Lukas 11:41 - NTSHOB NSI

⁴¹ Bin bwôgmbwe mfà tshu ts'a be ntùm bwe là num ywimte, mba bin nsi tù' kua' ben nelàne.

Lukas 11:41 Iomraidhean Croise

Yobkwi 112:9

A be nyit bu, a be mfà tshu ghayennge', ze nunetsin be ntswe matmat, neta i be nku' ntùm ghamte.

Yobkwi 41:1

Ntshagte yobkwi. Yobkwi David.

Tànkùt 14:31

Nefétte mbwoṅ b'a netute mèn z'a nabt'é là, là, o ko ndèn njennge' mb'o so nku'ni yi.

Tànkùt 16:6

Bo num ntshùa njam bwôntù bo nenùn mbiagte mfànnu, mèn be ntshùa njam nebwôg Tshùaben nkaṅ mvèn i ntam nukebwô yi.

Tànkùt 19:17

Mèn z'a ko ndèn mbwoṅ nà ke mfà ju à Tshùaben, a nsi ba' numebwô i yi num ju z'a ghù là.

Daniel 4:27

A ndùlala a bwô ndù mfen ju' men ntag màm ni mebwô. A bwô ndù o tsin neghù nukebwô, ngù nunetsine, ntsin nefàn nu, ngù kondèn num ghayennge'; ndù so fu' zin nèn mbwe.

Matio 26:11

Bin à bwoṅbwoṅ nke mbe njoṅ ngelaṅ fa, là bag à bin ke ke mbe njoṅ ngelaṅ fa.

Matio 5:42

Mèn z'a lon ju wù là, o fà yi; ke kaṅ wul o mbwe mèn z'a tshwèt ndiag ndù o tshwé' ju yi là.

Marko 7:19

Nummbe a ke' be tsho a ntùm ntù i, là ntùm bam se, mbèn ntum nèn ntùm kot, ndùlala njoṅ jujù fa b'a nelàne.

Lukas 12:33

Bin swèn njoṅ tshu tsin fa, njwimte bwoṅbwoṅ yi. Bin ghù mbàm mi a ke' be ywèn nà, ngù nkàb tanjoṅ z'a ke' be mi là mfe kamànyam, dù' ze tshô ke' ku'ni neyi, dù' ze mbé' ke' ku' nebagte là.

Lukas 16:9

Tu wul àm, me tshob bin ndù: Bin lo' nkàb z'a ke' tsin nà nka shun yi ndù ngelaṅ z'a nsi bwoṅ bin nà, bo lo' zin ntùm ndà ts'a num ntswe yoṅ ntshù' là.

Lukas 18:22

Yésu be ju' mb'a tshob là, ntshob yi ndù: Ta' ju bèn mbwoṅ wù ntshù'. Swèn njoṅ tshu fa ts'o ghù là, mfà nkàb bwoṅbwoṅ, o nsi se' ghù junkàb tanjoṅ mfe kamànyam; mbèn nse' ntam njam àm.

Lukas 19:8

Sakiô tsin tù, ntshob mbwe Tshùaben ndù: Tà, tshù, me nsi fà mo' bag tshu tshàm bwoṅbwoṅ; a be ze me na' nkubte mèn nkwé ju yi là, mba m'a' ba' yi nze tse kuà.

Mfa' Ghantum 10:15

Nze là bèn ntshob yi mo' yoṅ i ndù: Ju ze Nsi lànte là, kà lo' i mba ju z'a sagte là.

Mfa' Ghantum 11:29

Ghazi'te nu Yésu tshob bo bo ndù a bwô mba we lo fà ju z'a tum yi là, bo tamte njwimte fètfèt tse bo be Yudéa là yi.

Mfa' Ghantum 24:17

Fe ngu'njù yàm me lo ke be ntùm ngô, ndonni me bèn njam nefà tshu neywimte ghayennge' yi ngô àm, mba tshu nele'te Nsi.

2 Korintô 8:12

A be ze mèn kù ntù nefa' là, mba bo nsi bam i num ju z'a ghù là; be bo ke bètt'é ju z'a ke' ghù là.

Efésô 4:28

Kà mèn z'a be njé là bèn neyi, a bwô ndù a fa' fa' mbu mi, ngù ju mebwô ndù a ywimte mèn z'a bwoṅ yi là.

Titô 1:15

Njoṅ tshu fa làn num ben tse bo làn nà. Sàm ju ke' làn num ben nesagte mba num ghakeghù bamntù, zenu yub mba nzentù yub sagte.

Héber 13:16

Kà bin lagte neghù numebwô mba ywimte, nummbe lèn tshen tshule'te Nsi là num mbwô Nsi.

Héber 6:10

Nummbe Nsi ke' b'a mèn ketsin, a ke nsi lagte mfa' mine, mba nkôni ze bin tswite num lén se, bin tse bin na' mfa' ben nelàne, mbèn nke mfa' bo là.

Yakobo 1:27

Neghamte Nsi ze nelàne mba kelo' mbwe Nsi Tà be b'a yen ni ndù: Nelôte bontse mba fôg bènnzwi ntùm nge' yub, nzete num nesagte njù, mbe kelo'.