Lukas 12:7 - NTSHOB NSI

⁷ Mbèn mbe, bo siaṅ njoṅ ntàn nyiaṅtu tsin fa, kà bin bwôg sàm ju, bin tanjoṅ ntshùa ntôgzin yàme.

Lukas 12:7 Iomraidhean Croise

2 Samuél 14:11

Mènnzwi là tshob ndù: A bwô ndù mfen kwimte Tshùaben Nsi i, ndùlala ndù kà ngayagte mba' lem ts'a fètte là, kwi'te fam, mba ndù kà bo biagte nshum àm. Mfen David lo' lén Tshùaben nu ngu yi ntshob ndù: Me bù wù mbe ntàn nyiaṅtu nshum o ke vù nsi.

ṄWA'NI YOB 35:11

Nsi bèn ngù be mbe ghazenu ntshùa nyàm ts'a nsitsha' là, ntù' ghazenu ntshùa nsaṅ mi à mfe kamànyam nà.

Yobkwi 8:6

O lo nabt'é, a nèn nebe mba ba Angél là; là nso ghamte mba nkuni num i;

Matio 12:12

Mènntùn ke' tanjoṅ neshu ntshùa mbwe ké? Ndùlala ntshù' bam ndù mèn ghù numebwô lé' Sabbat.

Matio 6:26

Bin lôte bon nsaṅ mfe kamànyam njene, bo ke' be ywit, ke bèn ntsho'o, ke bèn ntse'te ju njab kandà, mba ndùlala Tà zin mfe kamànyam num nkém yube. Bin ke' tanjoṅ ntshùa yub ké?

Lukas 21:18

Là mba ntàn nyiaṅtu zin ntshù' ke nsi bi.

Mfa' Ghantum 27:34

A ndùlala me tagte zin ndù bin jù ju, nummbe a' ywimte zin num yôg sine; mba ntàn nyiaṅtu sàm mèn netèt bin ke nsi bi.

1 Samuél 14:45

Ngô tshob Saulo ndù: Ke di! Yonatan nekwù à? Yi z'a tshu' ba Israél là ké? Nga, ke b'a ndùlala, Nsi b'a ntùn! Mba nda' ntàn nyiaṅtu ke nsi tsho' tu i vù nsi, nummbe Nsi tshùa njam i kà ngù njoṅ i fa sen lé'njù li. Ndùlala ngô yôg Yonatan, a ke kwù.