Lukas 11:42 - NTSHOB NSI

⁴² Là nge' num bin ba Férésia, nummbe bin be ndo' netshime, ntàmndoṅe, ywitngon, ngabt'é nze gham, mfà ta' bag i ghale'te Nsi, là njôg ngwag nunetsine, mba nkôni Nsi. A lo bwô neke nze yen ni, ke bèn nengwag yen nà.

Lukas 11:42 Iomraidhean Croise

Néhémi 10:37

Mba ndù bag ke mfà tshag mbwe bàn, tshag tshu bwôntù, mag mbwe njoṅ ntàm njoṅ ntù fa, ndu', mfèt, ghale'te Nsi ntùm nto'ndà Ndà Nsi yag. Mba ndù bag ke mfà ta' bag ju ntshù' num tse gham, num mba ke lo z'a tum ntùm tsha' là ba Lévi. Bo nsi ke kwé tshen tshu là yub tu wut num njoṅ ntusô fa mi a be num tsha' tse bag dù' là.

Tànkùt 21:3

Tshùaben kô neghù nunetsin bo ze nenùn ntshùa tshule'te.

Nzenu 7:18

A bwô ndù o tshùb yen ju li, ke bam mbe bu o kag i, nummbe mèn z'a num mbwôg Nsi là a' ghù yen ju li mba yen ju là bumte.

Mika 6:8

Wù mènntùn, bo lo ghù o lèn ju z'a bwô là, ju ze Tshùaben be mbètte ndù o ghù là. Yen nà b'a ndù o ghù nunetsine, nke nkô nu kondèn, mbèn nke nzin ntùm mbétni bin Nsi o.

Malashi 1:6

Nshum be ngù nku'ni tàab, ngafa' ghù nku'ni tàfa' i. A be ze me b'a tà là, mba nku'ni z'a lo mbwô bin ghù me là yà? A be ze me b'a tàfa' là, mba bwôg z'a lo mbwô ndù bin bwôg àm yi là yà? Tshùaben tàndà ntsho tshob ghale'te Nsi ndù: Bin be ngwag lén sàm, nke ntshob ndù: Bag wag lén so à num zit nu à?

Malashi 2:17

Bin be ndo' ntshob min nkag bot yi num Tshùaben, nke ntshob ndù: Bag kag bot num i à num zit nu à? A b'a num mba bin be ntshob ndù: Mba we lo z'a ghù nukebwô là b'a mèn mebwô num miag Tshùaben, a ke nju' mebwô à num ng'é! Ke netshob ndù: Kà Nsi netsin b'a yà?

Malashi 3:8

Be mènntùn fùte Nsi ké? Nummbe bin be mfùt'àm, nke ntshob ndù: Bag fùt'o à num zit nu à? Mum bag tshu ntshù' num bag tse gham mba mum ba nda'.

Matio 23:13

Nge' num bin ghalèn ṅwa'ni Nsi mba ba Férésia ghamfùm, nummbe bin fùn nze nufen kamànyam mbwe benntùn, ke tsho bwe zin tu, ke bèn mbam ben tse bo kô netsho bwe là ndù bo tsho bwe. [

Matio 23:23

Nge' num bin ghalèn ṅwa'ni Nsi mba ba Férésia ghamfùm, nummbe bin be ndo' netshime, ntàmndoṅe, ywitngon, ngabte nze gham, mfà ta' bag i ghale'te Nsi, là njôg mfaṅ nu ntùn z'a be ntùm ntshù' là njam: Nunetsine, kondèn mba bamntù. A bwô neze yen ni ke faṅ yen nà njam.

Matio 23:27

Nge' num bin ghalèn ṅwa'ni Nsi mba ba Férésia ghamfùm, nummbe bin fut'a ntufi mi bo se' yub mbem nà: Bo num mbwô njam njù, là mbe ndù ntùm bwe dun mvôge, mba njoṅ tshu fa ts'a ke' làn nà.

Lukas 18:12

Me num nzi nziku' yoṅ bàa ntùm ta' ngabnjù; me num nga ngabte tshu tshàm fa nze gham, mfà bag i ntshù' num lén so.

Yohané 5:42

Là me lo lèn zine; bin ke' ghù nkôni Nsi ntùm ntù tsine.

1 Yohané 4:20

A be ze mèn tshob ndù: Me num nkô Nsi, là nke mbàn mfèl i là, mb'a b'a ngatatte. Nummbe mèn z'a ke' kô mfèl i z'a num njen nà, ke' ku'ni nekô Nsi z'a ke' be yen nà.

1 Samuél 15:22

Samuél tshob ndù: Tshùaben be nju' mebwô ndùse mèn ju' nz'é là ntshùa neton ba nyàm yi ke nefà tshule'te lo. Neju' ntshu bwô ntshùa jule'te, nefà wut nsi bwô ntshùa nzit ba njùmbwe.