Lukas 11:39 - NTSHOB NSI

³⁹ Là Tshùaben tshob yi ndù: Bin ba Férésia, bin num nsôg njam mvèn ntu' mba nka, là ntù tsin be ndù a dun tshu tshô mba nukebwô.

Lukas 11:39 Iomraidhean Croise

Neto'te 6:5

Tshùaben yen ndù nukebwô mènntùn tshwèt njàm num nsitsha'a, nkwatenu ntù i nke mbe be mi kebwô njoṅ ndù fa.

2 Kronika 25:2

A ghù nu ndaṅndaṅ num miag Tshùaben, là ke yôg mb'a boa ngô ntù i fa.

Yobkwi 22:13

Mfot mfô yàm kaṅt'àm, mfot mfô Basan diaṅ àm mbume.

Tànkùt 26:23

Ndaṅndaṅ mba ba befe silba z'a ṅab num kab tsha' là, nkub ntshu nelote bo ntù kebwô b'a ndùlala.

Tànkùt 26:25

Ndùs'a lo' nze nebotte là, o bamnà nummb'a ghù tshùaya'nu ntù i sammbàa.

Tànkùt 30:12

Mo' nzwit mèn num bwe nke njen mba bo làn tshob là ke be ndù bo sôg yub num sagte!

Yérémia 4:14

Yérusalém, lànte ntù o num nukebwô, ndùlala ndù o yôge. O nsi ke lé' nkwate kebwô ntùm ntù o tà nèn kum à ndùke?

Ezékia 22:25

Tse ghatshob ntshob Nsi tshwèt ntsin tsham netèl i; bo b'a mba ngwayit z'a tshwèt ntshu'u, nke nsé'te nyàm z'a ghome, nke ngom benntùn nà. Bo be ndo' tshunkàb tùntùn boa tshu ntùn. Bo be ngù fôg bènnzwi nke njàm à be neyàm netèt Yérusalém.

Ezékia 22:27

Fenfen tshob b'a mba ba mbù tshwèt tse bo tshwèt nsé'te nyàm bo ghom nà. Bo be mfètte lem, nke mbiagte benntùn, num nelo' tshu tshobe.

Sofoni 3:3

Tse kamkam be netèl i mba ngwayit tse bo tshwèt ntshu' là; tse ghatsho'te b'a mba nzwimàntô tse bo be mbe mfetnjù, mfèt ke lé' sàm ju num nkebnjù là.

Matio 15:19

Nummbe nkwate nukebwô ke ntum à ntùm ntù benntùn, nezwi mèn, neghù màndà, nekale, tshô, nekwé nta tatte mba tshabte.

Matio 7:15

Bin bam nà num ghatshob ntshob Nsi tse tatte tse bo be nse' mbaṅ bin ndù bo ma' ngub njùmbwe num bo, là ntùm bwe, bo b'a nzwimàntô tse bo be mfèt bon mbwe là.

Lukas 16:15

A tshob bo ndù: Bin b'a ben tse bo num ndo' wut tshob mba ben netsin num miag benntùn nà, là Nsi lèn ntù tsine! Ju z'a b'a ze ndùb mbwe benntùn nà, a num mb'a ṅu' mbwe Nsi.

Lukas 7:13

Tshùaben Yésu be yen i, ndèn mi ko i, a tshob yi ndù: Kà nelàne;

Lukas 7:19

ntum yub ndù bo nèn ntshob Yésu ndù: O b'a mèn z'a se' là ké? Ke bag bèn mbéb mo' mènghua à?

Yohané 12:6

Là, a tshob ndùlala ke b'a ndù a tshwèt nywin num bwoṅbwoṅ, là nummbe a na' mb'a ntshô, mbe ndù a na' mbèn nke ndé' mfe', nke njé ju ze bo yab ntùm bwe là.

Yohané 13:2

Bo lo be to' nejù jujù ndù Satan à ma' ntùm ntù Yuda mén Simon ze Iskariot, nu neswèn i.

Mfa' Ghantum 5:3

Là Pétro tshob yi ndù: Anania, numke Satan dun ntù o, o tatte Ywèt Nelàne, ndem mo' nkàb nà o à?

Galatia 1:14

me lo nèn mbwe ntùm nu ba Yuda ntshùa ghuan tshàm yàm ntùm nzwit yag, nke nkô nu ba tà tshàm na' ntshob là ntshùate.

2 Timôtio 3:5

bo ghù mfuni neghamte Nsi, là nke nga neta z'a be ntùm bwe là.

Titô 1:15

Njoṅ tshu fa làn num ben tse bo làn nà. Sàm ju ke' làn num ben nesagte mba num ghakeghù bamntù, zenu yub mba nzentù yub sagte.

Yakobo 4:8

Bin kù'te nse' mbaṅ Nsi, a kù'te nse' mbaṅ bin. Ghaghù nukebwô, bin sôg mbu mine; ghaghù ntù bàa, bin lànte ntù tsine.