Lukas 11:54 - NTSHOB NSI

⁵⁴ nke ndù' nkùnkù, ndiag neghom i ntùm ntshob mi a tum ntshu i là.

Lukas 11:54 Iomraidhean Croise

2 Fenfen 5:7

Ndùse mfen Israél miagte nesiaṅ ṅwa'ni là, a fagte nzwe tse ntshob ndù: Me b'a Nsi z'a ke nzwi mèn mbèn mbam i là ké k'a nke ntshob ndù me yate nkin num mèn à? A bwô bin lèn ndù a ke ndiag a nze kam àm ntanta.

Matio 22:15

Ba Férésia tum, nèn ngù ntse'te ndù bo lo' ta' ntshob mbùn i yi,

Matio 22:18

Là Yésu lèn nukebwô yub ntshob ndù: Ghamfùm, bin laṅt'àm numke?

Matio 22:35

mo' ngalèn ntshù' Nsi netèt bo laṅte Yésu mbètt'é ndù:

Marko 12:13

Bo tum tsemo' ba Férésia mba ben Hèrodé mbaṅ i ndù bo lo' ta' ntshob mbùn i yi.

Marko 3:2

Bo nke nte miag num Yésu num neyen a be z'a yate mèn lé' Sabbat là, bo tshùa bwe kà mbot'é.

Lukas 11:53

Ngelaṅ Yésu tum yen dù' là là, ghalèn ṅwa'ni Nsi mba ba Férésia to' neghùtni i, mbètt'é nu yàme, num bon nzenze nu yàme;

Lukas 20:20

Bo to' netom Yésu, mbèn ntum ba ntom yi. Tshen ben ni nke ngù mba bo b'a ben netsin nà, nke ndiag netshùa num ta' ntshob Yésu kà ntshùb i, mfà ghatô ngô, mba bu ngomna.

Lukas 20:26

Bo ke ku'ni nelo' ntshob mi mbùn i yi mbwe benntùn; njoṅ yub fa tshàm num ze nebùnte, mi ntswe.

Mfa' Ghantum 23:21

Là bam nà neju' ntshu yube! Ben ṅam nkuà kà ntôg netèt bo bùn i ywi', bo kàn mfe num tu wut tshob ndù ndon tsho tu bo, a be ze bo jù mbèn nu ke be ndù bo zwi Paulo là; bo à nabte njoṅ nu fa, bo ke ntù' béb, a be z'o bam nà.