Lukas 12:15 - NTSHOB NSI

¹⁵ A bèn ntshob bo ndù: Bin bamnà, nzete num ze'te, nummbe yôg mènntùn ke' yé't'a num tshu tse, a be z'a ghù a yàm mba neyàm nà.

Lukas 12:15 Iomraidhean Croise

1 Fenfen 2:40

Shimei lo nsi, nabte kekwèn i, nèn Gat diag ghafa' tse ju Akish. Ndùlala Shimei nèn Gat, ndo' ghafa' tse bwe mfe yi.

ṄWA'NI YOB 2:4

Satan bùnte Tshùaben ndù: Kua' tu mèn ta njoṅ yi neshu! Mèn ghù nefà mba ke lo z'a ghù là num yôg se.

Yobkwi 10:3

Nummbe tshùagkèt mèn num nyàmte wul i num ju z'a num nge'te là. Nke ntshob ndù: Nsi ke bwe, tshù mi nkwate là.

Yobkwi 37:16

Mebwô b'a metsit ju ze mèn netsin ghù là, ntshùa fu' se ghatshùagntù yàm be ntùm bwe là.

Yobkwi 62:10

Bon mèn nyiaṅtu b'a ju banban! Bon mèn nyiaṅtu b'a ghatatte. Bo ghù netamte njoṅ yub fa nko' num kilô, mfùag ntshùa ywèt ntshu mèn.

Tànkùt 15:16

Mebwô b'a neghù a kag, o nke mbwôg Tshùaben, ntshùa neghù tshunkàb yàme, nke nywine.

Tànkùt 16:16

Mebwô b'a neghù zenu ntshùa gol, nezete bèn mbwô ntshùa silba.

Tànkùt 28:16

Ta' nkam z'a ke' ghù nesiaṅte là num ma'ni benntùn ke ghù ndù i, là mèn z'a num mbàn bin ntàn mfùm nà be nkwi'te lé'njù tse.

Yérémia 6:13

Nummbe njoṅ yub fa num ntshàm ntù num nejù bin, neto' num mônke' tà nkum num ndùb. Neto' num ghatshob ntshob Nsi tà nkum num ngale'te, njoṅ yub fa be ntatte.

Ezékia 33:31

Bo be ntshob ndùlala, nkù nde nse' mbaṅ o, ntswete nsi mbwe o, nju' ju z'o tshob là, là ke yôg nke nze. Tatte num ntshu bo, bo ke ndiag a nda' yub bin.

Mika 2:2

Bo be nge'te nà, ndo' njoṅ i fa, nge'te mba' nkab mbu bwe, bo be mfètte lem ta' mèn mba tunndà i nsi, bo be nge'te ta' mèn mba ntsi' mi.

Habakuk 2:9

Nge' tu mèn z'a be ntse'te nkàbfa' kebwô num tunndà i, ndù a te ze nkàn, dù'ntswe dù' ṅaṅa, ndù kà nge' kab mbu num i là!

Marko 7:22

neghù màndà, ze'te, netshùage, fùte, nekô yôg ngùa, miag ghe'te, tshabte, ko'tewut, zwiaṅte.

Lukas 12:16

A tshob mo' tànkùt bo ntshob ndù: Nà mo' ngankàb lo fà tshu yàme.

Lukas 16:14

Ba Férésia tse bo ke nkô nkàb là be ju' men ntshob li, ntshabte Yésu.

Lukas 21:34

Là bin bam nà num tu wut tsine, mbwôg ndù kà ntù tsin bot ntùm nejù yàme, ntùm nebum ndu', ntùm nelab wut num yôg sin ntùm yen njù li, mba ndù kà sen lé'njù là be ṅwag num bin, bin ke lèn.

Lukas 8:14

Nsa mi a vù dù' ngumndot là b'a benntùn tse bo ju' ntshob Nsi, là nelab wut, nu neghù tshu yàm se', mfam yub num manze, bo ke yam sàm tàm nà.

1 Korintô 6:10

ke ba tshô, ke ghaghe'te, ke ghabum ndu', ke ghaso ndon, ke fimntshu lo ke nsi ghù yub bag i ntùm nufen Nsi.

Kolosé 3:5

Ndùlala bin ghù nkam wut kwù num tshu ts'a be tse nsitsha' là: Nekale, yôg ṅu'u, ghe'te mbàb wut, ghe'te kebwô, ze'te z'a b'a neghamte nsi neto là;

2 Timôtio 3:2

Nummbe benntùn nsi be ghaghe'e, ghakô nkàb, ghata'nsoṅe, ghako'tewut, ghatshabte, ghatatu, mbwe tà tshob mba mà tshobe, ghakelèn numebwô, ghawag Nsi,

Héber 13:5

Kà nkôni nkàb tô nkwate zin, là bin tsiaṅte num ju ze bin ghù là, nummbe tu wut Nsi tshob ndù: Me ke nsi faṅ o, me ke nsi ghua' o.

Yoshua 7:21

Me lo yen mo' kummbaṅ mebwô ntùm ntsha', lèn s'a fe Shinear là, boa ndô nkàb silba nkù bàa, ta' tu' gol nguan ndô nkàb ṅam ntàn. Me lo ghe'te tshen tshu là ndo'o. Me lem tshen tshu là ntùm tsha' tètndà àm netèt ntàb àm, silba b'a bam kummbaṅ.

2 Pétro 2:14

miag mub dun nu màndà, bo ke' be bot neghù nukebwô, bo num nsoṅte ben tse bo ke' ghù tànntù là; bo ghù ntù z'a zi'te neze'te là, bo b'a bon ndon.

2 Pétro 2:3

Ntùm ze'te bo nsi tshùa njam ntshob tatte lo' zin ta ntàn yi; netsho'te ntsha z'a nsi vù num bo là tshwèt nse'e, yub nebi ke' zi miaglo.