Lukas 12:19 - NTSHOB NSI

¹⁹ ntshob ntù àm ndù: Ntù àm! O ghù tshu ts'o lé' num ngu'njù yàm nà yàme, fite wul o, njù, nu, mbèn ntsiaṅte tsho.

Lukas 12:19 Iomraidhean Croise

ṄWA'NI YOB 14:1

Mènntùn ze mènnzwi bwe i là, lé'njù yôg tse kag; là yôg se b'a be ntùm nge' ke faṅ lé'njù.

Yobkwi 49:18

Nummb'a be mbe kwù ke lo' sàm ju nèn yi. Tshunkàb tse ke' be tam njam i.

Yobkwi 62:10

Bon mèn nyiaṅtu b'a ju banban! Bon mèn nyiaṅtu b'a ghatatte. Bo ghù netamte njoṅ yub fa nko' num kilô, mfùag ntshùa ywèt ntshu mèn.

Tànkùt 10:2

Tshunkàb tshùagntù ke' be la' bàm mèn. Là nunetsin be ntshu' mèn bu vùkob.

Tànkùt 14:24

Nkàb be ghazenu à mba ta' kétmbùm nà, bà be nkagni à be bà njoṅ ndù fa.

Tànkùt 18:11

Fu' ngaju ke mbe num miag mi à mba se tusô s'a kut ntsham ntsiag là; a be ntùm mi nkwat'a mba ta' kàbngô z'a nèn tù neshu là.

Tànkùt 23:5

O be nte lag so bwe, a ke bèn mbe nummb'a ghù mbàb mi! A be mfùt ndaṅndaṅ mba sa'mbu' be mfùt nèn kamànyam nà.

Tànkùt 27:1

Kà ka'te num nu ndamnjù nummb'o ke' lèn mba sènni lo' be yi là.

Nzenu 11:9

Ke ntsiaṅte me ménnshum ngelaṅ z'o ke' mônke' là, a bwô ndù ntù o ghù fen ngelaṅ z'o ke' nguanmèn nà. Ke nzin num manze ze ntù o la'te wù là, ndaṅndaṅ mb'o lo' miag mu njen yi là. Nda' ndù o mbe ghù njoṅ i fa o kwimte ndù Nsi a' ghù ntsho'te ntsha o num njoṅ i fa.

Nzenu 2:24

Ju mebwô num mènntùn nyiaṅtu b'a mbe a jù mbèn nu, nzwi'te fu' fa' se. Me yen yàm mbe njoṅ tshen nà fa ke mfe à Nsi.

Esaya 22:13

Tshù ṅwate bo tsiaṅte li! Bo watte ba nyàmna', nzwite mbwe. Bo tshwèt mfèt mbàb, nke nu ndu': Bag bin jù mbèn nu, nummbe bag à bin nsi kwù ndamnjù.

Esaya 5:11

Nge' tu ben tse bo be ndiag ndu' mà nkebnjù, njôg nu tà nkum tèttswe', mbum tshob là.

Esaya 5:8

Nge' tu ben tse bo be nkwi'te ba' num ba', nke nkwi'te nà num nà, num nelo' ndo' dù' yi fa, nke ntswe tù' bo netèt ngô là.

Esaya 56:12

Bin se'e, m'a' nèn diag ndu'. Be nsi nu neta ndu'! Be nsi ghù à be ndaṅndaṅ mba ndamnjù, bèn ghù tshùate.

ṄWA'NI OSÉ 12:8

Ndaṅndaṅ mba ba Kanaan nà, Efraim b'a ntàntàn z'a ghù nkilô mi fùte mum mbu mi là. A be nkô netatte.

Amos 6:13

Bin be ntsiaṅte num ju banban, nke ntshob ndù: A ke yag neta bèn ngù kà bag ntù' ben ndùbndùb ké?

Habakuk 1:16

A ndùlala a be mfà jule'te Nsi mbunjà i, nton tshu nelamte dua' se, nummb'a be ntshùa njam bo ze bag i tsho nyàm, ze jujù lamte.

Lukas 12:18

A tshob ndù: Tshù ju me nsi ghù li: M'a' kam njoṅ tshàm nta fa, nkaṅ nkut tse ndùbndùb yi, ntse'te njoṅ nsa màm mba njoṅ tshu tshàm fa ntùm bwe;

Lukas 16:19

Mo' ngankàb lo be bwe, nke ma' nzwe mebwô, nabte wul i njoṅ ngelaṅ fa, mbèn nke njôg ntùm tsiaṅte njoṅ lé'njù fa.

Lukas 21:34

Là bin bam nà num tu wut tsine, mbwôg ndù kà ntù tsin bot ntùm nejù yàme, ntùm nebum ndu', ntùm nelab wut num yôg sin ntùm yen njù li, mba ndù kà sen lé'njù là be ṅwag num bin, bin ke lèn.

1 Korintô 15:32

A be ze bag à ba nyàm na' nzwe mà Efésô à num ze mat mènntùn nà, mb'a nsi ywimt'àm ke? A be ze fe ben ke bam num vù là, bag à bin jù mbèn nu, nummbe bag à bin nsi kwù ndamnjù.

Filipi 3:19

yub miagt'é b'a nebi, yub Nsi b'a bam sobe, ghamte yub be ntùm ju tuswe yube, bo ke nkwat'a tshu nsitsha'a.

1 Timôtio 5:6

Là yen nà z'a be njôg ntùm ngùa là b'a mèn nekwù, mba mb'a ke' ntùn nà.

1 Timôtio 6:17

Tshob ghankàb tse yen njù li ndù kà bo ko'te nkwatenu mube, ke ke nywinte num nkàb z'a ku'ni nebi là, là, a bwô bo nywinte num Nsi z'a num mfà njoṅ i fa ntshùate, ndù be tsiaṅte là;

2 Timôtio 3:4

ghaghù ndàm, ghavôgte, ben tse ko'tewut ma' fù miag bo là, ghakô ngùa ntshùa Nsi,

Yakobo 5:5

Bin lo yôg mebwô num nsitsha'a, mbagte ke kwate, bin lo yôg ntùm yôg ngùa, bin lo kém ntù tsin ntùm lé'njù nezwite.

1 Pétro 4:3

Nummbe, a lo be mbwe, bin nke ngù ze nekô ghakelèn Nsi, yen ngelaṅ nà ze bin na' nke nzin ntùm ngùa, ghe'te, nebum ndu', nejù yàme, nenu yàme, ṅu'u, neghamte nsi neto là, yen ngelaṅ nà ku'u!

Apokalipse 18:7

Ndaṅndaṅ mb'a na' nkuni wul i, ngua' wul i ntùm yôg ngùa là, be ndaṅndaṅ bin fà ngùtni mba ntsenyà yi, nummbe a num ntshob ntùm ntù i ndù: Me tswe nsi mba màmfen nà, me ke b'a mfôge, me ke nsi tswe ntsenyà.

1 Samuél 30:16

Ndùlal'a tshagt'é nze. Ba Amalék lo kab tshwèt, nke njù, nu, nke nyiaṅe, nummbe ntsha' yàm tse bo ket ntùm ngô Filistia bo ngô Yuda là.