Lukas 13:27 - NTSHOB NSI

²⁷ A nsi bèn tshob bin ndù: Me ke' lèn dù' bin fe là! Bin nèn tà ngùanesà mbaṅ àm, njoṅ zin fa ghaghù nukebwô.

Lukas 13:27 Iomraidhean Croise

Yobkwi 1:6

Nummbe Tshùaben lèn manze ben netsine. Là manze ghatshùagntù ke nkum à ntùm nebi.

Yobkwi 101:8

Me nsi ke biagte ben kebwô mum ngô njoṅ nkebnjù fa. Ndùlala ndù me miagte ben tse bo be ngù nukebwô là mum ngô Tshùaben.

Yobkwi 119:115

Ghatshùagntù nèn ngùanesà mbaṅ àm, ndù me ze nkàn Nsi àm.

Yobkwi 125:5

Là, a bwô Tshùaben yoṅ ben tse bo tam num manze ts'a lamte là boa ben tse bo be ngù nukebwô là. A bwô ndù fite be num Israél.

Yobkwi 28:3

Kà lo' àm bag à ben kebwô mba ghatshùagntù, tse bo be ntshob nu fite mèn a ghebte mbaṅ i, là nukebwô be ntù i là.

Yobkwi 5:6

nga, kagni ke' ghù netsin mbwe o; o num mban ghatshùagntù,

Yobkwi 6:8

Nenywin sènte miag màm fa, ben tse bo be ntsho' nku màm kebàn nà ghù me ywèn.

ṄWA'NI OSÉ 9:12

A be ze bo tshagte bon tshob là, mba m'a' kwé yub ke bo yoṅ mbe benntùn, nummbe nge' num mba tu bo yub, ndùse me nsi tsin ngùanesà mbaṅ bo là.

Matio 25:12

Là, a bùnte ntshob ndù: Kua' nenùne, me tshob bin ndù: Me ke' lèn zine.

Matio 25:41

A nsi tshob ben tse bo be num bag bu i ze kwéb là ndù: Ghandon, bin lo mbaṅ àm, nèn ntùm mbwôg z'a tswe yoṅ ntshù', ze bo na' nabte njab Satan mba angél tse là.

Lukas 13:25

Ngelaṅ ze tàndà nsi lo nsi fùn nzendà là, bin nsi se' tsin njù, bèn ke ke'te nzendà, tshob ndù: Tshùaben, Tshùaben, tsho' nzendà bag. A nsi bùnte tshob bin ndù: Me ke' lèn dù' bin fe là.

1 Korintô 8:3

A be ze mèn kô Nsi là, mb'a lèn yen mèn nà.

Galatia 4:9

Là ndonni ze bin lèn Nsi là, a bwô netshob à ndù, bin tse Nsi lèn zin nà, bin ghù nebèn mbèn njam tshen tshu nebot mba tse nebwoṅ nà, nebèn mfa' bo à ndùke?

2 Timôtio 2:19

Mba ndùlala, tseba' Nsi ze neta tsin tù ndaṅndaṅ, ndù Nsi san i yen sitam ni ndù: Tshùaben lèn tse ben, mba ndù: Mba we lo z'a nsi tsi lén Tshùaben nà, gha nuketsin!