Lukas 13:34 - NTSHOB NSI

³⁴ Yérusalém, Yérusalém, wù z'o num nke nzwite ghatshob ntshob Nsi, ntamte ben tse bo tum yub wù là ndoṅ nà, a yoṅ si' mba me diag netse'te bon tsho ndaṅndaṅ mba mà ngab be ntse'te bon tse tun mbàb mi, bin ke kô à?

Lukas 13:34 Iomraidhean Croise

Néhémi 9:26

Mba tà ndùlala, bo lo kam tatu num o, ma' ntshù' o njam tu bo, nzwite ghatshob ntshob Nsi tsho tse bo ke ndabte yub ndù bo bèn njam ntèl o là. Bo tut'o kua' yàm yàm neshu.

Néhémi 9:30

O lo fènte yub ngu'njù yàme, ntshùa njam ywèt tsho nte bu num bo, mba njam ghatshob ntshob Nsi tsho, là bo ke kù' ntoṅ num sàm ju. Ndùlala o swèn yub bu ba mfàm.

Yobkwi 149:2

A bwô ndù Israél ke ntsiaṅte num Mbom i, bon Sion ke ṅwate num mfen yub.

Yobkwi 17:8

Lem àm mba nyilag mèn nà, lem àm bam mbàb mu.

Yobkwi 36:7

Yu nunetsin be à mba mbat Nsi là, tsho tsho'te ntsha be mba ghem ndùb là. Tshùaben, o be ntomte benntùn mba ba nyàm.

Yobkwi 57:1

Ntshagte yobkwi. Kà sate. Yobkwi David. Ndùs'a kù ndem mum ngabloṅ ngelaṅ Saulo ke nta' i là.

Yobkwi 81:13

Ndùlala me lo ghù num bo ndaṅndaṅ mba ntù yub kô là. Bo lo ke nzin num ko' mub ntage.

Yobkwi 91:4

A nsi lo' mfe mi kabt'o yi. O nsi fon ndàlem bam mbàb mi. Nenùn i b'a tshètntsho mba nzwe tùne.

Esaya 30:15

Nummbe tshù ju ze Tshùaben Nsi, Mèn Nelàn Israél tshob li: Yôg nsi se' bin à ntùm nekaṅ ntù bo fite. Zin neta nsi b'a ntùm netswe ndù kam, bo neyab ntù bwe. Là, bin lo ke kô ndù a be ndùlala.

Esaya 50:2

Numke me na' nse' ke tèt mèn nsi à? Numke me na' ntsiaṅ mèn ke bùnt'à? Ndù bu àm vôg ta mba b'a tshu' zin nà ké? Me ke' ghù neta nelo' njôg zin yi ké? Ndù me tshob nda' netshob mba dibantse nsi jumte. Me be ndo' ntu' koṅntse nkaṅ tsha' njum yi, kà ngontse ts'a bwe là bwoṅ ntse, nyàm ts'a ntùm bwe là kwù nzi ntse.

Yérémia 2:30

Me na' ndab bon tsin à kua' banban. Bo ke' ju' ntshob ntag mi me na' mfà bo là. Ṅwi zin lo watte ghatshob ntshob Nsi tsin mba ta' ngwayit ngasate dù' là.

Yérémia 26:23

Bo ghom Uria Egipto ntum yi nèn mfà mfen Yoyakim, a wal i, ma' fe i num ntufi bon ngô.

Yérémia 35:14

Bo lo ze ntshob Yonadab nshum Rékab, z'a na' nto' nshumnshum tse nenu ndu' là. Bo ke' to' nenu tà nse' nkum sènni, nummbe bo ju' ntshu num ju ze tà yub tshob là. Mba me là, me lo tshob nu bin, ntshob nu bin fe nkebnjù, là bin ke ju' tsin nz'àm.

Yérémia 35:17

A ndùlala, Tshùaben, Nsi tàndà ntsho, Nsi Israél tshob ndù: Tshù, m'a' ghù njoṅ nge' fa me na' njù' num ba Yuda mba num ba Yérusalém nà se' num bo. Nummbe me lo tshob bo, bo ke ju' nz'àm.

Yérémia 6:16

Tshù mba Tshùaben tshob li: Bin tsin num ba manze, ndôte. Bin bètte njwèn ntshagnze; bin yen manze ntùn z'a bwe là, ntam num yen nà, bin nsi fon fite bwe mum ntù tsine. Là, bo bùnte ndù: Bag ke nsi zin num yen manze là.

