Lukas 13:17 - NTSHOB NSI

¹⁷ Ngelaṅ a tshob yen nu li là, tuswe ko ghakeban tse, njoṅ bwoṅ benntùn fa nke ntsiaṅte num njoṅ tshu nekuni fa tse Yésu ke ngù là.

Lukas 13:17 Iomraidhean Croise

Yobkwi 109:29

A bwô ndù tshabte kut ghabot'àm, a bwô ndù yub tuswe lam yub mba kummbaṅ nà!

Yobkwi 111:3

Mfa' mbu Tshùaben b'a ghamte mba nekuni. Nunetsin i tswe matmat.

Yobkwi 132:18

me nsi ma' tuswe num ghakeban tse, màkwa me te tu i là ke nzwiage.

Yobkwi 40:14

O Tshùaben, a bwô ndù o tshu' àm! Tshùaben se' ndende njwimt'àm.

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Esaya 4:2

A nsi be num sen lé'njù là, nzwit z'a b'a ze Tshùaben nà nsi bile, ghù nkuni bo ghamte, ntàmtù mi a be ntùm ngô là zitte, mbwô num miag tshé' Israél tse bo tù' là.

Esaya 45:24

Bo nsi tshob me ndù nunetsin bo neta ke ntswe à nda' num Tshùaben tù' i; njoṅ benntùn fa tse bo na' nja ntù num i là nsi se' tèl i, tuswe ko yube.

Esaya 66:5

Bin ju' ntshob Tshùaben, njoṅ zin fa tse bin be mbwôg ntshob mi là. Tshù ju ze fèt tsin tse bo num mbàn zine, nke ma' zin njam num lén sàm be ntshob li: A bwô ndù Tshùaben la'te nkuni mi, bag yen zin tsiaṅte. Nda' ndù tuswe nsi ko yube.

Lukas 14:6

Bo ke ku'ni nebùnte sàm nu yi.

Lukas 18:43

Be num yen ngelaṅ nà, a yen nze, ntam njam Yésu nke ngamte Nsi. Njoṅ benntùn fa be yen yen nu là, mfà ghamte Nsi.

Lukas 19:48

Là bo ke lèn mb'a bwô ndù bo ghù là, nummbe njoṅ benntùn fa tse bo ju' i là lo lat num i.

Lukas 20:40

Bo ke bèn mfèn ntù nebètt'é sàm nu.

Mfa' Ghantum 4:21

Bo bèn ntshobte yube, ke fon mat ze bo so ntsha yi tu bo là, nummbe bo lo ke mbwôg benntùn tse bo ke ngamte Nsi num nu z'a tôg là.

2 Timôtio 3:9

Là bo ke nsi bèn nèn mbwe ntùm manze là, nummbe bà yub nsi la'te wul i njoṅ benntùn fa, ndaṅndaṅ mb'a na' mbe num tsemo' là.

Titô 2:8

a bwô ndù ntshob mu bwô, mbe kelo', ndùlala ndù tuswe ko ngakeban, a bwoṅ nukebwô z'a tshob num be là.

1 Pétro 3:16

là ntùm fite mba nebwôge, ngù nzentù mebwô, ndù tuswe ko ben tse bo num ntshabte zine, nke ntete nu num nzin min mi mebwô num Kristô là.