Lukas 11:4 - NTSHOB NSI

⁴ Lagte nukebwô tshag bag, nummbe mba bag yag num ndagte njoṅ benntùn fa tse bo ghù njo bag à bo là. Kà tshag yag ntùm laṅte.

Lukas 11:4 Iomraidhean Croise

Neto'te 48:16

A bwô ndù Angél z'a na' nsô àm mum nge' là yab kàn tshen bonnshum ni. A bwô ndù lén sàm, se tà tshàm Abraham bo Isak tshùa njam bo nju'ni. A bwô ndù bo bwe, njàm ntùm ngô!

1 Fenfen 8:34

mb'a bwô ndù o tsin mfe kamànyam ndagte nukebwô yu nzwit mèn Israél, ndo' yub mbèn yi njam ntùm ngô z'o na' mfà tà tshob là.

1 Fenfen 8:36

mb'a bwô ndù o tsin mfe kamànyam ndagte nukebwô ghafa' tsho bo yu nzwit mèn Israél. Tswite yub manze ntùn ze bo nsi ke zin num bwe là. A bwô yen ngelaṅ nà ndù o ghù mbaṅ lo num tsha' ts'o na' mfà yu nzwit mèn mba ntsi' là.

Yobkwi 121:7

A bwô ndù Tshùaben lem o num njoṅ nukebwô fa, a lem ntù o,

Yobkwi 25:11

O! Tshùaben, o tshùa num lén so, kà ndagte mfànnu màm, nummb'a ghu' neshu.

Yobkwi 25:18

Yen nge' àm mba ngùtni àm. Lagte njoṅ nukebwô tshàm fa.

Daniel 9:19

Tshùaben ju'u! Tshùaben lagte bag, Tshùaben kù' ntoṅ, ghù ndende, ke ghubte. Nsi àm, ghù ndùlala num nkôni tu wul o, nummbe bo be ntsiaṅ lén so mum ngô o mba netèt yu nzwit mèn.

ṄWA'NI OSÉ 14:2

Israél, bèn njam ntèt Tshùaben Nsi, nummbe o vù nsi à num mfànnu mu.

Matio 18:35

Mba Tàa mfe kamànyam nsi ghù num bin be ndaṅndaṅ, a be ze mba we lo netèt bin ke' be lagte nukebwô mfèl i ngô ntù i fa là.

Matio 26:41

Bin zi tshùalo, nde'te Nsi ndù kà bin tsho ntùm laṅte. Ywèt num mbame, là mbàb wut nke mbole.

Lukas 11:5

A bèn ntshob bo ndù: Be tshob ndù mo' mèn netèt bin ghù nshun i, nèn la' i tshaṅ tèttswe' ntshob yi ndù: Nshun àm, tshwé' màm ntu' bàn ntat;

Lukas 13:4

Bin bèn nkwate mba ndù ben ntshob fom gham tse tuba' Siloé na' ngwù nzwite yub là na' mb'a ghantsha ntshùa ba Yérusalém bo tù' là ké?

Lukas 22:46

A tshob bo ndù: Numke bin nke nzi à? Bin lo nsi, mbèn nde'te Nsi ndù kà bin tsho ntùm laṅte.

Lukas 8:13

Ba num ndoṅ b'a ben tse bo num nkwé ntshob Nsi ntùm tsiaṅte ngelaṅ bo ju'u, là ke ghù nga tse, bamntù yub ze keta fam ngelaṅ metsit laṅte se' bo là.

Yohané 17:15

Me ke ke nde't'a ndù o sô yub ntùm njù, là ndù o lé' yub num nukebwô.

1 Korintô 10:13

Sàm laṅte ke' to' se' k'a ke b'a num ze njoṅ mènntùn. Là Nsi b'a mèn nenùne, a ke nsi bam ndù laṅte z'a tshùa zin neta là se' bin, là, a nsi fà neta nefènte ntùm laṅte, mba manze netum yi ntùm bwe.

Kolosé 3:13

nke mfènte wut tsin bin bin, ndagte, a be ze mèn ghù ntsha bo mo' là. Ndaṅndaṅ mba Kristô lagte bin nà, mba bin zin lagte bin bin.

2 Tésalônikà 3:3

Là Tshùaben b'a mèn nenùne, a nsi fà tànntù bin, bèn tshètte zin num mèn kebwô.

2 Timôtio 4:18

Tshùaben nsi kwé àm bu fa' kebwô, yôg àm, ndù me tsho ntùm nufen se kamànyam. Ghamte be yi ngu'ngu'. Amén.

Yakobo 2:13

Netsho'te ntsha ke' ghù kondèn num mèn z'a ke' ghù kondèn nà. Kondèn be nta' nsoṅ mbwe netsho'te ntsha.

Apokalipse 2:10

Kà bwôg nge' ts'o nsi yen nà. Tshù, Satan nsi ma' tsemo' ben netèt bin ntùm ndàtsha, ndù laṅte se' bin; bin nsi yen nge' ntùm lé'njù gham. Be mèn nenùn tà nkum lé'njù vù, tu wul àm me nsi fà tshe' yôg wù.

Apokalipse 3:10

Nummbe o lé' ntshob màm ntùm nefènte, tu wul àm nsi lé' o num ngelaṅ nge' z'a nsi se' num njoṅ njù fa, laṅte nsitsha' là.