Lukas 11:13 - NTSHOB NSI

¹³ A be ze ben kebwô mba bin num ndèn nefà tshu mebwô bon tsin nà, mba Tà zin mfe kamànyam nsi fà ze Ywèt Nelàn ben tse bo lon yi là ntshùa ndùlala!

Lukas 11:13 Iomraidhean Croise

Neto'te 8:21

Tshùaben fit ywèt tse, a bwô i, a tshob mum ntù i ndù: Me ke nsi zi bèn so ndon num tsha' a num mènntùn, nummbe nkwatenu ntù mènntùn b'a mi kebwô fe mônke'; me ke nsi bèn biagte njoṅ tshu fa tse me na' nabte mba me lo neghù là.

Yobkwi 51:5

Nummbe me lèn mfànnu màm. Nukebwô àm ke mb'a be mbwe njoṅ ndù fa.

Tànkùt 1:23

Bin kaṅ wut zin nju' mba me tshobte là! Tshù, m'a' so ywèt tshàm num bin, ngù bin lèn ntshob màm.

Esaya 49:15

Mènnzwi ghù nelag mén z'a nyô là ké? Mb'a ke ko ndèn mén z'a tum bam i là ké? A be mènnzwi lag mén mba nelag là, mba tu wul àm ke nsi lag o.

Ezékia 36:27

Me nsi so ywèt tshàm num bin, ghù kà bin ke nzin mb'a be ntùm ntshù' màm nà, bèn ke ze ntag màm.

Matio 5:16

Ndùlala ndù nka' zin ké' mbwe benntùn ndù bo yen mfa' min mi mebwô, ngamte Tà zin z'a be mfe kamànyam nà.

Matio 5:45

ndù bin tù' bon Tà zin z'a be mfe kamànyam nà; nummbe a be ngù nyam i tà num ben kebwô mba ben mebwô, ngù mbaṅ i lo num ben netsine mba tse ketsin.

Matio 6:14

A be ze bin num ndagte mfànnu benntùn bo là, mba Tà zin mfe kamànyam nsi lagte zin ze.

Matio 6:30

A be ze Nsi num ma' nzwe num yen nenà li z'a be sènni, bo ma' i mbwôg ndamnjù là, mb'a ke' ku'ni nema' nzwe mba num bin zin ké, ghabamntù metsili?

Matio 6:32

Njoṅ tshen tshu là fa, ghakelèn Nsi bèn nke ndiage; Tà zin mfe kamànyam lèn ndù bin bwoṅ tshen tshu là fa.

Matio 7:11

A be ze ben kebwô mba bin nà num ndèn nefà tshu mebwô bon tsin nà, mba Tà zin mfe kamànyam ke nsi fà tshu mebwô ben tse bo lon yi là ntshùa ndùlala ké?

Lukas 11:12

A be z'a lon bumngab là, mb'a' fà nenya'tshum yi à?

Lukas 11:2

A tshob bo ndù: Ngelaṅ bin le'te Nsi là, bin tshob ndù: Tà, ghù lén so be nelàne, ghù nufen so se'e;

Lukas 18:7

Nsi ke' ku'ni neghù nunetsin ben ts'a tsho' yube, tse bo num nkua' yi tèttswe' mba mbwôgtshù là ké? A ke nsi fènte yub ké?

Yohané 4:10

Yésu bùnte ntshob yi ndù: O lo ndèn ju ze Nsi num mfà là, mbèn ndèn mèn z'a tshwèt ntshob wù ndù: Fà mén ntse me, me nu là, kà mbu' mbu yi yu tu, mb'a fà ntse yôg wù.

Mfa' Ghantum 2:38

Pétro bùnte bo ndù: Bin kaṅ ntù tsine, bo nyu' mba we lo netèt bin ntse num lén Yésu Kristô ndù Nsi lagte nukebwô tsine; ndùlala bin nsi kwé Ywèt Nelàne.

Roma 5:17

A be ze mfànnu ta' mèn ghù vù tô njù ntshùa njam yen ta' mèn nà là, be lèn kua' mebwô ndù ben tse bo kwé kondèn Nsi mba nunetsin ts'a dun mfètte là, nsi tô njù ntùm yôg ntshùa njam ta' mèn, Yésu Kristô.

Roma 7:18

Nummbe me lèn ndù numebwô ke' be tswe num àm (yen nà b'a ndù ntùm mbàb wul àm). Nekô neghù numebwô num num àm, là neghù a bumte ke' be me.

Roma 8:32

Yi z'a na' mbe ke faṅ ko' Mén i, là mfà i num njoṅ be fa là, a nsi be ke fà njoṅ tshu fa be, bag à bin bo à ndùke?

Titô 3:3

Nummbe mba be na' mb'a kagni mo' ngelaṅ, ghakeju' ntshu, ben tse bo fùte yub là, kuan ghe'te mba ngùa nzenze, nke njôg ntùm nukebwô mba ghe'te, ben newage, nke mbàn wut be, be be.