Lukas 11:9 - NTSHOB NSI

⁹ Mba me là, me tshob bin ndù: Bin lone, bo a' fà bin; bin diage, bin a' fon; bin ke'te, bo a' tsho' bin.

Lukas 11:9 Iomraidhean Croise

Yobkwi 118:5

Me lo tsin ntùm nge' àm ntsiaṅ Tshùaben; a bùnte me, ngù me ta'te nku màm.

Yobkwi 27:4

Me be mbètte Tshùaben ta' ju ntshù', ze ntù àm be nkù bwe neshu là: Me be nkô neke ntswe ntùm ndà Tshùaben njoṅ lé'njù yôg sàm fa, ndùlala ndù me lôte bwôntù Tshùaben mba ndù me nyàmte ndà i.

Yobkwi 27:8

Ntù àm be ntshob num yu tu ndù: Diag se Tshùaben! Me be ndiag se o me Tshùaben.

Yobkwi 34:10

Bin bwôg Tshùaben, bin ben tse tse nelàne, nummbe ju ke' be bwoṅ ben tse bo be mbwôg i là.

Yobkwi 34:4

Bag bin ghamte Tshùaben! Bag bin ghamte lén se njoṅ be fa.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Nkwi Nkwi 5:6

Me lo ghab nzendà nshun àm; là njen ndù nshun àm nène, njen ndù a bi nsi. Ndùs'a ke ntshob me là, wul àm ke bèn mb'a bu àm. Me lo diag i, là ke fon i. Me lo tsiaṅ i, là a ke bùnte me.

Esaya 45:19

Me lo ke tshob à ntùm nelemte, ntùm dù' njam num nsitsha'a; me lo ke tshob nzwit Yakob ndù: Bin diag àm à banban! Me Tshùaben ke ntshob à nenùne, me ke ntshob à nu ndaṅndaṅ.

Yérémia 29:12

Bin nsi tsiaṅ lén sàm, bin nsi se' le't'àm, me bam le'te zin;

Yérémia 33:3

Bin tsiaṅ lén sàm, me nsi bùnte; me nsi soṅ tshu ndùbndùb, tshu ts'a lemte là, ts'o ke' lèn nà.

Daniel 9:3

Me kaṅ wul àm ndôte Tshùaben Nsi, ndù me le't'é, ma' mbu yi ntùm netswe nziku'u, netôg nke'bàm bo nese' bwembwôge.

Matio 21:22

Njoṅ tshu fa tse bin num ndon ntùm nele'te Nsi ntùm bamntù là, bin nsi kwé.

Matio 21:31

Netèt bo bàa, we z'a ghù ze nekô tàab à? Bo tshob ndù: Mbwe i. Yésu tshob bo ndù: Kua' nenùne, me tshob bin ndù: Ghakwéfé' mba ba kattù bènnzwi nsi kwé mbwe bin ntùm nufen Nsi.

Matio 6:29

Mba ndùlala me tshob bin ndù mba Salomon ntùm nkuni mi fa, lo ke ket nzwe mba ta' i netèt bo là.

Marko 11:24

A ndùlala, me tshob bin ndù: Njoṅ tshu fa tse bin num ndon ntùm nele'te Nsi là, bin bam ndù bin a' kwé, mb'a nsi be be ndaṅndaṅ num bin.

Marko 13:37

Ju ze me tshob bin nà, me num ntshob njoṅ benntùn fa: Bin zi tshùalo!

Lukas 11:10

Nummbe mèn z'a lon nà, mb'a' kwé; mèn z'a diag là, mb'a' fon; mèn z'a ke'te là, bo a' tsho' yi.

Yohané 14:13

Mba ke lo ze bin nsi bètt'a num lén sàm nà, me nsi ghù yen nà, ndùlala ndù nkuni Nsi tswite wul i num Mén.

Yohané 15:16

A ke b'a bin na' mbèn ntsho' àm, là, a b'a me na' mbèn ntsho' zine, mbèn njab zine, ndù bin nène, mba ndù bin yam ntàme, mba ndù ntàm min bèn ntswe, ndùlala ndù mba ke lo ze bin nsi bètte Tà num lén sàm nà, a fà bin.

Yohané 15:7

A be ze bin ghô num àm, ntshob màm ghô num bin nà, bin bètte mba ke lo bin kô là, mba bin nsi kwé.

Yohané 4:10

Yésu bùnte ntshob yi ndù: O lo ndèn ju ze Nsi num mfà là, mbèn ndèn mèn z'a tshwèt ntshob wù ndù: Fà mén ntse me, me nu là, kà mbu' mbu yi yu tu, mb'a fà ntse yôg wù.

Roma 2:7

A nsi fà yôg matmat ben tse bo num nkagtùn ntùm mfa' mebwô, nke ndiag ghamte, nku'ni mba nebe ke kwù là;

2 Korintô 6:2

Nummbe a tshob ndù: Me lo ju' o num ngelaṅ z'a ku'ni là, me lo ywimt'o mum lé'njù yôg. Tshù, ndonni b'a ngelaṅ z'a ku'ni là; tshù, ndonni b'a lé'njù yôg!

Héber 11:6

Là bamntù be ke be, mèn ke ku'ni nebwô Nsi. Nummbe a bwô ndù mèn z'a tshwèt ngebte mbaṅ Nsi là bam ndù Nsi num bwe, mba ndù Nsi b'a mèn z'a tshwèt ngebte mbaṅ Nsi là bam ndù Nsi num bwe, mba ndù Nsi b'a mèn z'a num mfà ntsho'fa' ben tse bo num ndiag i là.

Héber 4:16

Ndùlala, bag à bin fèn ntù nèn mbaṅ ko'fen kondèn, ndùlala ndù bag à bin kwé nkôni, njen kondèn z'a nsi ywimte be ngelaṅ z'a ku' là.

Yakobo 1:5

A be ze mo' mèn netèt bin bwoṅ zenu là, a bètte Nsi z'a be mfà njoṅ benntùn fa banban, ke kwate là, a nsi fà yi.

Yakobo 5:15

Le'te Nsi bamntù nsi yôg ngangokèt, Tshùaben bù' i nsi. A be z'a na' ngù nukebwô là, mba bo nsi lagte yi.

1 Yohané 3:22

mba ke lo ze be bètte yi là, mba be nsi kwé yi; nummbe bag à bin num nze ntshù' mi, nke ngù tshu ts'a bwô i là.

Apokalipse 2:24

Là, bin benkristô, tse bin Tiatira, tse bin ke' ghù yen netswite là, ke lèn tsham Satan, mba bo num ntshob là , me tshob bin ndù, Me ke' te lèt num bin.