Lukas 12:48 - NTSHOB NSI

⁴⁸ Là mèn z'a ke' lèn yen nekô là, nzin mat mb'a lo mbwô ndù bo tsham i nto' yàm nà, bo nsi tsham i à nda' metsili. Mèn ze bo fà yi yàm nà, bo nsi kwé yi yàme; mèn ze bo lé' yi yàm nà, bo nsi bèn bètt'é yi yàme.

Lukas 12:48 Iomraidhean Croise

Lévitiko 5:17

Ndùse mèn ghù nukebwô ke lèn num mo' ntshù' Tshùaben, ngù tshu ts'a ke' bwô neghù là, mb'a tù' ngafànnu, mbèn nket lèt mfànnu mi.

Nesiaṅe 15:27

A be ze nda' ta' mèn ntshù' bèn mfàn yen nu là, mfàn ke lèn nà, mb'a nsi lo' ta' mbwe tamngu' nèn yi num nele'te num nukebwô.

Matio 13:12

Nummbe mèn z'a ghù ju là, mba bo a' fà mo' yi, a ghù yàme; là mèn z'a ke' ghù là, mba bo a' kwé mba z'a ghù là.

Matio 23:14

Nge' num bin ghalèn ṅwa'ni Nsi mba ba Férésia ghamfùm, nummbe bin num nke nkwé jujù fôg bènnzwi, mbe tatte benntùn nke nde'te Nsi a sag. A ndùlala, bin a' se' ngwù ntsha z'a ntshùate là.]

Lukas 12:41

Pétro bètte, ntshob ndù: Tshùaben, o tshob yen tànkùt li à bag k'o tshob à mba tsemo' benntùn yub à?

Lukas 12:49

Me se' nema' à mbwôg ntùm njù, me tshwèt nekô ndù a kù ndende.

Lukas 16:2

A tsiaṅ i ntshob yi ndù: Me ke nju' bo ntshob num o à ndùke? Siaṅte njoṅ tshu fa ts'o num ndé' là, nummbe o ke bèn mbèn nke ndé' tshu.

Yohané 15:22

A lo mbe ndù me lo ke se', mbe ndù me lo ke tshob bo, mb'a be bo ke ghù nukebwô num bo, là ndonni latnta ke' be num nukebwô tshobe.

Mfa' Ghantum 17:30

Là Nsi lagte ngelaṅ femni; ndonni a tshwèt ntshob njoṅ benntùn fa ndù bo kaṅ ntù tshob ntùm njoṅ dù' fa.

Nebwôgte 25:2

A be z'a bwô ndù bo lab ngafànnu à nelab là, mba ngasa'kam nsi ghù a nô num tsha' bo lab i njoṅ ntshu shua' mi bo lab i yi l'a mbwe i. Bo nsi lab i nshua' à njoṅ z'a ku'ni num nu z'a fàn nà.

1 Timôtio 1:11

ndaṅndaṅ mb'a be ntùm nkùn mebwô nkuni, ze Nsi bwôntù na' mfà me là.

1 Timôtio 1:13

me ze me na' mb'a ngatshabte, ngatsho' nku kebàn, ngatshab ntshu là; là Nsi lo ko ndèn màm, nummbe me lo ghù yen n'a ke lèn, ngelaṅ me na' mbe ke yoṅ mbam nà.

1 Timôtio 6:20

O Timôtio, lem bu'u, tam tshô kebwô, tshô banban, ntsha zenu ze tatte mvèn o.

Titô 1:3

ko' ze ngelaṅ lo ku'u, a la'te ntshob mi ntùm netshob nkùn mebwô z'a na' mfà me ndaṅndaṅ mba Nsi ngayôg ben tshob là.

Yakobo 3:1

Fèt tshàm, kà bin be ghatswite yàme, bin lèn ndù bo nsi tsho'te be num bwe ntshùate,