'a tà mfe tù, a be njen ghafà wut nsi. A be ntsin ngùanesà ndèn ghako'tewut.

Yobkwi 18:27

O be nda'te ndù o làn mèn z'a be nelàn nà. O be ngù nukebwô ndaṅndaṅ mba ng'é be mèn kebwô là.

Tànkùt 15:33

Nebwôg Tshùaben be ntswite zenu; mbétni bèn nke mbe mbwe ghamte, nefà wut nsi.

Tànkùt 18:12

Ntù mèn ke nka'te neshu o lèn mbe ze nevù ghebte; mbétni bèn nke mbe mbwe ghamte.

Tànkùt 25:27

A ke' bwô nejù ṅwa' yàme, là nediag ze nku'ni tsemo' ben b'a ta' ghamte.

Tànkùt 29:23

Ko'tewut mènntùn be kôge, là mèn z'a num mbétni là ghù ywèt yàme.

Esaya 2:11

Bo nsi kôg ngaka'te fà nsi, so tuswe tu ghako'tewut. Nda' Tshùaben bèn bù' tu i tù sen lé'njù là.

Esaya 2:17

Tuswe nsi ko ngako'tewut, ngaka'te nsi kôg vù nsi. Nda' Tshùaben nsi bèn bù' tu i nsi sen lé'njù là.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Matio 23:12

Mèn z'a nsi lo' wul i nèn yi tù là, bo nsi tèn i fà nsi; mèn z'a nsi lo' wul i nèn yi nsi là, bo nsi bù' i fà tù.

Lukas 1:51

A la'te neta bu i, nsate benntùn tse bo ke nkote wut ntùm nkwatenu ntù tshob là,

Lukas 1:52

ntèn fenfen num ndiaṅ mub ma'te nsi, mbù' ghafà wut nsi tù,

Lukas 14:12

Yésu tshob mba mèn z'a tsiaṅ i là ndù: Ngelaṅ z'o tshwèt ntsiaṅ benntùn ndù bo jù jujù ndà o, ke nkebnjù, ke mbwôgtshù lo là, kà tsiaṅ shun tsho ke fèt tsho, ke tàan bo màan, ke ba ndùla' o tse bo be ghankàb là, mbwôg ndù kà bo bèn njagte ju z'o ghù là be ndaṅndaṅ.

Lukas 18:14

Me tshob bin ndù: Yen mèn ni lo be bèn njam ndà i ndù nu i tsin, ze mo' ke tsin. Nummbe mèn z'a num ndo' wul i nèn yi tù là, bo nsi tèn i fà nsi; mèn z'a num ndo' wul i nèn yi nsi là, bo nsi bù' i fà tù.

Yakobo 1:9

A bwô ndù mfèt z'a fà wut nsi là ta' nsoṅ mba bo bù' i tù là,

Yakobo 4:10

Bin fà wut tsin nsi mbwe Tshùaben, a nsi bù'te zine.

Yakobo 4:6

A num mfà kondèn z'a be ze ndùb ntshùate là; a ndùlala a tshob ndù: Nsi be ntshètte ghako'tewut, là, a num mfà kondèn ghafà wut nsi.

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.

1 Pétro 5:6

Ndùlala bin fà wut nsi tun bu Nsi ze neta, ndù a bù'te zin num ngelaṅ i,

1 Samuél 15:17

Samuél tshob ndù: Ndùs'o na' nke' a mônke' num miag mu là, o lo ke tù' mfen njoṅ tse nzwit Israél fa ké? Tshùaben lo ke yo' o ngù mfen ba Israél yi ké?