Lukas 12:22 - NTSHOB NSI

²² A bèn ntshob ghazi'te nu i ndù: A b'a ju z'a ghù kà me tshob bin ndù: Kà bin lab wut tsin num yôg sine, num ju ze bin jù là, num ju ze bin ma' num bin nà.

Lukas 12:22 Iomraidhean Croise

Lukas 12:11

Ngelaṅ bo nsi lo' zin nèn yi ntùm ba sinagogue, mbwe ghatsho'te ntsha, ke mbwe ghatô ngô lo là, kà bin lab wut tsin mfà num nu ze bin tshob kà kwé wut tsin yi, mba mat ze bin tshob yi là.

Lukas 12:23

Yôg tanjoṅ ntshùa jujù, wut bèn ntanjoṅ ntshùa nzwe.

Lukas 12:29

Kà bin ke ndiag ju ze bin nsi jù là, mba ju ze bin nsi nu là; kà bin ghùtni wut tsin num tshen tshu là.

1 Korintô 7:32

Me kô ndù bin tswe ke lab wut. Mèn z'a ke' nandà là num ndab wut num tshu Tshùaben, nke ndiag nebwô Tshùaben.

Filipi 4:6

Kà bin nywin num sàm ju, là njoṅ ngelaṅ fa, bin tshùa njam le'te Nsi, le'te boa neghamte ntshob tshu ts'a bwoṅ bin nà Nsi.

Héber 13:5

Kà nkôni nkàb tô nkwate zin, là bin tsiaṅte num ju ze bin ghù là, nummbe tu wut Nsi tshob ndù: Me ke nsi faṅ o, me ke nsi ghua' o.