Lukas 12:21 - NTSHOB NSI

²¹ A nsi se' b'a be ndaṅndaṅ num mèn z'a be ntse'te nkàb num tu wul i, ke be ngankàb num miag Nsi là.

Lukas 12:21 Iomraidhean Croise

Tànkùt 13:7

Mo' mèn be ndo' wul i mba ngankàb là, ndù ju ke nsi, mo' lo' wul i mba mbwoṅ nà, là ndù a ghù yàme.

ṄWA'NI OSÉ 10:1

Israél na' mb'a nkùa netshùme. A lo ke njam ntàm yàme. Ndaṅndaṅ mb'a ke ntshùm yàm nà, b'a ndaṅndaṅ mba bo ke nkwi'te ntômbwôg nele'te Nsi yi là. Ndaṅndaṅ mba ngô yub ke nsin nà b'a ndaṅndaṅ mba bo ke nabte neto a bwô là.

Habakuk 2:9

Nge' tu mèn z'a be ntse'te nkàbfa' kebwô num tunndà i, ndù a te ze nkàn, dù'ntswe dù' ṅaṅa, ndù kà nge' kab mbu num i là!

Lukas 12:33

Bin swèn njoṅ tshu tsin fa, njwimte bwoṅbwoṅ yi. Bin ghù mbàm mi a ke' be ywèn nà, ngù nkàb tanjoṅ z'a ke' be mi là mfe kamànyam, dù' ze tshô ke' ku'ni neyi, dù' ze mbé' ke' ku' nebagte là.

Lukas 16:11

A be ze bin ke' be ben nenùn num nkàb ts'a ke' tsin nà, mba we z'a nsi lé' kua' nkàb ts'a be tse nenùn nà bin à?

Lukas 6:24

Là nge' num bin ghankàb, nummbe bin à ghù zin fite ntù.

Roma 2:5

Là, a tshùa num sagntù o mba mb'o ke' kô nekaṅ ntù o là, o tse'te yantù num o, num lé'njù yantù ze netsho'te ntsha Nsi ze netsin nsi tswite wul i là.

2 Korintô 6:10

mba ben nenywin nà, là ndù bag num ntsiaṅte njoṅ ngelaṅ fa; mba bwoṅbwoṅ nà, là ndù bag nabte ghankàb yàme, mba ben tse bo ke' ghù sàm ju là, là ndù bag ghù njoṅ tshu fa.

1 Timôtio 6:9

Ben tse bo kô netù' ghankàb là num ngwù ntùm laṅte, ntùm ywi' mba ntùm ghe'te yàme, ghe'te kagni.

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

Apokalipse 2:9

Me lèn nge' o mba bwoṅ o, là, o b'a ngafu'; me lèn tshabte ben tse bo num ntsiaṅ wut tshob ba Yuda, ke b'a yi là, là bo b'a sinagogue Satan.