Nsindàvù 1:16

A ndùlala ghù kà me nke nkua'a, kà ntsenyà nke nswe' tu àm. Nummbe mèn z'a lo mbe mb'a fite ntù àm nà b'a ngùanesà mbaṅ àm. A yi z'a lo mbe mb'a bù't'àm nà. Nshumnshum tshàm b'a ntùm nenywine, nummbe ngakeban yob ngu'u.

Nsindàvù 4:13

Tshù ntàm nukebwô ghatshob ntshob Nsi tse là. Tshù ntàm mfànnu tse ghale'te là. Bo lo fètte lem ba mbu' netèl i.

ṄWA'NI OSÉ 11:2

Me lo tsiaṅ Israél bo nèn ngùanesà mbaṅ àm, nèn nefà tshule'te neghamte Baal yi, nton tshu nelamte tsham ba neto.

ṄWA'NI OSÉ 11:7

Ben tshàm to' nenèn ngùanesà mbaṅ àm, bo tshwèt ntsiaṅ yub ndù bo bèn njam ntèt Nsi yub. Là sàm mèn netèt bo ke bùnte.

Yoél 2:23

Bon Sion, bin ṅwate, bin tsiaṅte num Tshùaben Nsi zin nummb'a nsi fà mbaṅ sàn bin, ndo' ngù mebwô yi. A ghù mbaṅ ndùbndùb lo num bin, ngù mbaṅ sàn mba mbwe mbaṅ lo, mb'a na' mbe mbwembwe là.

Sakaria 1:4

Kà bin be mba tà tsin tse ba ghatshob ntshob Nsi mbwe ke nkua' ntshob bo ndù: Tshùaben tàndà ntsho tshob ndù bin lo num manze tsin tse kebwô, ndo num mfa' min mi kebwô! Là bo lo ke ju', ke kù' ntoṅ num bwe là, ke ju' nz'àm nà, Tshùaben tshob ndùlala.

Matio 22:3

A tum tshe' tse ndù bo nèn ntsiaṅ ben ts'a na' ntsiaṅ yub num nandà là, là bo ke kô nese'e.

Matio 22:6

tsemo' ghom tshe'mfen nà, ngùtni yube, nzwi yube.

Lukas 15:28

Ntshùambwe to' neya ntù, ke kô netsho ndà. Tàab tum mbu' mbu yi.

Lukas 19:44

Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Lukas 23:28

Yésu kaṅ wul i njam ntshob bènnzwi ndù: Ngonngon Yérusalém, kà bin kua' num àm, bin kua' a be num tu wut tsine, mba num bon tsine.

Mfa' Ghantum 7:52

A zit ngatshob ntshob Nsi ze ba tà tsin ke' tsho' nku mi kebàn à? Bo lo zwite njoṅ benntùn fa tse bo ke nsoṅ nese' mèn netsin nà, yen mèn netsin nà ze bin ghù ndàm num i ndonni, nzwi i,

Mfa' Ghantum 7:59

Bo be tamte Etiènne ndoṅ, a nke nde'te Nsi ndù: Tshùaben Yésu, lo' ywèt tshàm.

Mfa' Ghantum 8:1

Mba Saulo lo bam mba bo zwi Etiènne nà. Num sen lé'njù là, netsho' nku kebàn vù ntùm ntse'te benkristô Yérusalém. Njoṅ fètfèt fa, tà ntag nda' ghantum, sate nèn bag ngô nzenze, Yudéa mba Samaria.

Nebwôgte 32:29

Bo lo mb'a ghazenu mba tshù mb'a be bo ju', nkwate mfà num nu z'a tum bo li:

Nebwôgte 5:29

Wé, bo lo nke ngù a be lèn yen ntù là neke mbwôg àm yi mbèn nke nze njoṅ nkàn màm fa, mb'a be bo tswe mebwô matmat, bo mba bon tshobe!

Apokalipse 11:8

Fe tshob nsi be num manze ngô ndùb ze bo be ntsiaṅ ntùm ntshob Ywèt ndù Sodom mba Egipto là; a b'a dù' ze bo kwimte Tshùaben yub bwe là.

ṄWA'NI RUT 2:12

A bwô ndù Tshùaben ghù wù mb'o na' ngù yu là, ntsho'fa' mi a dun nà fe Tshùaben mbe wù, Tshùaben, Nsi Israél z'o se' nsen ni ndù o lem tun mbàb mi là.