Lukas 13:25 - NTSHOB NSI

²⁵ Ngelaṅ ze tàndà nsi lo nsi fùn nzendà là, bin nsi se' tsin njù, bèn ke ke'te nzendà, tshob ndù: Tshùaben, Tshùaben, tsho' nzendà bag. A nsi bùnte tshob bin ndù: Me ke' lèn dù' bin fe là.

Lukas 13:25 Iomraidhean Croise

Neto'te 7:16

tshu tse bo ke ntsho là ke mb'a mandum bo mènnzwi num njoṅ tshu fa tse bo ghù zwiag là; njoṅ i fa b'a mba Nsi na' ntshob là. Ndùlala Tshùaben fùn nze sitima njam njù num Noa.

Yobkwi 32:6

Ndùlala mba zit ngaghamt'o lo le't'o num ngelaṅ ntùn. A be ze ntse ndùbndùb dun nà, mb'a ke kum tse num i.

Esaya 55:6

Bin diag Tshùaben ndonni z'a be nsi là. Bin tsiaṅ lén se ndonni z'a ghebte là.

Matio 25:41

A nsi tshob ben tse bo be num bag bu i ze kwéb là ndù: Ghandon, bin lo mbaṅ àm, nèn ntùm mbwôg z'a tswe yoṅ ntshù', ze bo na' nabte njab Satan mba angél tse là.

Lukas 13:27

A nsi bèn tshob bin ndù: Me ke' lèn dù' bin fe là! Bin nèn tà ngùanesà mbaṅ àm, njoṅ zin fa ghaghù nukebwô.

Lukas 3:8

Bin yam kua' ntàm nekaṅ ntù mi a ku'ni là; kà bin ke ntshob ntùm ntù tsin ndù: Abraham b'a tà yag; nummbe me tshob bin ndù Nsi ku' nekaṅ men ndoṅ ni, ngù bon Abraham yi.

Lukas 6:46

Numke bin nke ntsiaṅ àm ndù: Tshùaben, Tshùaben, ke ghù ju ze me num ntshob à?

2 Korintô 6:2

Nummbe a tshob ndù: Me lo ju' o num ngelaṅ z'a ku'ni là, me lo ywimt'o mum lé'njù yôg. Tshù, ndonni b'a ngelaṅ z'a ku'ni là; tshù, ndonni b'a lé'njù yôg!

Héber 12:17

Bin lèn ndù a lo be mànjam, ngelaṅ z'a ke nkô nekwé ntsi' mbotni là, bo ghua' i, nummbe a lo ke fon nekaṅ ntù, mb'a na' ndiag i ntùm ntsenyà là.