Lukas 11:36 - NTSHOB NSI

³⁶ A be ze njoṅ wul o fa b'a ntùm nelàne, ke bèn ngù mo' bag i ntùm njam nà, mb'a nsi be njoṅ i fa ntùm nelàne, mba bo num nte lambo, nkô mi ké' num o là.

Lukas 11:36 Iomraidhean Croise

Tànkùt 1:5

A bwô ndù nzenu kù' ntoṅ nju'u nkwi'te ze nelène; mèn z'a be nkum nà nsi ghù fùagwut ntùm ngùninu mi,

Tànkùt 20:27

Ywèt mènntùn b'a ta' lambo Tshùaben a be ntsho nzin nkum tà ntùm mbi mèn.

Tànkùt 6:23

Nummbe ntag b'a ta' lambo, netswite be ta' nelàne, nebem mèn z'a be ntùm netswit nkùn nà b'a manze yôg.

Esaya 42:16

Me nsi ghù ba mfùmiag zin num manze ze bo ke' lèn nà. M'a' lo' yub ntshùa yi num ntshagnze tse bo ke' lèn nà. M'a' lo' njam ts'a mbwe bo là nkaṅ nelàn yi. M'a' kaṅ dù' ts'a ṅatte l'a tù' tômbo'o. Tshù ju ze me nsi ghù là. Me ke nsi ghua' yube.

Esaya 8:20

Num ntshù' bo kwénta! A be ze bo ke ntshob ndùlala là, mb'a be mfôgnjù ke bèn mbe num ze tu ngô.

ṄWA'NI OSÉ 6:3

be lène, ndèn nediag Tshùaben. A tshwèt nse'e, ndaṅndaṅ mba mfôgnjù z'a be a ke tag ke se' là; a nsi kum num be mba mbaṅ nà, mba njwèt mbaṅ z'a be nzwi' tsha' là.

Matio 13:52

Là, a tshob bo ndù: A b'a ndùlala mba zit ngalèn ṅwa'ni Nsi lo z'a zi'te nu num nufen kamànyam nà, fut'a mo' tàndà z'a num nsô tshu nswe mba tse njwèn ntùm junkàb i là.

Matio 5:15

Bo ke bèn ne nke nte mbwôg num lambo, nte à mum kab, là num téblé, a ké' njoṅ benntùn fa bo be ntùm ndà là.

Lukas 11:35

Ndùlala, bamnà ndù kà nelàn z'a be num o là, kaṅ ntù' njame.

Lukas 11:37

Ngelaṅ Yésu ke ntshob là, mo' mén Férésia tsiaṅ i ndù bo yi jù jujù ndà i, Yésu tsho ndà, ntswe téblé.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

Efésô 4:14

Ndùlala ndù kà bag à bin bèn nebe bônke' tse mba zit netswite lo tshwèt nshùm be fèl i, nke nket be bag bag, ntùm tatte benntùn, ntùm nkùnkù yub, nke ndiag nefùte be là.

Kolosé 3:16

A bwô ndù ntshob Kristô tswe netèt bin mà yàme; bin tswite mbèn ntagte wut tsin ntùm njoṅ zenu fa, ntùm kwi ma'mbu, kwi nenyàmte mba kwi Ywèle, nke njob kwi Nsi ntùm ntù tsin njam kondèn.

Héber 5:14

Là jujù neta b'a num benntùn tse bo ku' là, ben tse bo tshùa ntùm matnu, ngù zenu nelèn numebwô, ngù zenu nelèn nukebwô là.

Yakobo 1:25

Mèn z'a be mfà wul i num ntshù' z'a bwô miagte, ntshù' netum kuan nà, mèn z'a ghô ntùm ntshù', nke nju' ke lagte, là nke nze i ntùm mfa' là, yen mèn nà nsi be mènfen ntùm neze ntshù'.

2 Pétro 3:18

là bin ku' ntùm kondèn mba nelèn Tshùaben be mba ngayôg be Yésu Kristô. Ghamte be yi fe ndonni tà nèn nkum miagte lé'njù. Amén.