Lukas 12:32 - NTSHOB NSI

³² Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Lukas 12:32 Iomraidhean Croise

Esaya 40:11

A nsi tshagte bwoṅ nyàm i mba ngabéb mbwe là; a nsi ket njùmbwe num ndaṅ bu i, kab yub ndàntù i. A nsi tshagte mbwe tse bo tshwèt nyô bon nà.

Esaya 41:14

Kà bwôg me fenyu' nzwit Yakob, me fikèt tshé' Israél z'a tù'ù, me tshwèt nse' ywimt'o. Tshùaben Mèn Nelàn Israél, Ngatshu' o bèn ntshobe.

Esaya 53:6

Be na' mb'a tshakendà mba njùmbwe là. Mba we lo na' nke mbwe à ze manze. Tshùaben lo ghù mfànnu njoṅ be fa tsho tu i.

Yérémia 3:19

Me lo ke ntshob ndù: A ke lèn dù' mebwô ze me nsi fà wù netèt bon tshàm à! A ke lèn mebwô tsha', ke lèn ntsi' ntùn mi me nsi fà wù netèt ngôngô à! Me lo ke ntshob ndù: O nsi tsiaṅ àm ndù tàan! Ke bèn ntam àm mvèn o.

Matio 14:27

là Yésu tshob bo ndende ndù: Bin fèn ntù, a b'a me, kà bin bwôg!

Matio 20:16

Ndùlala ba njam nsi tù' ba mbwe, ba mbwe bèn ntù' ba njam.

Matio 25:34

Mfen nsi tshob ben tse bo be num bag bu i ze zwim nà ndù: Bin se'e, bin ghambotni Tàa, njù nufen se bo na' nabte bin fe ngelaṅ nenabte njù be là;

Matio 7:15

Bin bam nà num ghatshob ntshob Nsi tse tatte tse bo be nse' mbaṅ bin ndù bo ma' ngub njùmbwe num bo, là ntùm bwe, bo b'a nzwimàntô tse bo be mfèt bon mbwe là.

Lukas 10:21

Be num yen ngelaṅ nà, Ywèt Nelàn ghù Yésu dun tsiaṅte, ntshob ndù: Me nyàmt'o me Tà, Tshùaben kamànyam mba nsitsha', wù z'o lem tshen nu li num miag ghazenu boa ben neta, nda't'a be nda' bônke' là. A b'a ndùlala me Tà, nummbe o yen ntùm yu nekô ndù à bwô ndùlala.

Yohané 18:36

Yésu bùnte ndù: Yàm nufen ke b'a ze ntùm yen njù li, yàm nufen lo mb'a ze ntùm yen njù li mba ghafa' tshàm ma' ntsho ndù kà bo fà àm ba Yuda; là ndonni yàm nufen ke b'a ze mànsi.

Mfa' Ghantum 20:28

Bin lôte tu wut tsin mba bwoṅ njùmbwe ze Ywèt Nelàn yab zin ghalôte netèt bwe num nebéb ntse'te ben Nsi z'a na' ndo' à be kua' lem tse ntse'te yi là.

Mfa' Ghantum 20:29

Me lèn ndù ngelaṅ me nsi nèn nà, ba tshùagkèt ngwayit nsi se' mbaṅ bin, mbagte bwoṅ njùmbwe;

Roma 6:23

Nummbe nkàbfa' nukebwô b'a vù, là ju kondèn Nsi b'a yôg matmat njam Kristô Yésu Tshùaben be.

1 Korintô 1:21

Là mba njù be ke tshùa num zenu ndèn Nsi ntùm zenu Nsi là, Nsi lo yen ndù a bwô netshùa num nu bà z'a b'a ntshob fanta'tù là, njôg ben tse bo nsi bam nà.

Filipi 2:13

Nummbe Nsi b'a mèn z'a num mfà nekô mba neghù netèt bin mb'a bwô i là.

2 Tésalônikà 1:11

A num ndùlala, bag num nde'te Nsi njoṅ ndù fa num tu bin, ndù Nsi be ghù bin ku'ni num netsiaṅ i, ngù zin nekô neghù numebwô mba fa' bamntù sin bumte ntùm neta;

2 Tésalônikà 1:5

A b'a lèn netsho'te ntsha Nsi ze netsine, z'a nsi ghù bo yen ndù bin ku'ni num nufen Nsi ze bin tshwèt njen nge' num bwe là.

Héber 12:28

Ndùlala, mba be kwé nufen z'a ke' be nyi'te là, bag à bin tshùb yen kondèn nà, mfa' fa' Nsi ntùm nebwôg i mba ntùm nku'ni, mb'a bwô i là.

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

2 Pétro 1:11

Ndùlala, bo nsi te nzendà nufen z'a tswe yoṅ ntshù' là nge mba bin, nufen Tshùaben be, mba ngayôg be Yésu Kristô.

Apokalipse 1:6

ngù be tù' tun fen, ntù' ghale'te Nsi num Nsi i mba Tà, ghamte mba neta be yi ngu'ngu'. Amén.

Apokalipse 22:5

Tèttswe' ke nsi bèn be, nka' lambo ke nsi ywimte yub mo' ju, nummbe Tshùaben Nsi nsi ké' num bo, bo nsi tô num ngu'ngu'.