Lukas 12:4 - NTSHOB NSI

⁴ Là me tshob bin tse bin b'a shun tshàm nà ndù: Kà bin bwôg ben tse bo num nzwi mbàb wut, là ke bèn nku' neghù mo' ju ntshùa yen nà là.

Lukas 12:4 Iomraidhean Croise

Tànkùt 29:25

O ke mbwôg benntùn mb'o nsi vù ntùm ywi', là mèn z'a num njab njoṅ i fa bu Tshùaben nà b'a ndàlem.

Nkwi Nkwi 5:1

Ménnshum bùnte ndù: Mfèl àm ze mènnzwi, nzwi àm ze me ka, me tsho ntùm nka' àm. Me kàb mire, ndo' mfèt nelamte. Me tshwèt njù sàm kub ṅwa' bo yàm ṅwa'a. Me tshwèt nu màm ndu' bo màm mbùn. Shun tshàm, bin jù, nu, mbum nkôni.

Nkwi Nkwi 5:16

Ntshu i dun mbétni, njoṅ wul i fa dun batte. Ngonngon Yérusalém, tshù mba nshun àm be là, tshù mba kôntù àm be là.

Esaya 41:8

Là, wù Israél, ngafa' àm, Yakob ze me na' ntsho' là, nzwit Abraham ze me na' nkô i là!

Yérémia 1:17

Mba wù là, taṅ kob so, ndo nsi ntshob ju ze me nsi tshob wù là bo. Kà vètte mbwe bo, mbwôg ndù kà me ghù o vètte mbwe bo.

Yérémia 1:8

Kà bwôg yube, nummbe bag wù bèn mbe, mbe ndù m'a' ke njôg o. Tshùaben bèn ntshobe.

Yérémia 41:18

Bo nèn ndùlala nke mbwôg à ba Kaldéa, nummbe Ismaél nshum Netania lo zwi Guedalia nshum Ashikam ze mfen Babilon na' njab i ngomna ntùm ngô là.

Ezékia 2:6

Wù mén mèn, kà bwôg yube, kà bwôg tshu bo tshob là, mba mb'o b'a netèt kwékwénàndô bo nka', nke ntswe à bin à nenya'tshum nà. Kà bwôg tshu bo tshob là, ke vètte mbwe bo, mba mba bo b'a tunndà ghatatu là.

Matio 10:28

Kà bin bwôg benntùn tse bo num nzwi wut, là ke ku'ni nezwi zwiag là, bin bwôg à mèn z'a ku'ni nebiagte zwiag mba wut ntùm mbwôg là.

Yohané 15:13

Sàm mèn ke' bèn ngù mo' nkôni ze ndùb ntshùa z'a be mb'a be mèn fà yôg se num tu shun tse là.

Mfa' Ghantum 20:24

Là yôg sàm ke b'a ju tanjoṅ num miag màm k'a ke nda' ndù me miagte nde mi me tshwèt nkù là, mbèn ngù ndù fa' se me na' nkwé Tshùaben Yésu là bumte; yen nà b'a ndù nekwé nta mfà num nkùn mebwô kondèn Nsi.

Mfa' Ghantum 4:13

Bo be yen mba Pétro mba Yohané tshob ke bwôg là, ntshàm neshu, nummbe bo lèn ndù bo b'a ba ntùm ngô, ke be ndù bo zi'te sàm ju. Bo lèn ndù boa Yésu lo be.

Filipi 1:28

kà bin bwôg ghakeban tsin num sàm ju, mba a' tswe à mba bo ke nta à ntàn bi là num yub tu, mbèn ntswe bin à mba bin b'a num manze yôg là; nummbe yen nà ke mfe à Nsi.

Yakobo 2:23

Ndùlala ju ze ṅwa'ni Nsi tshob là bumte ndù: Abraham lo bam Nsi, bo siaṅte yen nà yi mba nunetsin nà, bo lo tsiaṅ i nshun Nsi.

1 Pétro 3:14

Là, a be ze bin yen mba nge' num nunetsin nà, mba bin b'a ghafen. Kà bin bwôg yube, kà tu tsin tshu',

Apokalipse 2:10

Kà bwôg nge' ts'o nsi yen nà. Tshù, Satan nsi ma' tsemo' ben netèt bin ntùm ndàtsha, ndù laṅte se' bin; bin nsi yen nge' ntùm lé'njù gham. Be mèn nenùn tà nkum lé'njù vù, tu wul àm me nsi fà tshe' yôg wù.