Lukas 10:42 - NTSHOB NSI

⁴² Là tshu yàm ke' ywimte, ta' ju ntshù' ku'u. A b'a Maria bèn ntsho' bag i ze mebwô ze be bo ke bèn nkwé yi là.

Lukas 10:42 Iomraidhean Croise

Yobkwi 119:111

Ntshù' mu bèn mbe yàm ju ntsi'i, ntshù' mu bèn nke mfà tsiaṅte ntù àm.

Yobkwi 119:173

A bwô ndù bu o ywimt'àm, nummbe me tsho' yàm à ntshù' mu.

Yobkwi 119:30

Me lo tsho' manze nenùn njab ntshù' mu num miag màm.

Yobkwi 142:5

Lôte bag bu zwim njene, sàm mèn ke bwe z'a lèn àm nà, njoṅ ndàlem fa bi num miag màm, sàm mèn ke bwe ze nu tshàm tshwèt ntoṅ i là.

Yobkwi 17:15

Mba me là, me nsi yen se o, nummbe me b'a mbu'u, njù nsi be làne, ndù m'a ywèt neyen se o.

Yobkwi 27:4

Me be mbètte Tshùaben ta' ju ntshù', ze ntù àm be nkù bwe neshu là: Me be nkô neke ntswe ntùm ndà Tshùaben njoṅ lé'njù yôg sàm fa, ndùlala ndù me lôte bwôntù Tshùaben mba ndù me nyàmte ndà i.

Yobkwi 73:25

We ze be me ghù mfe kamànyam k'a ke nda' wù à? Me ke' kô sàm ju num nsitsha'a, k'a ke nda' wù.

Nzenu 12:13

Miagte tshô: Bin yà ju' njoṅ i fa. Bwôg Nsi mbèn nze ntshù' mi, nummbe yen nà bèn nke ndo' mèn ngù mènntùn yi.

Marko 8:36

Nummbe a be ze mèn ghù njoṅ ngô njù li fa, yôg se bi là, mb'a' ywimt'é ke?

Lukas 10:39

A lo ghù mfèl i ze mènnzwi lén se Maria, z'a tswe ze mbaṅ nku Tshùaben, nke nju' ntshob mi là.

Lukas 11:1

A lo be num mo' lé'njù, Yésu be mo' dù' nke nde'te Nsi. Ngelaṅ z'a miagte nele'te Nsi là, mo' ngazi'te nu i tshob yi ndù: Tshùaben, tswite yag nele'te Nsi mba Yohané na' ntswite ghazi'te nu i yi là.

Lukas 12:20

Là Nsi tshob yi ndù: Nkagni, be num yen tèttswe' li, bo nsi bètt'o ntù o; we z'a nsi ghù tshu ts'o nabte l'à?

Lukas 12:33

Bin swèn njoṅ tshu tsin fa, njwimte bwoṅbwoṅ yi. Bin ghù mbàm mi a ke' be ywèn nà, ngù nkàb tanjoṅ z'a ke' be mi là mfe kamànyam, dù' ze tshô ke' ku'ni neyi, dù' ze mbé' ke' ku' nebagte là.

Lukas 16:2

A tsiaṅ i ntshob yi ndù: Me ke nju' bo ntshob num o à ndùke? Siaṅte njoṅ tshu fa ts'o num ndé' là, nummbe o ke bèn mbèn nke ndé' tshu.

Lukas 16:25

Abraham bùnte yi ndù: Mén àm, kwimte ndù o lo kwé yu bag i, ntswe mebwô ngelaṅ o na' nke' ntùn nà, Lazaro nke njen nge'; ndonni bo tshwèt mfite ntù i, là tu wul o, o nke njen yu nge'.

Lukas 18:22

Yésu be ju' mb'a tshob là, ntshob yi ndù: Ta' ju bèn mbwoṅ wù ntshù'. Swèn njoṅ tshu fa ts'o ghù là, mfà nkàb bwoṅbwoṅ, o nsi se' ghù junkàb tanjoṅ mfe kamànyam; mbèn nse' ntam njam àm.

Lukas 8:18

Bin bam nà num mat ze bin num ndo' nju' yi là. Nummbe mba we lo z'a ghù là, mba bo a' fà yi; là mba we lo z'a ke' ghù là, mba bo a' kwé mba z'a tshwèt nkwate ndù a ghù là.

Yohané 11:1

Mo' ngangokèt lo be bwe, Lazaro ze Bètania, ngô Maria mba Marta ngon màab.

Yohané 11:19

Ben yàm netèt ba Yuda lo se' mbaṅ Marta mba Maria ndù bo fite ntù tshob num nu mfèt yub.

Yohané 12:3

Maria lo' labinda mebwô ze tanjoṅ, njo' nku Yésu yi, mbèn ndo' nyiaṅtu tse ntshwétte nku mi yi. Ywèt labinda dun ntùm ndà.

Yohané 17:3

Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô.

Yohané 4:14

là mèn z'a nsi nu ntse mi me nsi fà yi là, ntù i ke nsi bèn kù mo' yoṅ i, là ntse mi me nsi fà yi là nsi tù' lagntse num i, se ntse nsi tum bwe num yôg matmat là.

Yohané 5:24

Kua' nenùne, kua' nenùne, me tshob bin ndù: Mèn z'a num nju' ntshob màm mbam mèn z'a tum àm nà ghù yôg matmat; mbe ndù a ke bèn nese' mbwe netsho'te ntsha, là, a tum ntùm vù nèn ntùm yôg.

Yohané 6:27

Bin fa'a, ke b'a num jujù z'a num mbi là, là num jujù z'a be ntswe num yôg matmat, ze Mén mèn nsi fà bin nà; nummbe a b'a yi ze Tà, Nsi te sitam i num i là.

1 Korintô 13:3

Ke me ghabte njoṅ tshu tshàm fa num jujù bwoṅbwoṅ no, ke me fà wul àm ndù bo ton no, a be ze me ke' ghù nkôni là, mba yen nà ke' ywimt'àm sàm ju.

Galatia 5:6

Nummbe num Kristô Yésu nesi ket ke nebe ke si ket lo ke' b'a sàm ju, là nda' bamntù z'a be mfà njam nkôni là.

Nebwôgte 30:19

Me lo' Kamànyam bo tsha' sènni mba ngakwénta là num o: Me yab yôg bo vùkob, mbotni bo ndon mbwe o. Lo' yôg, ntshùa ndùlala njôg bin nzwil o,

Yoshua 24:15

Là, sènni a bwô bin tsho' mèn ze bin kô neke mfa' yi là, a be ze neke mfa' Tshùaben bag zin nà: K'a b'a nsi tse tà tsin ke mfa' bo yoṅ ta'ntse, k'a b'a nsi ba Amor tse bin tshwèt ntswe ntùm ngô yub lo. Bin yôg ndèn ndù me bag tunndà àm nsi ke fa' yag à Tshùaben.

Yoshua 24:22

Yoshua tshob bo ndù: Bin b'a ghakwénta tu wut tsin ndù bin tsho' a Tshùaben neke mfa' yi. Bo bùnte ndù: Bag be tshag a ghakwénta yen nu là.