Lukas 12:17 - NTSHOB NSI

¹⁷ A kwate tu i, ntshob ndù: M'a' ghù à ndùke? Nummbe me ke' ghù dù' neyab tshu tshàm bwe.

Lukas 12:17 Iomraidhean Croise

Nzenu 11:2

Fà mo' bag tshu tsho ben sammbàa ke ben fome lo, nummbe o ke' lèn nge' z'a nsi tum ntùm njù là.

Esaya 58:7

A b'a ndù mèn ghabte ze jujù bo mèn nziku' ya i là, njab njennge' z'a ke' ghù dù' nezi là ndà, ma' nzwe num mèn z'a be tunntôg là, ke lo' mvèn o ntam mfèl o yi.

Matio 16:7

Bo kwate ntùm ntù tshob ndù: A b'a nummbe be ke' lo' bàn.

Matio 5:42

Mèn z'a lon ju wù là, o fà yi; ke kaṅ wul o mbwe mèn z'a tshwèt ndiag ndù o tshwé' ju yi là.

Lukas 10:25

Tshù, mo' ngalèn ntshù' Nsi se' num nelaṅte Yésu ntshob ndù: Ngatswite, m'a' ghù à ke, kà ngù yàm bag i ntùm yôg matmat là?

Lukas 11:41

Bin bwôgmbwe mfà tshu ts'a be ntùm bwe là num ywimte, mba bin nsi tù' kua' ben nelàne.

Lukas 12:16

A tshob mo' tànkùt bo ntshob ndù: Nà mo' ngankàb lo fà tshu yàme.

Lukas 12:18

A tshob ndù: Tshù ju me nsi ghù li: M'a' kam njoṅ tshàm nta fa, nkaṅ nkut tse ndùbndùb yi, ntse'te njoṅ nsa màm mba njoṅ tshu tshàm fa ntùm bwe;

Lukas 12:22

A bèn ntshob ghazi'te nu i ndù: A b'a ju z'a ghù kà me tshob bin ndù: Kà bin lab wut tsin num yôg sine, num ju ze bin jù là, num ju ze bin ma' num bin nà.

Lukas 12:29

Kà bin ke ndiag ju ze bin nsi jù là, mba ju ze bin nsi nu là; kà bin ghùtni wut tsin num tshen tshu là.

Lukas 12:33

Bin swèn njoṅ tshu tsin fa, njwimte bwoṅbwoṅ yi. Bin ghù mbàm mi a ke' be ywèn nà, ngù nkàb tanjoṅ z'a ke' be mi là mfe kamànyam, dù' ze tshô ke' ku'ni neyi, dù' ze mbé' ke' ku' nebagte là.

Lukas 16:3

Yen ngalé' tshu li tshob ntùm ntù i ndù: M'a' ghù tshàm à ndùke, mba tàfa' àm tshwèt nsô àm ntùm nelé' tshu l'à? Nedù' nà ké? Me ke' ghù neta. Nelon ndon ké? Mba tuswe a' ko àm.

Lukas 16:9

Tu wul àm, me tshob bin ndù: Bin lo' nkàb z'a ke' tsin nà nka shun yi ndù ngelaṅ z'a nsi bwoṅ bin nà, bo lo' zin ntùm ndà ts'a num ntswe yoṅ ntshù' là.

Lukas 18:22

Yésu be ju' mb'a tshob là, ntshob yi ndù: Ta' ju bèn mbwoṅ wù ntshù'. Swèn njoṅ tshu fa ts'o ghù là, mfà nkàb bwoṅbwoṅ, o nsi se' ghù junkàb tanjoṅ mfe kamànyam; mbèn nse' ntam njam àm.

Lukas 19:17

A tshob yi ndù: A bwô me ngafa' ze mebwô, mb'o be mèn nenùn num metsit nu là, o nsi ke tô ngô gham.

Lukas 3:11

A bùnte ntshob bo ndù: Mènntùn z'a ghù nzwe bàa là, ghabte bo mèn z'a ke' ghù là; mènntùn z'a ghù jujù là bèn ngù be ndaṅndaṅ.

Mfa' Ghantum 16:30

ngù bo tum, a tshob bo ndù: Tà tshàm, ke z'a bwô ndù me ghù kà njôg à?

Mfa' Ghantum 2:37

Bo be ju' men ntshob li a kwag yub tà ntùm ntù tshobe; bo tshob Pétro mba tsemo' ghantum ndù: Fèt tshag, bag nsi ghù à ndùke?

Roma 12:13

Bin tomte ben nelàn ntùm bwoṅ; bin ke nkù ntù nelo' ba ghùn.

1 Timôtio 6:17

Tshob ghankàb tse yen njù li ndù kà bo ko'te nkwatenu mube, ke ke nywinte num nkàb z'a ku'ni nebi là, là, a bwô bo nywinte num Nsi z'a num mfà njoṅ i fa ntshùate, ndù be tsiaṅte là;

1 Yohané 3:16

Yen nà lo ghù bag à bin lèn nkôni, ndù yen mèn nà lo fà yôg se num tu be. A bwô ndù mba be fà yôg be num tu fètfèle.