Lukas 12:5 - NTSHOB NSI

⁵ M'a' tswite mèn z'a bwô ndù bin bwôg i là bin: Bin bwôg mèn z'a num nzwi yôg mèn, mbèn ngù ngù' nema' i ntùm dù' mbwôg là. Ṅ, me tshob bin ndù bin bwôg i, bin bwôg yen mèn nà.

Lukas 12:5 Iomraidhean Croise

Yobkwi 9:17

Tshùaben la'te wul i, Tshùaben keb ntsha; mfa' mbu tshùagkèt mèn ma' i tàme.

Tànkùt 14:26

Mèn z'a be mbwôg Tshùaben nà ghù kua' dù' ntùn z'a yé'te bwe là, bon tse bèn ngù ndàlem mbaṅ i.

Yérémia 10:7

Mfen ngôngô, we z'a ke nsi bwôg à? Mèn z'a bwô nebwôg i là b'a wù. Nummbe sàm mènntùn z'a be mba wù là ke' be netèt njoṅ ghazenu ngôngô, mba ntùm njoṅ tshob nufen fa.

Yérémia 41:18

Bo nèn ndùlala nke mbwôg à ba Kaldéa, nummbe Ismaél nshum Netania lo zwi Guedalia nshum Ashikam ze mfen Babilon na' njab i ngomna ntùm ngô là.

Yérémia 5:22

Tshùaben tshob ndù: Bin ke nsi bwôg àm tsin ké? Bin ke nsi vètte tsin mbwe àm ké? A b'a me na' mbèn mfà nkwango' dibantse mba ze ndùnsi là. A b'a ze ndùnsi matmat z'a ke' bwô ndù a tôg là. Ntu' ntse mi a be ntùm bwe là be nke mbùne, là, mo' sàm neta ke be bo. Men ntu' ntse là be nke ntshu'u, là ke yôg ntôg ze ndùnsi.

Matio 10:28

Kà bin bwôg benntùn tse bo num nzwi wut, là ke ku'ni nezwi zwiag là, bin bwôg à mèn z'a ku'ni nebiagte zwiag mba wut ntùm mbwôg là.

Matio 25:41

A nsi tshob ben tse bo be num bag bu i ze kwéb là ndù: Ghandon, bin lo mbaṅ àm, nèn ntùm mbwôg z'a tswe yoṅ ntshù', ze bo na' nabte njab Satan mba angél tse là.

Matio 25:46

Tshen ben ni nsi nèn ntùm nge' yoṅ ntshù', là ben netsin nèn ntùm yôg matmat.

Matio 5:22

Là tu wul àm, me tshob bin ndù: Mèn z'a ya ntù num mfèl i là, mba bo a' tsho't'é ndàntsha; mèn z'a tshob mfèl i ndù: nkagni là, mba bo a' tsho't'é mbwe ndàntsha ndùb; mèn z'a tshob yi ndù mbabun nà, mba bo a' tsho'te ntsha i, ma' i ntùm dù' mbwôge.

Marko 13:23

Là bin bam nà, me bwôgmbwe nsoṅ zin njoṅ nu fa.

1 Tésalônikà 4:6

Kà mba we lo tôg mfi', ke fùte wul i ntùm ze'te, ntùm ntàne, nummbe Tshùaben num njagte mba' num lèn tshen nà, ndaṅndaṅ mba bag na' ntshob bin, mbèn nkwé nta là.

Héber 10:31

A bwô nebwôg nevù ntùm mbu Nsi z'a be ntùn nà!

2 Pétro 2:4

Nummbe, a be ze Nsi na' mbe ke ko ndèn ba Angél tse bo ghù nukebwô, là ma' yub ntùm gheme, ntùm nkù njame, ndù bo béb netsho'te ntsha bwe là,

Apokalipse 14:7

a tshob nze neta ndù: Bin bwôg Nsi, mfà ghamte Nsi yi, nummbe ngelaṅ netsho'te ntsha i ku'u, bin ghamte mèn z'a na' nabte kamànyam, tsha'a, dibantse mba tumnsintse là.

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.

Apokalipse 20:14

Bo ma' vù mba ngô fe ben ntùm lagmbwôge; lagmbwôg b'a mbatte vù bàa.