Lukas 13:19 - NTSHOB NSI

¹⁹ A fut'a lag mo' metsit tù se mo' mèn na' ndo' ma' ntùm nà i là; lag se bit, ntù' kua' ta' tù ndùb, kà nsaṅ mfe kamànyam nke mfite ntùm nkaṅ mi là.

Lukas 13:19 Iomraidhean Croise

Nkwi Nkwi 4:12

Mfèl àm ze mènnzwi, nzwi àm ze me ka, o b'a mba ta' nka' ze bo fùn nà. O b'a mba ta' tôntse se bo fùn nà, mba ta' tumnsi ntse mi bo tam màkwa bwe là.

Nkwi Nkwi 4:16

Ménngon bùnte ndù: Lo nsi me fetmbaṅ z'a swe' tu, kù nde nse' me fetmbaṅ z'a se' mfùag ntèn, fette ntùm nka' àm, ndù njwèt labinda tshàm lam njoṅ dù' fa. A bwô ndù nshun àm tsho ntùm nka' i, njù ntàm tù nelamte mi a bwe là.

Nkwi Nkwi 6:2

Ménngon bùnte ndù: Nshun àm swe' nèn ntùm nka' i, A b'a nka' ba mfèt nelamte, num neke nkém ze bwoṅ nyàm ntùm ba nka', mba ndù a kàb ba kanyam.

Nkwi Nkwi 8:13

Ménnshum tshob ndù: Mènnzwi z'a be ntswe ntùm ba nka' là, shunshun tshwèt nkù' ntoṅ num nz'o. A bwô ndù o ghù me ju' nz'o.

Esaya 53:1

We z'a bam nu ze bo na' ntshob bag à? We z'a na' ndèn bu Tshùaben bwe à?

Esaya 53:10

Là, a bwô Tshùaben, a lo' nge' neyen mbe' i yi. A be z'a fà yôg se, ntù' mbwe fa num nukebwô là, mb'a nsi yen ta' nzwit, lé'njù tse bèn ntènte. Fa' Tshùaben nsi zin ntùm mbu mi.

Esaya 58:11

Tshùaben nsi ke b'a be ngatshagt'o, a nsi kém ntù o num dù' ts'a jum nà, bèn so ngù' mum nkam wut mu. O nsi be à mba nka' ze bo num nzwi' là, mba tôntse se ntse ke' be jumte bwe là.

Esaya 61:11

Nummbe ndaṅndaṅ mba tsha' be ngù ju bèt, ndaṅndaṅ mba tshu neywit be mbit nka' là, Tshùaben Nsi nsi ghù yôg bo nunetsin bèt num miag njoṅ ngôngô fa be ndaṅndaṅ.

Esaya 9:7

Tshùaben tshob ta' ntshob num Yakob, mbe ndù men ntshob là nsi vù num Israél.

Yérémia 31:12

Bo nsi se'e, fà nze yub tù ntùm tsiaṅte num ntshùa mbat Sion; bo nsi kù nde nèn mbaṅ tshu tse Tshùaben fà bo là: Ngefele, ndu', mfèt, mbwe boa nyàmna'. Ntù tshob nsi b'a mba nka' ze bo zwi' là. Bo ke nsi bèn be ntùm nge'.

Ezékia 31:6

Nsaṅ lo ke mba' nkàn tshob mum nkaṅ mi, nyàm tshwèt nke ntswete bam netshaṅ i.

Daniel 4:12

Mfu mi lo bwô, ntàm mi yàm; jujù njoṅ benntùn fa ke ntum a num i; njoṅ nyàm tshwèt fa nke mfite bam netshaṅ i; bon nsaṅ nke nabte yub dù'ntswe mum nkaṅ mi. Njoṅ tshu nezwiag fa ke njù à num i.

Daniel 4:21

sen tù là se mfu mi bwô, ntàm mi yàm, a nke mfà jujù njoṅ benntùn fafa là, sen tù se nyàm tshwèt ke ntswe bam netshaṅ i, bon nsaṅ nke ntswe mum nkaṅ mi là,

Sakaria 2:11

Yôg wul o me Sion, wù z'o be ntswe Babilon nà!

Matio 17:20

Là, a tshob bo ndù: Num bamntù zin ze metsili. Nummbe me tshob bin kua' nenùn ndù: A lo mbe ndù bin ghù bamntù mba lag metsit njwit tù là, mba bin tshob yen mbat li ndù: Lo nsen ni, nèn nsen nà, mb'a nsi nène; sàm ju ke nsi tshùa zine. [

Marko 4:30

A bèn ntshob ndù: Be be fà mfi' nufen Nsi à num ke? Be be yab i ntùm zit tànkùt à?

Lukas 17:6

Là Tshùaben tshob ndù: A lo mbe ndù bin ghù bamntù mba lag metsit nzwit tù là, mba bin tshob sen tù li ndù: Tsho' nsen nà, nèn njwit wul o ntùm dibantse, mb'a ju' bin.

Mfa' Ghantum 2:41

Ben tse bo bam ntshob Pétro là, bo nyu' yub ntse. Benntùn nguan ntsha' tat kwi'te num ghantum sen lé'njù là.

Mfa' Ghantum 21:20

Bo be ju' ndùlala, ngamte Nsi, ntshob yi ndù: Mfèt yag, o yen mba ba Yuda ntsha'ntsha' bam nu Yésu là; là njoṅ yub fa num nkô ntshù' Mosé,

Mfa' Ghantum 4:4

Mba ndùlala ben tse bo na' nju' ntshob là bam; njoṅ benntùn fa tse bo bam nà be bandum nguan ntsha' tàn.

Roma 15:19

ke njam neta ba nsà, mba ba nu netshàme, ke njam neta Ywèt Nelàn no, a ndùlala, neto' Yérusalém mba ngô ts'a be mbaṅ i là, tà nèn nkum Iliria, me miagte netshob nkùn mebwô Kristô;

Apokalipse 11:15

Mbatte Angél sammbàa tô nta: Ba nze ndùbndùb tshob mfe kamànyam ndù: Nufen njù tù' se Tshùaben be mba Kristô i, a nsi be mfen num ngu'ngu'.